Hiob 34:10 - BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, nyɛɛ bu mi tue, nyɛ juɛmitsɛmɛ! Anɛ Mawu maa pee yi wu tso ní lo? Anɛ Ope ɔ maa pee nɔ́ nɛ dɛ blɔ lo?

Hiob 34:10 ပူးပေါင်းရင်းမြစ်များ

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Samuel II, 22:31

Mawu nɛ ɔ lɛɛ e blɔ ɔmɛ tsuo da; e siwo ɔmɛ hu anɔkuale sɔuu! E ngɛ kaa tsɛ̃i kɛ ha nɔ tsuaa nɔ nɛ ba saa we ngɛ e ngɔ.

Kronika II, 19:7

Nyɛɛ ye Yawɛ gbeye, nɛ nyɛɛ pee nyɛ níhi ngɛ blɔ nɛ da nɔ; ejakaa Yawɛ, wa Mawu ɔ sume kaa a plɛ dami sane hɛ mi ngɔ bu si, aloo a hyɛ nɔ hɛ mi, aloo a he nyɔ mi ní.”

Hiob 34:12

Niinɛ, Mawu pee we nɔ́ nɛ dɛ blɔ; Ope ɔ plɛ we nɔ ko sane hɛ mi ngɔ bu si.

Hiob 34:34

Nihi nɛ ngɛ juɛmi, kɛ ní leli tsuo nɛ ngɛ mi tue bue ɔ, nɔ́ nɛ a ma de ji,

Hiob 36:23

Mɛnɔ lɛ maa tsɔɔ Mawu nɔ́ nɛ sa nɛ e pee? Mɛnɔ lɛ maa po e nya ke e pee yayami?

Hiob 37:23

Mawu Ope ɔ loo, wa be nyɛe maa su e he. E ngɛ he wami, e yeɔ dami sane, nɛ e pee we nɔ́ nɛ dɛ kɔkɔɔkɔ.

Hiob 8:3

Anɛ Mawu plɛɔ sane hɛ mi ngɔ buɔ si lo? Mawu Ope ɔ, anɛ e tsakeɔ nɔ́ nɛ da kɛ peeɔ nɔ́ nɛ dɛ lo?

La 145:17

Nɔ́ tsuaa nɔ́ nɛ Yawɛ peeɔ ɔ da; e naa mɔbɔ be tsuaa be.

La 92:15

Enɛ ɔ tsɔɔ kaa Yawɛ da. Nɔ nɛ buɔ ye he ɔ, yayami ko be e he.

Abɛ Womi 15:32

Nɔ nɛ kplɛɛ we nɛ a tsɔseɔ lɛ ɔ, e ngɛ lɛ nitsɛ e he awi yee. Se nɔ nɛ buɔ tue ɔ, e naa nile.

Abɛ Womi 6:32

Se nyumu nɛ puɛɔ gba a, e be juɛmi; lɛ nitsɛ e hɛ mi lɛ e ngɛ kpatae.

Yeremia 12:1

Yawɛ, ke i ke i kɛ mo ma hla níhi a nya a, mo lɛ o nɔ́ da. Se kɛ̃ ɔ, i kɛ sane nɛ ɔ maa fɔ o hɛ mi. Mɛni he je lɛ nimli yayamihi yaa nɔ ɔ? Mɛni he je lɛ yiwutsotsɛmɛ a he mi jɔɔ mɛ ɔ?

Zefania 3:5

Se Yawɛ ngɛ ma a mi; lɛɛ dalɔ ji lɛ; e pee we nɔ́ nɛ dɛ. Daa ligbi ɔ, e yeɔ dami sane. Se kɛ ɔ, yayami peeli ɔmɛ yaa nɔ nɛ a peeɔ yayami, nɛ nɔ́ nɛ ɔ pee we mɛ zo.

Romabi 9:14

Lɛɛ kɛ wa ma de kɛɛ? Mawu yeɔ sane kpɛkpɛɛ lo? Dɛbi!

Mose V, 32:4

“Yawɛ ji nyɛ yi baalɔ nɛ se be; e hi kɛ pi si, nɛ e da ngɛ blɔ tsuaa blɔ nɔ. Nyɛ Mawu ɔ yeɔ e siwo nɔ; yayami ko be e he; nɔ́ nɛ da, kɛ nɔ́ nɛ sa pɛ e peeɔ.

Yakobo 1:13

Ke a ka nɔ ko ɔ, e ko de ke Mawu lɛ ka lɛ. Ejakaa nɔ ko be nyɛe maa ka Mawu kaa e maa pee yayami lo. Pohu Mawu nitsɛ kɛ́ nɔ.