Hiob 33:6 - BAIBLO ALOO NGMAMI KLƆUKLƆU Ɔ

⁶ Bɔ nɛ o ngɛ ɔ, ja nɔuu imi hu i ngɛ ngɛ Mawu hɛ mi. Imi hu tabo zu ɔ kɛ̃ lɛ a kɛ puɛ mi.

Hiob 33:6 ပူးပေါင်းရင်းမြစ်များ

Hiob 4:19

Nɛ mo nɛ tabo zu lɛ a kɛ puɛ mo, nɛ o ngɛ kaa bunyuku kɛkɛ! Mo nɛ a ma nyɛ maa naa o nɔ kaa bɔ nɛ a naa wɔyewɔye nɔ ɔ, moo lɛɛ o susu kaa Mawu ma he mo maa ye lo?

2 Korintobi 5:20

Lɔ ɔ he ɔ, wa ji bɔfohi ngɛ Kristo biɛ mi ejakaa Mawu gu wa nɔ nɛ e kɛ nihi ngɛ munyu tue. Waa kɛ Kristo biɛ ngɛ nyɛ pɛɛ kpae ke nyɛ ha nɛ a dla nyɛɛ kɛ Mawu nyɛ kpɛti.

2 Korintobi 5:1

Ejakaa wa le kaa ke a puɛ zugba nɛ ɔ nɔ bo tsu nɛ wa ngɛ mi nɛ ɔ, Mawu ma ha wɔ we ngɛ hiɔwe. We nɛ ɔ, pi nine nɛ a kɛ ma, nɛ e maa hi si kɛ maa ya neneene.

Hiob 31:35

Anɛ nɔ ko be nɔ́ nɛ i ngɛ dee ɔ tue bue lo? I ngɛ kita kae kaa anɔkuale sisiisi lɛ i ngɛ tue ɔ nɛ. Mawu Ope ɔ nɛ ha mi heto. Sanehi nɛ ye nya polɔ ɔ kɛ fɔ ye nɔ ɔ, a ngma sane nɛ ɔmɛ kɛ wo womi mi jinɛ

Hiob 20:22

Be mi nɛ e na e he ɔ, jamɛ a be ɔ, haomi nɛ nya wa maa ba e nɔ tlukaa.

Hiob 13:12

Abɛhi nɛ nyɛ ngɛ bue ɔ, a he be se nami ko; munyuhi nɛ nyɛɛ kɛ ngɛ Mawu he fae ɔ ngɛ kaa kɔɔhiɔ kɛkɛ.

Hiob 10:9

Kai kaa tabo zu lɛ o kɛ bɔ mi. Anɛ o ma ha nɛ ma plɛ pee zu ekohu lo?

Mose II, 4:16

Moo o maa pee kaa Mawu, nɛ o maa tsɔɔ lɛ nɔ́ nɛ e de, nɛ lɛɛ e maa pee o we otsiamɛ, nɛ e ma je o munyu ɔ nya ha ni ɔmɛ.

Mose I, 30:2

Yakob mi mi fu lɛ wawɛɛ nitsɛ, nɛ e bi lɛ ke, “Anɛ Mawu ji mi lo? Lɛ ji nɔ nɛ tsi o fɔmi nya a nɛ.”

Mose I, 2:7

Jamɛ a be ɔ mi ɔ, Yawɛ Mawu ngɔ zugba zu kɛ puɛ nɔmlɔ, nɛ e mu mumi nɛ haa nɔ wami ngɔ wo nɔmlɔ gugwɔ puɔ mi; nɛ nɔmlɔ pee adesa hɛngmengmletsɛ.

Hiob 13:3

Imi lɛɛ Mawu Ope ɔ lɛ i kɛ na, se pi nyɛ; ma suɔ nɛ i kɛ lɛ wa hla níhi a nya.

2 Korintobi 4:7

Wɔ nɛ wa ná kikɛmɛ a mumi mi juetli nɛ ɔ, wa ngɛ kaa zu buɛhi. Enɛ ɔ tsɔɔ kaa he wami kpetekpleenyɛ nɛ ɔ, Mawu ngɔ nɛ e je, pi wɔɔ wa ngɔ.