Hiob 33:27 - BAIBLO ALOO NGMAMI KLƆUKLƆU Ɔ

²⁷ E kɛ bua jɔmi ma de ngɛ ma hɛ mi ke, “I pee yayami. I pee we nɔ́ nɛ da blɔ, se kɛ̃ ɔ, Mawu na mi mɔbɔ.

Hiob 33:27 ပူးပေါင်းရင်းမြစ်များ

Romabi 6:21

Níhi nɛ nyɛ pee, nɛ jehanɛ lɛɛ a he ngɛ nyɛ zo pee ɔ, mɛni se nyɛ na kɛ je mi? Nɔ́ nɛ jeɔ mi ji gbenɔ!

Samuel II, 12:13

David de Natan ke, “I pee yayami kɛ si Yawɛ.” Natan de lɛ ke, “Yawɛ ngɔ o he yayami ɔ ngɔ pa mo; o be gboe!

La 14:2

Yawɛ hyɛɛ nimli adesahi ngɛ zugba kɛ jeɔ hiɔwe. E hyɛɛ kaa e maa na nɔ ko nɛ le nɔ́, nɛ hlaa lɛ Mawu ɔ se blɔ lo.

Romabi 7:22

Ngɛ ye tsui mi ɔ, i suɔ Mawu mlaa a saminya.

Mateo 16:26

Mɛni se nɔ ko ma na ke e nine su je ɔ tsuo nɔ, se e laa e klaa? Dɛbi! Nɔ́ ko be nɛ e ma ngɔ ha nɛ e kɛ kpɔ e klaa a.

Romabi 7:16

Ke nɔ́ nɛ i sume ɔ nɔuu mohu i peeɔ ɔ, lɛɛ e tsɔɔ kaa imi hu i kplɛɛ kaa mlaa a hi.

Luka 18:13

“Se tó tsulɔ ɔ ya da si ngɛ se lokoo, nɛ e yi nɔ tete po e wo we kɛ yɛ hiɔwe; mohu ɔ, e gbe e gugue nɛ e de ke, ‘Mawu, yayami peelɔ ji mi; naa mi mɔbɔ!’

Yeremia 23:24

Anɛ nɔ ko ma nyɛ maa laa e he ngɛ he ko nɛ i be lɛ nae lo? Anɛ nyɛ li kaa i ngɛ he tsuaa he lo? I ngɛ hiɔwe kɛ zugba tsuo.

Yeremia 3:13

Moo lɛɛ moo kplɛɛ kɛkɛ kaa o ye fɔ, kaa o tsɔ Yawɛ, o Mawu ɔ hɛ mi atuã. Moo jaje kaa o ngɔ o suɔmi ya ha ma se mawuhi, nɛ o ja mɛ ngɛ tsohi tsuo nɛ bɔ kusuu a sisi. Moo jaje kaa o yi ye mlaa amɛ a nɔ. Imi, Yawɛ lɛ i de.

Yeremia 2:8

Osɔfo ɔmɛ bi we ke, ‘Jije Yawɛ ngɛ?’ Imi nitsɛ ye we osɔfohi po li mi. Nɔ yeli ɔmɛ te si kɛ wo mi; gbali ɔmɛ gba ngɛ Baal biɛ mi, nɛ a ya nyɛɛ níhi nɛ a he be se nami a se.

Fiɛlɔ 5:8

Ke o na nɛ a ngɛ ohiatsɛ yi mi wae, aloo a plɛ sane hɛ mi ngɔ bu si, nɛ a kojo we ngɛ blɔ nɛ da nɔ ngɛ zugba ko nɔ ɔ, e ko pee mo nyakpɛ kulaa. Tsɔli nɛ ngɛ ma a nya, kɛ je nɔ wayoo pe kulaa nɔ kɛ ya si nɔkɔtɔma pe kulaa nɔ ɔ, mɛ tsuo a le nɔ́ nɛ ngɛ nɔ yae ɔ he nɔ́ ko.

Abɛ Womi 28:13

Nɔ nɛ laa e yayamihi a nɔ ɔ, e yɛ nɔ. Se nɔ nɛ jajeɔ e he yayami, nɛ e kpaa yayami peemi ɔ, a maa na lɛ mɔbɔ.

Abɛ Womi 15:3

Yawɛ hɛngmɛ ngɛ he tsuaa he; e naa kpakpa peeli, kɛ yayami peeli tsuo.

La 119:128

Lɔ ɔ he ɔ, i buɔ o mlaa amɛ tsuo, se blɔhi nɛ dɛ ɔ lɛɛ i sume.

La 11:4

Yawɛ ngɛ e we klɔuklɔu ɔ; e matsɛ sɛ ɔ, hiɔwe lɛ e ngɛ. E hɛngmɛ ngɛ nimli adesahi hyɛe ngɛ he tsuaa he; e le níhi nɛ a ngɛ pee.

Hiob 34:9

E deɔ ke e he be se nami kaa nɔ ko nɛ pee Mawu suɔmi nya ní.

Hiob 7:20

Ke i pee yayami ɔ, i plaa mo lo? Mo nɛ o hyɛɛ nimli adesahi a tsui mi ɔ, mɛni he je o je hɛ ngɔ pi mi ɔ? Anɛ i plɛ pee tlomi nɛ jiɔ tsɔ ha mo lo?

Kronika II, 16:9

Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

Mose IV, 12:11

e de Mose ke, “Ye nyɔmtsɛ, i kpa mo pɛɛ, koo gbla wa tue ngɛ kuasia nɛ wa je, kɛ yayami nɛ wa pee nɛ ɔ he.

Mose I, 16:13

Hagar bi e he ke, “Anɛ i na Mawu niinɛ, nɛ ye hɛ ngɛ kɛ mwɔɔ lo?” Lɔ ɔ he ɔ, e tsɛ Yawɛ nɛ kɛ lɛ ba tu munyu ɔ ke, “Mawu nɛ hyɛɛ nɔ.”

Abɛ Womi 5:21

Nɔ́ tsuaa nɔ́ nɛ o ngɛ pee ɔ fɔɔ si paa ngɛ Yawɛ hɛ mi. He tsuaa he nɛ o gu ɔ, e ngɛ mo hyɛe.

Hiob 34:32

Anɛ o fa kue ha Mawu ke e tsɔɔ mo o tɔmi ɔmɛ lo? Anɛ o kplɛɛ kaa o ma kpa yayami peemi lo?

La 103:10

E gbla we wa tue bɔ nɛ sa wɔ; wa yayami ɔmɛ hu e wui wɔ a he hiɔ bɔ nɛ sa wɔ.

Ezekiel 14:23

Ke nyɛ na a jemi bami, kɛ a ní peepee ɔ, nyɛ maa le kaa i pee we ní nɛ ɔmɛ ngɛ lejɛ ɔ yaka.” Nyɔmtsɛ Yawɛ lɛ de.