Hiob 33:24 - BAIBLO ALOO NGMAMI KLƆUKLƆU Ɔ

²⁴ Mawu bɔfo ɔ maa na lɛ mɔbɔ. E ma de ke, “Nyɛɛ ngmɛɛ e he; e be gbeje yae! Nɔ́ nɛ a kɛ ma kpɔ lɛ konɛ e ye e he ji nɛ ɔ nɛ.”

Hiob 33:24 ပူးပေါင်းရင်းမြစ်များ

Mateo 20:28

kaa bɔ nɛ Nɔmlɔ Bi ɔ pee ɔ. E bɛ nɛ a sɔmɔ lɛ, se e ba sɔmɔ mohu, konɛ e ngɔ e wami ngɔ ha, nɛ e kɛ he nihi fuu a yi wami.”

Hiob 33:18

E hla we kaa a hɛ mi nɛ kpata; e heɔ a yi wami kɛ jeɔ gbenɔ mi tete.

1 Timoteo 2:6

Kristo ngɔ e he kɛ sã bɔ ngɛ be nɛ sa mi, konɛ nimli tsuo nɛ a ye a he kɛ je yayami mi.

Zakaria 9:11

Moo lɛɛ i ngɔ muɔ kɛ sã bɔ kɛ ma somi nɛ i kɛ mo so ɔ nɔ mi. Lɔ ɔ he ɔ, o bimɛ nɛ a nuu mɛ nyɔguɛ ɔ, ma jé mɛ kɛ je ma se he nɛ ngɛ kaa vu nɛ nyu be mi ɔ kɛ ba we.

Hosea 14:4

Yawɛ ke, “Ma ha ye ma a maa kpale kɛ ba ye ngɔ kɛ a tsui tsuo, ejakaa ye mi mi nɛ fu mɛ ɔ se po!

Hiob 22:21

Lɔ ɔ he ɔ, Hiob, yaa nɛ o kɛ Mawu ya pee kake nɛ o na tue mi jɔmi. Blɔ nɔ nɛ o maa gu nɛ e maa hi ha mo ji nɛ ɔ nɛ.

Mose II, 33:19

Yawɛ de Mose ke, “Ma ha ye hɛ mi nyami ɔ tsuo maa be ngɛ o hɛ mi, nɛ ye biɛ nɛ ji Yawɛ ɔ hu ma wo nɔ ta ngɛ o hɛ mi. Nihi nɛ sa dloomi ɔ, ma dloo mɛ; nɛ ni nɛmɛ nɛ sa mɔbɔ nami ɔ, ma na mɛ mɔbɔ.”

Yeremia 31:20

“Israel, mo ji ye bi nɛ i suɔ saminya; mo ji bi nɛ i suɔ pe bimɛ ɔmɛ tsuo. Be tsuaa be nɛ ma de nɔ́ ko kɛ si mo ɔ, ja i kɛ suɔmi kai mo kɛ̃. Ye hɛ jaa ngɛ o he, lɔ ɔ he ɔ, ma na mo mɔbɔ kɛ̃.

La 86:15

Se mo Nyɔmtsɛ ɔ, Mawu mɔbɔ nalɔ, kɛ Mawu nɛ suɔ nɔ ji mo. O toɔ o tsui si ha wɔ; o dlooɔ nɔ, nɛ o yeɔ nɔ anɔkuale daa.

La 86:13

O na mi mɔbɔ be babauu; gbeje tete po lɛ o je mi kɛ je.

La 86:5

Nyɔmtsɛ, o hi, nɛ o kɛ yayami paa nɔ. Nɔ tsuaa nɔ nɛ faa kue kɛ haa mo ɔ, o naa lɛ mɔbɔ.

La 71:3

Ye wesa he, kɛ ye he falɔ, moo bu ye he daa kaa tɛ sa, kɛ mɔ nɛ he wa.

La 40:2

E gbla mi kɛ je muɔ nɛ mi ngɛ gbeye ɔ mi; e je mi kɛ je mɔsɔ nɛ mi ti ɔ mi. E ngɔ mi kɛ ma tɛ sa nɔ, nɛ e ha nɛ ye nane ma si ekohu.

La 22:4

Wa nɛmɛ ɔmɛ ngɔ a hɛ kɛ fɔ o nɔ. A ngɔ a hɛ kɛ fɔ o nɔ, nɛ o he a yi wami.

Hiob 36:18

Hyɛ saminya nɛ o mi mi nɛ fu ɔ kó ha nɛ o ya gbe Mawu he guɛ. Ko ha ní nami nɛ je o juɛmi kɛ je Mawu he.

Hosea 14:2

Nyɛɛ kpale kɛ ba Yawɛ, nyɛ Mawu ɔ ngɔ. Nyɛ ba fa kue ha lɛ, nɛ nyɛ de lɛ ke, “Ngɔɔ wa he yayami ɔmɛ kɛ pa wɔ; nɛ o bu wa kue fami ɔ tue, konɛ wa je o yi kaa bɔ nɛ wa wo si ɔ.

Hiob 33:25

E ma tsake maa pee niheyo ekohu, nɛ e he womi maa pee tlotlootlo kaa jokuɛyo he womi.

Hiob 33:28

Mawu kplɛɛ we nɛ ma ya gbeje, nɛ i ngɛ je mi kɛ mwɔɔ.”

La 107:20

E ngɔ e munyu ɔ kɛ tsa mɛ. E je mɛ kɛ je hɛ mi kpatami nɛ ko ba a nɔ ɔ mi.

Yesaya 53:5

A plaa lɛ ngɛ wa yayami ɔmɛ a he, a fiaa lɛ ní ngɛ wa tɔmi ɔmɛ a he, a gbla e tue, konɛ wa na he jɔmi, a wo e he pa, konɛ wɔɔ lɛɛ wa na tsami.