Hiob 33:19 - BAIBLO ALOO NGMAMI KLƆUKLƆU Ɔ

¹⁹ Nɔmlɔ kaseɔ ní ngɛ hiɔ sa nɔ, be mi nɛ e wuhi a mi ngɛ lɛ kpee nɛ he jɔmi be mi.

Hiob 33:19 ပူးပေါင်းရင်းမြစ်များ

Hiob 30:17

Nyɔ mi ɔ, ye wuhi a mi kpeɔ mi wawɛɛ nitsɛ nɛ he jɔmi be mi.

1 Korintobi 11:32

Se Nyɔmtsɛ ɔ kojoɔ wɔ, nɛ e gblaa wa tue, bɔ nɛ pee nɛ nyagbe ɔ, Mawu nɛ ko bu wɔ fɔ kɛ piɛ je ɔ he.

La 119:71

E hi ha mi kaa o gbla ye tue, konɛ ma kase o mlaa amɛ.

Kpojemi 3:19

Nihi nɛ i suɔ mɛ ɔ, i kaa a hɛ mi, nɛ i gblaa a tue. Lɔ ɔ he ɔ, o hɛ nɛ dɔ, nɛ o tsake o tsui.

Yesaya 27:9

Se bɔ nɛ Israel maa pee kɛ je a he yayami ɔmɛ konɛ a kɛ pa mɛ ji, a maa wɛɛ je ma amɛ a bɔ sami la tɛ ɔmɛ bukɔbukɔ kaa ayilɔ, nɛ yo mawu Ashera a tsopa kɛ e he via bɔ sami la tɛ ɔmɛ, loo e we amaga amɛ ekoeko be si hie hu.

La 119:67

Loko o gbla ye tue ɔ, i pɔɔ blɔ tlami, se jehanɛ lɛɛ i yeɔ o munyu ɔ nɔ.

La 94:12

Yawɛ, nɔmlɔ nɛ o tsɔseɔ lɛ, nɛ o tsɔɔ lɛ o mlaa a, a gbaa lɛ.

Hiob 20:11

Nɔmlɔ tso kɛ e he nihe nyu tsuaa a ma plɛ pee zu.

Hiob 7:4

Ke i ya hwɔ si ɔ, i biɔ ye he ke, “Mɛni be je maa na nɛ ma te si?” Ke nyɔ ɔ se kɛ ɔ, kikɛ nɛ ɔ i hii plɛe ngɛ sa mi hluu kɛ ya siɔ mɔtu.

Kronika II, 16:12

Benɛ Asa ye jeha nyingmi etɛ kɛ nɛɛ ngɛ matsɛ sɛ ɔ nɔ ɔ, nane hiɔ nɛ nya wa wawɛɛ ko ba bu lɛ si. Se e kɛ e kɔmɔ ɔ yɛ Yawɛ hɛ mi; tsopa peeli mohu a ngɔ lɛ e ya.

Kronika II, 16:10

Nɔ́ nɛ ɔ ha Asa mi mi fu gbalɔ ɔ wawɛɛ nitsɛ, nɛ e wo lɛ tsu. Jamɛ a be ɔ mi nɔuu ɔ, Asa bɔni ma mi bi ɔmɛ ekomɛ yi mi wami.

Mose V, 8:5

Nyɛ na nɛ nyɛɛ le kaa bɔ nɛ tsɛ tsɔseɔ e bi ɔ, ja Yawɛ, nyɛ Mawu ɔ ngɛ nyɛ tsɔsee ɔ nɛ.

La 73:14

Mawu, o haa nɛ i naa nɔ́ ligbi ɔ tsuo; o gblaa ye tue daa mɔtu.

Hiob 29:17

I ku yiwutsotsɛmɛ a tsitsa, nɛ i kpɔ nihi nɛ a ngɛ yi mi wae ɔ kɛ je a nya mi.

Fiɛlɔ 8:6

Ejakaa be nɛ sa, kɛ blɔ nɔ nɛ a kɛ peeɔ nɔ́ ngɛ. Se akɛnɛ nɔmlɔ adesa li he je ɔ, e ba peeɔ haomi ha lɛ.