Hiob 33:14 - BAIBLO ALOO NGMAMI KLƆUKLƆU Ɔ

¹⁴ Mawu ngɛ munyu tue daa be tsuaa be, se nɔmlɔ adesa bui nɔ́ nɛ e ngɛ dee ɔ tue.

Hiob 33:14 ပူးပေါင်းရင်းမြစ်များ

Abɛ Womi 1:24

I hla nyɛ se blɔ, nɛ i tsɛ nyɛ si abɔ ke nyɛɛ ba ye ngɔ. Se nyɛ bui fɛɛ.

Kronika II, 33:10

Yawɛ bɔ Manase kɛ e ma a kɔkɔ, se a bui tue.

La 62:11

Pi si kake pɛ nɛ Mawu tu munyu nɛ ɔ; e de si abɔ ke, he wami ɔ, lɛ Mawu ɔ e ngɔ e jee.

Luka 24:25

Kɛkɛ nɛ Yesu de mɛ ke, “Kuasiahi nɛ nyɛ sume kaa nyɛ ma he níhi tsuo nɛ gbali ɔmɛ de ɔ maa ye!

Hiob 33:29

Nɔ́ nɛ Mawu peeɔ ha nɔmlɔ si abɔ ji nɛ ɔ nɛ:

Yohane 3:19

Nɔ́ nɛ nɔ nɛ a da kɛ bu mɛ fɔ ji nɛ ɔ nɛ: la a ba je ɔ mi, se adesa suɔ diblii ɔ mohu pe la a, ejakaa a peeɔ yayami.

Mateo 13:14

Lɔ ɔ he ɔ, gbami nɛ Yesaya gba a kɔɔ a he niinɛ. E ke, ‘Niinɛ, nyɛ maa nu, se nyɛ be sisi nue. Niinɛ, nyɛ maa na, se nyɛ be se kɔe.

Yesaya 6:9

Kɛkɛ nɛ e de mi ke ma ya nɛ ma ya de ma a ke, “Nyɛ maa bu tue, se nyɛ be sisi nue; nyɛ maa hyɛ, se nyɛ be se kɔe.”

Abɛ Womi 1:29

Ejakaa nyɛ bui nile he akɔtaa; Yawɛ hu, nyɛ yi lɛ gbeye.

Hiob 40:5

I tu munyu pe bɔ nɛ sa nɛ ma tu; i pa be nɔ́ ko dee hu.

Mose I, 46:2

Nyɔ mi ɔ, Mawu kɛ lɛ tu munyu ngɛ nina mi. Mawu tsɛ lɛ ke, “Yakob, Yakob!” Yakob he nɔ ke, “I ngɛ hiɛ ɔ.”

Daniel 7:1

Babilon matsɛ, Belshazar yi nɔ, kekleekle jeha a mi ɔ, i nla, nɛ i na nina ko nyɔ mi. I ngma nlami ɔ ngɔ wo womi mi. Nina nɛ i na jamɛ a nyɔ ɔ mi ɔ ji nɛ ɔ nɛ.

Hiob 4:13

Munyu nɛ ɔ he susumi ha nɛ dekla nu mi, nɛ i hwɔ we mahe nyɔ ɔ mi tsuo.

La 62:12

E de hu ke lɛ Nyɔmtsɛ ɔ, e suɔmi ɔ ngɛ daa. Ee, mo Nyɔmtsɛ nitsɛ lɛ o woɔ nɔ tsuaa nɔ hiɔ bɔ nɛ sa e ní tsumi.