Hiob 33:13 - BAIBLO ALOO NGMAMI KLƆUKLƆU Ɔ

¹³ Mɛni he je mɔ lɛ o kɛ lɛ ngɛ pɛe kaa e bui níhi nɛ e ngɛ pee ɔ ekoeko he akɔtaa kɛ tsɔɔ we nɔ ko?

Hiob 33:13 ပူးပေါင်းရင်းမြစ်များ

Yesaya 45:9

Musu tloo nɔmlɔ adesa nɛ e kɛ e bɔlɔ ɔ sãã nya. Adesa ngɛ kaa zu buɛ ngɛ buɛ puɛlɔ dɛ mi. Anɛ zu biɔ buɛ puɛlɔ ɔ ke, “Mɛni lɛ o ngɛ puɛe ɔ?” aloo “Nɔ́ nɛ o puɛ ɔ be nine lo?”

1 Korintobi 10:22

Pe wa ngɛ hlae nɛ waa wo Nyɔmtsɛ ɔ mi mi la nɛ e je hunga lo? Anɛ wa he wa pe lɛ lo?

Romabi 11:34

Kaa bɔ nɛ ngmami ɔ deɔ ɔ, “Mɛnɔ lɛ le Nyɔmtsɛ ɔ juɛmi, aloo mɛnɔ lɛ wo lɛ ga hyɛ?

Ni Tsumi 5:39

Se ke Mawu dɛ mi nɛ e je ɔ, nyɛ be Mawu nɔ nyɛe maa ye. Nyɛ ko ba pee nyɛ he kaa nihi nɛ a kɛ Mawu ngɛ ta hwue!” Kpe ngua a ngɔ Gamaliel ga womi ɔ.

Ni Tsumi 1:7

Yesu de mɛ ke, “Be nɛ ní nɛ ɔmɛ maa ba mi ɔ, Tsaatsɛ pɛ lɛ to, nɛ e pi nyɛ blɔ nya kaa nyɛ maa le;

Mateo 20:15

Anɛ i be he blɔ kaa i kɛ imi nitsɛ ye sika peeɔ nɔ́ nɛ i suɔ lo? Aloo ye mi mi nɛ jɔ ɔ he o hɛngmɛ tsu ngɛ nɛ ɔ?’ ”

Daniel 4:35

Nimli adesahi tsuo nɛ ngɛ je nɛ ɔ mi ɔ, a pi nɔ́ ko ngɛ Mawu hɛ mi. E ngɛ he wami ngɛ hiɔwe bɔfohi, kɛ nimli nɛ ngɛ je ɔ mi ɔ a nɔ. Nɔ ko nɔ ko be nyɛe maa tsi e nya. Nɔ ko nɔ ko be nyɛe ma bi lɛ ke, ‘Mɛni o ngɛ pee nɛ ɔ?’

Ezekiel 22:14

Ke i kɛ mo ná a, anɛ o ma nyɛ maa to tsui si, nɛ o maa pee kã kɛ ya si nyagbe lo? Imi, Yawɛ lɛ i de, nɛ ma pee hulɔ.

Yeremia 50:24

Babilonia, o kɛ imi, Yawɛ hwu ta. Nɛ klama nɛ i tsɔ mo ɔ, o du klama a; ejakaa o li tete kaa i tsɔ mo klama ko.

Yesaya 46:10

Níhi tsuo nɛ maa ba hwɔɔ se ɔ, imi ji nɔ nɛ gba kɛ to kɛ je blema lokoo; níhi nɛ na we nɛ a ba lolo ɔ hu, imi lɛ i gba kɛ to. I de ke ye yi mi tomi maa ba mi, nɛ nɔ́ tsuaa nɔ́ nɛ i suɔ ɔ, lɔ ɔ ma pee.

La 62:11

Pi si kake pɛ nɛ Mawu tu munyu nɛ ɔ; e de si abɔ ke, he wami ɔ, lɛ Mawu ɔ e ngɔ e jee.

Hiob 9:14

Lɛɛ jije ma na munyu ngɛ kɛ ha Mawu heto nɛ sa?

Mose V, 29:29

“Laami ní komɛ ngɛ nɛ Yawɛ, wa Mawu ɔ je we kpo ngɔ tsɔɔ wɔ, se e je e mlaa a kpo ngɔ ha wɔ kɛ wa nina, bɔ nɛ pee nɛ waa ye nɔ kɛ ya neneene.

Romabi 9:20

Se mo nɔmlɔ adesa, mɛnɔ ji mo nɛ o ma de Mawu ke nɔ́ nɛ e de ɔ dɛ? Anɛ buɛ ma de nɔ nɛ puɛ lɛ ɔ ke, “Mɛni he je o puɛ mi kaa kikɛ nɛ ɔ?”

Hiob 11:7

Anɛ o ma nyɛ maa na Mawu níhi nɛ a mi kuɔ a nya kɛ pi si lo? Anɛ o ma nyɛ maa na Mawu Ope ɔ nya tami he lo?

Hiob 9:12

Nɔ́ nɛ e suɔ ɔ, kɛkɛ e gblɔ kɛ je. Mɛnɔ ma nyɛ maa tsi e nya? Mɛnɔ ma nyɛ ma bi lɛ ke, “Mɛni o ngɛ pee nɛ ɔ?”

Hiob 10:2

Mawu, koo bu mi fɔ. Mɛni i pee, loko o kɛ mi ngɛ sane yee kikɛ nɛ ɔ?

Hiob 10:6

Mɛni he je mɔ lɛ o ngɛ ye tɔmi ɔmɛ, kɛ ye yayami ɔmɛ a se die kikɛ nɛ ɔ?