Hiob 32:21 - BAIBLO ALOO NGMAMI KLƆUKLƆU Ɔ

²¹ I be nɔ ko hɛ mi hyɛe kɛ tu munyu; nɛ i be munyu dɔkɔdɔkɔ tue ngɛ nɔ ko he.

Hiob 32:21 ပူးပေါင်းရင်းမြစ်များ

Samuel II, 14:17

I heɔ yeɔ kaa munyu nɛ nɛnɛ maa tu ɔ maa jɔɔ ye bua; ejakaa mo nɛnɛ ɔ, o ngɛ kaa Mawu bɔfo; o le slɔɔto nɛ ngɛ kpakpa kɛ yayami a kpɛti. Yawɛ, o Mawu ɔ nɛ e gbaa mo.”

Samuel II, 14:20

O tsɔlɔ Yoab to ga nɛ ɔ, nɛ́ e dla sane ɔ he. Se nɛnɛ lɛɛ e ngɛ kaa Mawu bɔfo; e le nɔ́ tsuaa nɔ́ ngɛ je ɔ mi.”

Hiob 13:10

Ke nyɛ hyɛɛ nimli a hɛ mi ngɛ laami mi ɔ, e ma ka nyɛ hɛ mi kɛ̃.

Hiob 13:8

Mawu he lɛ nyɛ ngɛ pɛe ɔ? Nyɛ maa ye e sane ɔ ha lɛ lo?

Hiob 32:20

Ma tu munyu, konɛ ma na he jɔmi; ma pa ye nya mi, nɛ ma ha mo o munyu ɔmɛ a heto.

Hiob 32:22

I li munyu dɔkɔdɔkɔ tumi. Ke i pee ja a, ye bɔlɔ ɔ maa gbla ye tue amlɔ.

Hiob 33:3

Anɔkuale ɔ nɛ i le ɔ, lɔ ɔ ma de mo kɛ je ye tsui mi faa.

Hiob 34:19

Mawu hyɛ we ganɔhi a hɛ mi. E bui niatsɛmɛ pe ohiatsɛmɛ; ejakaa lɛ nɛ e bɔ mɛ tsuo.

La 82:2

“Kɛ yaa si mɛni be lɛ nyɛ maa hyɛ nimli a hɛ mi kɛ kojo? Kɛ yaa si mɛni be lɛ nyɛ ma fi nimli yayamihi a se?

Abɛ Womi 24:23

Ní leli a munyu komɛ hu ji nɛ ɔmɛ nɛ. Ke a ngɛ kojoe ɔ, e sɛ kaa a hyɛɔ nɔ hɛ mi.

Abɛ Womi 28:23

Nɔ nɛ kaa nɔ hɛ mi ɔ, pee se ɔ, e naa yi jemi kulaa pe nɔ nɛ kɛ munyu ngɔngɔɛ gbeɔ e nyɛmi yi mi.

Mose III, 19:15

“Nyɛɛ ye dami sane ngɛ kojomi mi; nyɛ ko hyɛ nɔ ko hɛ mi, ohiatsɛ ji lɛ jio, niatsɛ ji lɛ jio.

Malaki 2:9

Enɛ ɔ he je ɔ, imi hu ma ha nɛ Israel bi ɔmɛ maa hie nyɛ, ejakaa nyɛ pee we ye suɔmi nya ní; mlaa a hu, nihi a hɛ mi lɛ nyɛ hyɛɛ kɛ tsɔɔ.”

Mateo 22:16

Kɛkɛ nɛ a tsɔ a kaseli ɔmɛ a ti ni komɛ, kɛ Herode we bi komɛ kɛ ba e ngɔ. A ba de lɛ ke, “Tsɔɔlɔ, wa le kaa anɔkualetsɛ ji mo. Bɔ nɛ Mawu suɔ kaa adesa nɛ hi si ɔ, o tsɔɔ pɛpɛɛpɛ nɛ o yi nɔ ko nɔ ko gbeye; ejakaa o hyɛ we nimli a hɛ mi.

Mose V, 1:17

Nyɛ ko hyɛ nɔ hɛ mi ngɛ sane yemi mi; nyɛɛ bu nɔ tsuaa nɔ tue pɛpɛɛpɛ. Nyɛ ko ye nɔmlɔ adesa hɛ mi gbeye; ejakaa Mawu ji nɔ nɛ buáá sane he. Se ke sane ko pa nyɛ ɔ, lɛɛ nyɛ kɛ ba ye hɛ mi, konɛ imi nitsɛ ma hyɛ mi.’

Mose V, 16:19

A ko ye tue kpɛkpɛɛ sane; nɛ a ko hyɛ nɔ hɛ mi. A ko he nyɔ mi ní; ejakaa nyɔ mi ní hemi yuɔ ní leli po a hɛngmɛ, nɛ e haa a plɛɔ munyu hɛ mi buɔ si.