Hiob 32:2 - BAIBLO ALOO NGMAMI KLƆUKLƆU Ɔ

² Kɛkɛ nɛ Elihu mi mi fu Hiob wawɛɛ nitsɛ kaa e pia Mawu, nɛ e wo lɛ nitsɛ e he nguɔ. (Elihu nɛ ɔ, Buz no ɔ nɛ a tsɛɛ lɛ Barakel ɔ binyumu ji lɛ. E je Ram weku ɔ mi, nɛ lɛɛ e bee ngɛ lejɛ ɔ kɛkɛ.)

Hiob 32:2 ပူးပေါင်းရင်းမြစ်များ

Mose I, 22:21

Uz, Buz, Kemuel nɛ ji Aram tsɛ,

Hiob 10:3

Imi nɔmlɔ nɛ mo nitsɛ o bɔ ɔ, anɛ e da ha mo kaa o wa mi yi mi, nɛ o hie mi kikɛ nɛ ɔ, konɛ yiwutsotsɛmɛ a yi mi tomi yayami ɔmɛ lɛɛ o bua nɛ jɔ he lo?

Hiob 15:5

Nɔ́ nɛ o ngɛ dee ɔ yeɔ o he yayami ɔmɛ a he odase; lakpa sɔuu lɛ o ngɛ yee ɔ nɛ.

Hiob 22:5

Dɛbi, a ngɛ o tue gblae, ejakaa o he yayami ɔmɛ hiɛ tsɔ; o he yayami ɔ, a li nya.

Hiob 27:5

I be kplɛɛe kɔkɔɔkɔ kaa nɔ́ nɛ nyɛ ngɛ dee ɔ ngɛ mi; kɛ yaa si ye gbenɔ ligbi ɔ, nɔ́ nɛ i ngɛ dee kɛkɛ ji i yi fɔ.

Hiob 27:6

Nɔ́ nɛ i ngɛ dee ke i pee we nɔ́ ko nɛ dɛ blɔ ɔ, jamɛ a munyu kake too ɔ i ngɛ tue; ye he nile bui mi fɔ ligbi ko ligbi ko.

Hiob 30:21

O ngɛ mi yi mi wae; o kɛ nine si wami ngɛ mi yi mi wae wawɛɛ nitsɛ.

Hiob 32:3

Elihu mi mi fu Hiob huɛmɛ etɛ ɔmɛ hulɔ, ejakaa a bu Hiob fɔ, be mi nɛ mɛ nitsɛmɛ a nɛ heto kpakpa ko nɛ a ha lɛ.

Hiob 33:8

Munyu nɛ o tu nɛ i nu kɛ ye tue ji,

Hiob 40:8

Anɛ o ngɛ hlae nɛ o bu mi fɔ kaa i yi dami sane, konɛ moo lɛɛ o wo o he nguɔ kaa o nɔ́ da lo?

La 69:9

Ejakaa ye hɛ dɔ wawɛɛ ngɛ o we ɔ he; nɛ ahlua nɛ ni ɔmɛ ngɛ mo bɔe ɔ ba pue ye nɔ.

Marko 3:5

Yesu kɛ abofu hyɛ a hɛ mi kɛ kpe; e dɔ lɛ kaa a tsui wa kikɛ nɛ ɔ. Kɛkɛ nɛ e de nyumu ɔ ke, “Kpã o nine mi!” E pee ja; nɛ a tsa e nine ɔ.

Luka 10:29

Se mlaa tsɔɔlɔ ɔ hla kaa e maa bu e he bemi, lɔ ɔ he ɔ, e bi Yesu ke, “Mɛnɔ ji ye nyɛmi?”

Efesobi 4:26

Ke e ba mi kaa nyɛ ti nɔ ko mi mi fu e nyɛmi ɔ, e ko ngmɛ blɔ nɛ lɔ ɔ nɛ ha nɛ e pee yayami. E bɔ mɔde nɛ e tsui he nɛ jɔ loko pu nɛ nɔ si.