Hiob 31:9 - BAIBLO ALOO NGMAMI KLƆUKLƆU Ɔ

⁹ Ke ye nyɛmi ko e yo he pee mi akɔnɔ hyɛ, nɛ i ya wo lɛ ka ngɛ ye nyɛmi nɛ ɔ sinya se ɔ,

Hiob 31:9 ပူးပေါင်းရင်းမြစ်များ

Fiɛlɔ 7:26

Nɔ́ ko hu nɛ i na nɛ dooɔ pe gbenɔ ji yo nɛ e tsui mi ngɛ kaa klama nɛ a tsɔ, aloo ya nɛ a wo nɛ a kɛ maa du nɔ. E nine ngɛ kaa kɔsɔkɔsɔ nɛ a kɛ maa wo nɔ. Nyumu nɛ peeɔ Mawu suɔmi nya ní ɔ maa je e dɛ mi. Se yayami peelɔ lɛɛ yo ɔ nine maa su e nɔ.

Matsɛmɛ I, 11:4

nɛ benɛ e ba bwɔ ɔ, a ha nɛ e bɔni mawu kpahi jami. Salomo yi Yawɛ, e Mawu ɔ anɔkuale kɛ pi si kaa bɔ nɛ e tsɛ David pee ɔ.

Manyadali 16:5

Filisti matsɛmɛ ɔmɛ ba yo ɔ ngɔ, nɛ a ba de lɛ ke, “Moo gbe Samson yi mi nɛ e tsɔɔ mo he nɛ e naa e he wami kpetekpleenyɛ ɔ kɛ jeɔ, kɛ bɔ nɛ wa maa pee nɛ wa nine maa su e nɔ, konɛ waa fi lɛ, nɛ waa jɔɔ e he. Wa ti nɔ tsuaa nɔ ma ha mo sika hiɔ akpe kɛ e nya lafa.”

Hosea 7:4

Dikali kɛ atuã tsɔli ji mɛ tsuo. Ninyɛ nɛ nya wa wawɛɛ nitsɛ lɛ ngɛ a mi. Ninyɛ ɔ jeɔ sisi kaa flɔɔnɔɔ mi la nɛ ngɛ tsoe tikɔɔ hluu kɛ ya suu be nɛ mamu ɔ ma fu saminya, nɛ́ abolo sãlɔ ɔ ma klɛ la a mi, konɛ e tso gegeege.

Yeremia 5:8

A ngɛ kaa okpɔngɔ kuhi nɛ plɔke saminya nɛ a he mi ngɛ mɛ ngɔɔe, nɛ a he mi abua ngɛ nɔ́ dee ha mɛ; nɔ tsuaa nɔ hɛ dɔ ngɛ e nyɛmi e yo se.

Abɛ Womi 22:14

Yo yaholɔ nya mi ngɛ kaa muɔ voo nɛ a tsua kɛ fɔ si. Nihi nɛ Yawɛ mi mi fu mɛ lɛ a nɔɔ muɔ nɛ ɔ mi.

Abɛ Womi 6:25

Ko ya di e he fɛu ɔ se; ko ha nɛ e we ajuama hɛngmɛ ɔ nɛ nu mo.

Nehemia 13:26

I de ke, “Pi ma se yihi nɛ ha nɛ Matsɛ Salomo pee yayami ɔ? Matsɛ Salomo ji matsɛ nguaa pe je ma amɛ a matsɛmɛ ɔmɛ tsuo. Mawu suɔ e sane, nɛ e wo lɛ Israel tsuo nɔ matsɛ; se kɛ̃ ɔ, ma se yi ɔmɛ ha nɛ lɛ po e pee yayami.

Abɛ Womi 7:21

Yo nɛ ɔ kɛ e nya mi munyu ngɔngɔɛ ɔ gbe niheyo ɔ yi mi hluu kɛ ya si e nine su niheyo ɔ nɔ.

Hiob 31:1

I ka kita kaa i kɛ akɔnɔ hɛngmɛ be zangmayo ko hyɛe gblegbleegble.

Mose III, 20:10

Ke Israel no ko kɛ e nyɛmi Israel no e yo na bɔmi ɔ, a puɛ gba; á gbe nyumu ɔ kɛ yo ɔ tsuo.

Mose V, 5:21

“ ‘O hɛ ko kɔ̃ o nyɛmi e yo nɔ; o hɛ ko kɔ̃ o nyɛmi e we, aloo e zugba, aloo e tsɔlɔ nyumu, aloo e mawayo, aloo e na, aloo e teji, aloo e nɔ́ kpa ko nɔ.’

Abɛ Womi 6:27

Anɛ nɔ ko maa je la kɛ pue e gugue mi, nɛ e tadehi be sãe ngɛ e he lo?