Hiob 31:7 - BAIBLO ALOO NGMAMI KLƆUKLƆU Ɔ

⁷ Ke i je blɔ kpakpa a nɔ kɛ ya nyɛɛ níhi nɛ ye tsui suɔ a se, nɛ i kɛ nɔ́ nɛ ɔ peemi ble ye he ɔ,

Hiob 31:7 ပူးပေါင်းရင်းမြစ်များ

Mose IV, 15:39

Deke nɛ ɔmɛ maa pee kaimi nɔ́ kɛ ha nyɛ. Ke nyɛ hyɛ mɛ pɛ nyɛ ma kai Yawɛ mlaa amɛ tsuo, nɛ nyɛ maa ye a nɔ, konɛ nyɛ ko je ye se kɛ ya nyɛɛ basabasa kɛ pee nyɛ suɔmi nya ní.

Fiɛlɔ 11:9

Nihewi, nyɛ fiɛ nyɛ yi nɔ ngɛ nyɛ nihe mi; nyɛɛ pee nyɛ suɔmi nya ní, nɛ nyɛ na bua jɔmi. Se nyɛ na nɛ nyɛɛ le kaa Mawu maa kojo nyɛ ngɛ ní nɛ ɔmɛ tsuo a he.

Mateo 5:29

Ke o hiɔ nɔ hɛngmɛ haa nɛ o peeɔ yayami ɔ, hiaa nɛ o sake ngɔ fɔ he. E hi ha mo kaa o nɔmlɔ tso ɔ he nɔ́ ko maa laa pe nɔ́ nɛ a ma sake o nɔmlɔ tso ɔ tsuo ngɔ fɔ Abosiami a je la a mi.

Ezekiel 14:7

“Ke Israel fɔfɔɛ ko, loo nɔ ko nɛ ba to Israel bi ɔmɛ nubwɔ tsɔ e he kɛ je ye he, nɛ e ngɔ e hɛ ngɔ fɔ e we amaga amɛ a nɔ kɛ e tsui tsuo, nɛ lɔ ɔ he je yayami pɛ e peeɔ ɔ, ke e ba gbalɔ ko ngɔ nɛ e ba bi ní ɔ, imi Yawɛ nitsɛ ma ha lɛ heto.

Ezekiel 14:3

“Nɔmlɔ adesa, ni nɛmɛ nɛ ngɔ a hɛ ngɔ fɔ amagahi a nɔ kɛ a tsui tsuo, nɛ lɔ ɔ he ɔ, yayami pɛ a peeɔ ɔ, anɛ a susuɔ kaa ma ha a ba bi ní ngɛ ye ngɔ lo?

Ezekiel 6:9

a maa nuu mɛ nyɔguɛ kɛ ho ma se ya. A ma kai mi ngɛ lejɛ ɔ; nɛ a maa le kaa imi nitsɛ lɛ i gbla a tue, nɛ i pue a hɛ mi si ɔ nɛ. Ejakaa a yi mi anɔkuale kɛ ji a tsui mi; se a kua mi, nɛ a ya ja amagahi mohu. Jehanɛ lɛɛ, mɛ nitsɛmɛ a he mi maa nyɛɛ mɛ ngɛ yayamihi, kɛ ni hiemi níhi tsuo nɛ a pee ɔ a he.

Yesaya 33:15

Ee, nɔ nɛ peeɔ nɔ́ nɛ da, nɛ e tuɔ anɔkuale, nɔ nɛ sume kaa e maa ye nɔ ko awi nɛ e kɛ na ní, nɛ e he we nyɔ mi ní hulɔ, nɔ nɛ tsiɔ e tue nɛ e ko nu muɔ si puemi sane ko, nɛ e kɛ e hɛngmɛ hyɛ we nɔ́ yaya a, e yi ma na wami.

La 101:3

I be yi wu tso níhi a he susue. Nihi nɛ kua Mawu ɔ, i kɛ mɛ be bɔe. A ní peemi níhi muɛ ye hɛ.

Hiob 23:11

Mawu blɔ ɔ, lɔ ɔ nɔ i nyɛɛɔ daa nɛ; i gba we kɛ yɛ muɔ nɔ, loo hiɔ nɔ.

Hiob 9:30

Jale ko jale ko be nɛ ma nyɛ ma fɔ ye he yayami ɔmɛ.

Hiob 17:9

Se bɔ tsuaa bɔ nɛ pee ɔ, dalɔ hii e blɔ nɔ kɛ̃. Nɔmlɔ nɛ yayami ko be e he ɔ, e naa he wami he ekohu.

Hiob 16:17

Se i yi nɔ ko amimi; i faa kue haa Mawu kɛ jeɔ ye tsui mi.

Hiob 27:5

I be kplɛɛe kɔkɔɔkɔ kaa nɔ́ nɛ nyɛ ngɛ dee ɔ ngɛ mi; kɛ yaa si ye gbenɔ ligbi ɔ, nɔ́ nɛ i ngɛ dee kɛkɛ ji i yi fɔ.

Hiob 27:6

Nɔ́ nɛ i ngɛ dee ke i pee we nɔ́ ko nɛ dɛ blɔ ɔ, jamɛ a munyu kake too ɔ i ngɛ tue; ye he nile bui mi fɔ ligbi ko ligbi ko.