Hiob 31:35 - BAIBLO ALOO NGMAMI KLƆUKLƆU Ɔ

³⁵ Anɛ nɔ ko be nɔ́ nɛ i ngɛ dee ɔ tue bue lo? I ngɛ kita kae kaa anɔkuale sisiisi lɛ i ngɛ tue ɔ nɛ. Mawu Ope ɔ nɛ ha mi heto. Sanehi nɛ ye nya polɔ ɔ kɛ fɔ ye nɔ ɔ, a ngma sane nɛ ɔmɛ kɛ wo womi mi jinɛ

Hiob 31:35 ပူးပေါင်းရင်းမြစ်များ

Hiob 35:14

Hiob, mo lɛ o ke o be Mawu nae ɔ? O sane ɔ ngɛ e hɛ mi; moo hyɛ lɛ blɔ.

Hiob 19:7

Hyɛ, i kpaa ngmlaa nɛ i deɔ ke Mawu ngɛ mi awi yee, se nɔ ko nɔ ko he we nɔ. Ngmlaa nɛ i ngɛ kpae ke a ye dami sane ha mi ɔ, nɔ ko nɔ ko nui.

Hiob 17:3

Mawu, anɔkualetsɛ ji mi; mo he mi nɛ o ye. Nɔ́ nɛ i ngɛ dee ɔ, nɔ kpa ko be nɛ ma fi se.

Hiob 13:24

Mɛni he je o kɛ o hɛ mi laa mi ɔ? Mɛni he je o kɛ mi ngɛ ní toe kaa o he nyɛlɔ ɔ?

Hiob 13:3

Imi lɛɛ Mawu Ope ɔ lɛ i kɛ na, se pi nyɛ; ma suɔ nɛ i kɛ lɛ wa hla níhi a nya.

Mateo 5:25

“Ke nɔ ko sama mo, nɛ nyɛ ngɛ blɔ ɔ nɔ kɛ yaa kojomi he ɔ, o kɛ lɛ nɛ tsa mla. Ke pi ja a, o pɛbilɔ ɔ maa ngɔ mo ya wo kojolɔ ɔ dɛ mi; kojolɔ hu maa ngɔ mo ya wo tsɔlɔ ɔ dɛ mi, nɛ a maa wo mo tsu.

La 26:1

Yawɛ, wo mi nguɔ, ejakaa i peeɔ nɔ́ nɛ da; i ngɔ ye hɛ kɛ fɔ o nɔ kulaa.

Hiob 33:6

Bɔ nɛ o ngɛ ɔ, ja nɔuu imi hu i ngɛ ngɛ Mawu hɛ mi. Imi hu tabo zu ɔ kɛ̃ lɛ a kɛ puɛ mi.

Hiob 30:28

I ngɛ kaa nɔ ko nɛ ngɛ diblii mi nyɛɛe nɛ e nɛ pu hɛ mi. I teɔ si ngɛ gua mi, nɛ i biɔ yemi kɛ buami.

Hiob 27:7

Ye he nyɛlɔ ɔ, á gbla e tue kaa yiwutsotsɛ; nɔ nɛ teɔ si kɛ woɔ mi ɔ, á gbla e tue kaa yayami peelɔ.

Hiob 19:11

Mawu mi mi fu mi wawɛɛ nitsɛ, nɛ e buɔ mi e he nyɛlɔ.

Hiob 30:20

Mawu, ke i tsɛ mo ɔ, o he we nɔ; ke i fa kue ha mo ɔ, o bui mi tue.

Hiob 30:24

Se kɛ̃ ɔ, imi nɛ ye he wami ta, imi nɛ i nyɛ we nɔ́ ko peemi, nɛ pɛɛ kɛkɛ i ngɛ mo kpae ke o na mi mɔbɔ ɔ, mɛni he je lɛ o kɛ mi ye sane kikɛ nɛ ɔ?

Hiob 31:36

i kɛ maa fɔ ye konɔ, nɛ ma fi kɛ wo ye yi kaa jlasi.

Hiob 13:17

Nyɛɛ bu mi tue saminya, konɛ nɔ́ nɛ ma de ɔ nɛ sɛ nyɛ tue mi.