Hiob 31:34 - BAIBLO ALOO NGMAMI KLƆUKLƆU Ɔ

³⁴ I yi nihi babauu a hɛ mi gbeye. Ke ye weku li muɔ mi ɔ, e pee we mi nɔ́ ko nɛ lɔ ɔ he ɔ, ma pee dii nɛ ma ko je kpo.

Hiob 31:34 ပူးပေါင်းရင်းမြစ်များ

Kronika II, 32:18

Tsɔli ɔmɛ nɛ ngɔ womi ɔmɛ kɛ ba a kpa ngmlaa kɛ tu munyu nɛ ɔmɛ ngɛ Hebri gbi mi, bɔ nɛ pee nɛ a kɛ wo Yerusalem ma mi bi ɔmɛ nɛ ngɛ gbogbo ɔ nɔ ɔ a he gbeye, nɛ sawale nu mɛ. A pee ja konɛ ma a ngɔmi nɛ ko wa ha mɛ.

Nehemia 13:28

Osɔfo nɔkɔtɔma pe kulaa Eliashib bi ji Yoyada; se Yoyada bimɛ ɔmɛ a ti nɔ kake ya ngɔ Sanbalat nɛ je Bet Horon ɔ biyo. Lɔ ɔ he ɔ, i fie Yoyada kɛ je Yerusalem.

Nehemia 5:7

nɛ i to ye yi mi kaa ma pee he nɔ́ ko amlɔ. I kuɛ wo ma nimeli ɔmɛ, kɛ ma ní tsuli ɔmɛ, nɛ i kã a hɛ mi ke, “Nyɛ ngɛ nyɛ nitsɛmɛ nyɛ nyɛmimɛ ɔmɛ yi mi wae!” Jehanɛ i tsɛ ma a kpe, konɛ waa hyɛ munyu nɛ ɔ mi.

Ester 4:11

“Ke nɔ ko, nyumu jio, yo jio ba na matsɛ ɔ ngɛ kue ɔ nɛ ngɛ we ɔ kpɛti ɔ mi, nɛ pi kaa a tsɛ lɛ ke e ba a, jamɛ a nɔ ɔ, a maa gbe lɛ. Bɔ nɛ mlaa a ngɛ ji nɛ ɔ nɛ. Nɔ tsuaa nɔ, kɛ je matsɛ ɔ ga woli ɔmɛ a nɔ kɛ ya si ni ɔmɛ nɛ a ngɛ nɔ yemi he ɔmɛ tsuo le nɔ́ nɛ ɔ. Ja matsɛ ɔ wo e matsɛ tso nɛ a kɛ sika tsu pee ɔ nɔ kɛ tsɔɔ nɔ ɔ, loko nɔ ɔ yi ma na wami. Kɛ je be nɛ i ya matsɛ ɔ ngɔ ba nɛ ɔ, nyɔhiɔ kake ji nɛ ɔ, nɛ e na we nɛ e tsɛ mi lolo.”

Ester 4:14

Ke o de we nɔ́ ko ngɛ be kaa kikɛ nɛ ɔ mi ɔ, yi wami hemi maa je he kpa ko kɛ ba ha Yuda bi ɔmɛ; se moo lɛɛ, o ma gbo, nɛ o tsɛ we ɔ biɛ maa laa pɛsɛpɛsɛ. Se mɛnɔ maa le? Eko ɔ, be nɛ ngɛ kaa kikɛ nɛ ɔ he nɛ a wo mo manyɛ ngɛ ɔ nɛ!”

Hiob 22:8

Pohu o ngɔ o he wami, kɛ bu nɛ a buu mo ɔ kɛ kpɔ zugba a tsuo.

Hiob 34:19

Mawu hyɛ we ganɔhi a hɛ mi. E bui niatsɛmɛ pe ohiatsɛmɛ; ejakaa lɛ nɛ e bɔ mɛ tsuo.

Mose II, 23:2

Koo nyɛɛ nihi fuu a se kɛ pee nɔ́ yaya; nɛ koo piɛ a he kɛ ye lakpa odase kɛ plɛ dami sane hɛ mi kɛ bu si.

Mose II, 32:27

Nɛ e de mɛ ke, “Bɔ nɛ Yawɛ, Israel Mawu ɔ de ji nɛ ɔ nɛ: ‘Nyɛ ti nɔ tsuaa nɔ nɛ mia kɛ klaate, nɛ nyɛɛ kpa ma a sito he ɔ tsuo kɛ ya kɛ ba; kɛ je agbo kake nya kɛ yaa si agbo kpa nya, nɛ nyɛɛ gbe nɔ tsuaa nɔ nɛ nyɛ maa na; nyɛmi jio, huɛ jio, nɔ lele jio!’ ”

Abɛ Womi 29:25

Ke o ngɛ nɔmlɔ adesa gbeye yee ɔ, o naa haomi; se ke o ngɔ o hɛ kɛ fɔ Yawɛ nɔ ɔ, nɔ́ ko nɔ́ ko be o he sae.

Yeremia 38:16

Kɛkɛ nɛ Matsɛ Zedekia ka mi kita ngɛ laami mi ke, “I na Yawɛ hɛ kalɔ ɔ nɛ ha wɔ wami ɔ kaa i be mo gbee; nimli nɛ ngɛ mo hlae nɛ a gbe ɔ, mɛ hu i be mo ngɔe kɛ wo a dɛ mi.”

Yeremia 38:19

Se Matsɛ Zedekia de mi ke, “Wa nyɛmimɛ Hebri bi ɔmɛ nɛ tu fo kɛ ya piɛ Babilonia bi ɔmɛ a he ɔ, i ngɛ gbeye yee kaa a maa ngɔ mi kɛ wo mɛ mohu a dɛ, nɛ a maa pee mi basabasa.”

Mika 7:3

Mɛ tsuo pɛpɛɛpɛ a he sɔɔ kɛ yayami peemi. Ma ní tsuli kɛ kojoli heɔ nyɔ mi ní. Niatsɛmɛ ɔmɛ heɔ mɛ kɛ sika. A tsɔɔ mɛ yi wu tso níhi nɛ a suɔ kaa a pee ha mɛ, nɛ a peeɔ kɛ haa mɛ.

2 Korintobi 5:16

Kɛ je be nɛ ɔ mi kɛ yaa a, wa kojo we nɔ kaa bɔ nɛ adesa to blɔ nya a hu. E ngɛ mi kaa be ko nɛ be ɔ, jã lɛ wa kojo Kristo; se piɔ lɛɛ wa pee we jã hu.