Hiob 31:30 - BAIBLO ALOO NGMAMI KLƆUKLƆU Ɔ

³⁰ I sɔle we hyɛ ke ye he nyɛli nɛ a gbo, nɛ́ enɛ ɔ ba pee yayami ha mi.

Hiob 31:30 ပူးပေါင်းရင်းမြစ်များ

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.

Romabi 12:14

Nihi nɛ waa nyɛ yi mi ɔ, nyɛ kpa Mawu pɛɛ ha mɛ; nyɛ ko gbiɛ mɛ.

Mateo 5:22

Se imi lɛɛ i ngɛ nyɛ dee ke nɔ tsuaa nɔ nɛ mi mi fuɔ e nyɛmi ɔ, a maa kojo lɛ. Nɔ tsuaa nɔ nɛ jɛɔ e nyɛmi ke, ‘Yaka nɔmlɔ’ ɔ, a kɛ lɛ maa ba kpe ngua a hɛ mi; nɔ tsuaa nɔ nɛ jɛɔ e nyɛmi ke, ‘Kuasia’ a, e maa ya Abosiami a je la a mi.

Yakobo 3:6

Ee, lilɛ ngɛ kaa la. Nɔmlɔ tso ɔ he nɔ́ kake nɛ ji lilɛ ɔ, yi wu tso ní sɔuu e tsuɔ. E kɛ yayami bleɔ nɔmlɔ tso ɔ tsuo. La nɛ je Abosiami a je nitsɛnitsɛ lɛ e kɛ mɛɛ wɔ kɛ kpataa wa hɛ mi pɛsɛɛ.

Mateo 12:36

“I ngɛ nyɛ dee ke kojomi ligbi ɔ, nyɛ ti nɔ tsuaa nɔ maa bu akɔtaa ngɛ yaka munyu tsuaa yaka munyu nɛ e tu hyɛ he.

Fiɛlɔ 5:6

Ko ha nɛ mo nitsɛ o nya mi munyu nɛ bu mo fɔ, nɛ o ba ye pɔpu, nɛ o de Mawu we osɔfo ɔ ke o nɔ́ be mi. Mɛni he je lɛ o ma ha nɛ Mawu mi mi nɛ fu mo? Níhi nɛ o gbo a he dengme ɔ, mɛni he je o ma ha nɛ Mawu nɛ kpata a hɛ mi?

Fiɛlɔ 5:2

Ke o maa tu munyu ko ɔ, mo susu he; o he ko sɔ kɛ wo Mawu si. Mawu ɔ, hiɔwe lɛ e ngɛ; moo lɛɛ zugba nɛ ɔ nɔ o ngɛ. Lɔ ɔ he ɔ, koo tu munyu fuu.

Hiob 5:3

I na kuasiahi nɛ a pee kaa a na a he; kɛkɛ nɛ i gbiɛ a hi he amlɔ nɔuu.