Hiob 31:3 - BAIBLO ALOO NGMAMI KLƆUKLƆU Ɔ

³ Anɛ e kpataa we yiwutsotsɛmɛ a hɛ mi lo? Anɛ e gbla we yayami peeli a tue lo?

Hiob 31:3 ပူးပေါင်းရင်းမြစ်များ

Hiob 21:30

Anɛ nyɛ li kaa ke amanehlu ba a, yiwutsotsɛmɛ lɛɛ a jeɔ mɛ kɛ jeɔ mi, nɛ a yeɔ a he lo?

Hiob 34:22

Diblii ko be nɛ nya tsa bɔ nɛ yayami peeli maa laa a he ngɛ mi.

Yuda 1:7

Nyɛ kai Sodom kɛ Gomora, kɛ mahi nɛ bɔle mɛ kɛ kpe ɔ. Ma nɛ ɔmɛ a mi bi ɔmɛ fiɛ yo kɛ nyumu yakayaka fiɛmi, nɛ a ya nyɛɛ akɔnɔ yayahi a se kaa bɔ nɛ jamɛ a bɔfo ɔmɛ pee ɔ nɔuu. Nimli nɛ ɔmɛ a tue gblami ji kaa a ngɔ mɛ ngɔ wo la nɛ gbo we mi, konɛ a pee okadi kɛ ha nihi tsuo.

2 Petro 2:1

Lakpa gbali te si ngɛ ma a mi be ko nɛ be ɔ, nɛ ja nɔuu lakpa tsɔɔli maa te si ngɛ nyɛ hu nyɛ kpɛti. A kɛ lakpa tsɔɔmihi nɛ kpataa nɔ hɛ mi maa ba ngɛ laami mi. Tsɔɔlɔ ɔ nitsɛ nɛ kpɔ mɛ ɔ po a ma kua lɛ, nɛ nɔ́ nɛ ɔ ma ha nɛ a ma kpata mɛ nitsɛmɛ a hɛ mi si kake too.

2 Tesalonikabi 1:9

A maa gbla a tue, nɛ a hɛ mi ma kpata pɛsɛpɛsɛ kɛ maa ya neneene. A ma je mɛ kɛ je Nyɔmtsɛ ɔ hɛ mi. A be Nyɔmtsɛ ɔ hɛ mi nyami ɔ, kɛ e he wami ɔ nae

1 Tesalonikabi 5:3

Be mi nɛ nihi ma de ke, “Wa he mi jɔ wɔ, nɛ wa tue mi hu jɔ wɔ” ɔ, jamɛ a be ɔ mi nɔuu nɛ a hɛ mi ma kpata tlukaa kaa bɔ nɛ yo nɛ mi wa nuɔ kɔɔmi si kake too ɔ; nɛ nɔ ko nɔ ko be e he yee.

Romabi 9:22

Anɛ kaa Mawu suɔ nɛ a le bɔ nɛ e mi mi la ngɛ, kɛ e he wami ɔ, jinɛ e ko kpata nihi nɛ woɔ e mi mi la a a hɛ mi pɛsɛpɛsɛ. Se e to e tsui si babauu ha mɛ.

Mateo 7:13

“Nyɛɛ sɛ agbo tokofii ɔ mi, ejakaa agbo nɛ kɛ nɔ yaa hɛ mi kpatami mi ɔ mi bli. Blɔ nɛ yaa lejɛ ɔ hu ngɛ gbajaa, nɛ nihi babauu nyɛɛɔ nɔ kɛ sɛɛ mi.

Yesaya 28:21

Yawɛ ma je e he wami ɔ kpo kaa bɔ nɛ e pee ngɛ Perazim yo ɔ nɔ, kɛ Gibeon kɔ̃ ɔ mi ɔ, konɛ e kɛ tsu nɔ́ nɛ e to kaa e ma tsu ɔ; níhi nɛ e ma tsu ɔ maa pee nyakpɛ níhi nɛ eko bɛ hyɛ.

Abɛ Womi 21:15

Ke a ye dami sane ɔ, nihi nɛ peeɔ nɔ nɛ da a bua jɔɔ saminya; se yayami peeli lɛɛ sawale nuɔ mɛ.

Abɛ Womi 10:29

Nihi nɛ peeɔ nɔ́ nɛ da a, Yawɛ buu a he; yayami peeli lɛɛ e kpataa a hɛ mi.

Abɛ Womi 1:27

Ke haomi ba nyɛ nɔ kaa nɔ́ nɛ kɔɔhiɔ nɛ nya wa lɛ ngɛ fiae, nɛ amanehlu ba na nyɛ kaa lasiogblee, nɛ nyɛ ngɛ nyɛ tsui yee ɔ,

La 73:18

Ee, o maa ngɔ mɛ kɛ to hehi nɛ saneɔ; o maa tsɛ̃ mɛ kɛ fia si nɛ a hɛ mi ma kpata.

La 55:23

Se mo Mawu, o ma sake mɛ kɛ fɔ muɔ voo ɔ mi; muɔ si pueli, kɛ lakpatsɛmɛ be a wami be ɔ fa tete po yee ngɛ je mi. Se imi lɛɛ ma ngɔ ye hɛ kɛ fɔ o nɔ.

Mose IV, 16:30

Se ke Yawɛ pee nɔ́ ko nɛ bɛ hyɛ, nɛ zugba bli e nya mi nɛ e mii mɛ kɛ ho yɔkɔ mi ya hɛ ngmengmle, kɛ nɔ́ tsuaa nɔ́ nɛ a ngɛ ɔ, lɛɛ nyɛ maa le kaa nimli nɛ ɔmɛ kua Yawɛ niinɛ.”

Hiob 18:12

Hwɔ maa ye lɛ hluu kɛ yaa si e he wami maa ta. Amanehlu maa tsɛ̃ lɛ kɛ fɔ si bum!

Hiob 20:29

Enɛ ɔ ji yayami peelɔ blɔ fa mi nɔ́; gbosi ní nɛ Mawu to kɛ ha yayami peelɔ ji nɛ ɔ nɛ.

Hiob 21:17

Anɛ yayami peelɔ ko kane gbo hyɛ lo? Anɛ haomi ba a ti nɔ ko nɔ hyɛ lo? Anɛ Mawu kɛ abofu gbla yayami peelɔ ko tue hyɛ lo?

Hiob 31:23

Se akɛnɛ i yeɔ Mawu Hewamitsɛ ɔ tue gblami ɔ gbeye he je ɔ, i be nyɛe ma pee nɔ́ ko kaa ja.

Manyadali 9:53

yo ko fɔ wɛ tɛ mi bi kɛ fia Abimelek yi; nɛ e yi ɔ ywia.

Samuel II, 18:10

Nyumu ko ya na lɛ, nɛ e ba bɔ Yoab amaniɛ ke, “O nɛ, i ya na Absalom nɛ kplaa si ngɛ tso ngua a ko he.”