Hiob 31:29 - BAIBLO ALOO NGMAMI KLƆUKLƆU Ɔ

²⁹ Ke haomi ba ye he nyɛlɔ nɔ, aloo ye he nyɛlɔ hɛ mi kpata a, i nya we.

Hiob 31:29 ပူးပေါင်းရင်းမြစ်များ

Samuel II, 1:12

A wo yana, nɛ a ye kɔmɔ, nɛ a ha hwɔ kɛ ya si gbɔkuɛ. A wo yana kɛ ha Saul kɛ e bi Yonatan, kɛ Israel, Yawɛ ma a; ejakaa nimli babauu gbo ngɛ ta a mi.

Samuel II, 3:32

Benɛ a ya pu Abner ngɛ Hebron ɔ, matsɛ ɔ fo ya yuuyuuyuu ngɛ yɔkɔ ɔ he; nɛ ma a tsuo wo yana kɛ piɛ e he.

Abɛ Womi 17:5

Nɔ nɛ yeɔ ohiatsɛ he fɛu ɔ, ohiatsɛ ɔ bɔlɔ e ngɛ jɛe ɔ nɛ. Nɔ nɛ bua jɔɔ nɔ ko amanehlu he ɔ, e be e he yee.

Obadia 1:12

Amanehlu nɛ o nyɛmimɛ Yuda bi ɔmɛ na a, e sɛ nɛ o bua jɔɔ he. E sɛ kaa o naa bua jɔmi ngɛ ligbi nɛ a kpata a hɛ mi ɔ nɔ. E sɛ nɛ o tuɔ he nɔ womi munyu ngɛ a haomi ligbi ɔ nɔ.

Obadia 1:13

E sɛ kaa o sɛɔ ye we bi ɔmɛ a ma a mi ngɛ a we amanehlu be mi E sɛ nɛ o ya piɛɔ nihi a he kɛ nyaa ligbi ɔ nɛ amanehlu ba Yuda nɔ ɔ. E sɛ nɛ o ya haa e nihi ligbi ɔ nɛ amanehlu ba e nɔ ɔ.