Hiob 31:28 - BAIBLO ALOO NGMAMI KLƆUKLƆU Ɔ

²⁸ Nɔ́ nɛ ɔ hu maa pee yayami nɛ sa kaa kojoli nɛ a gbla nɔ tue ngɛ he. Ke i pee ja a, kɛkɛ i kua Mawu nɛ ngɛ hiɔwe ɔ.

Hiob 31:28 ပူးပေါင်းရင်းမြစ်များ

Hiob 31:11

Yayami kaa kikɛ nɛ ɔ, e ji zo; e sa kaa kojoli nɛ a gbla nɔ tue ngɛ he.

La 50:6

Hiɔwe tsuo ngɛ dee ke Mawu ɔ, dalɔ kɛ kojolɔ ji lɛ.

Hiob 23:7

Anɔkualetsɛ ji mi; i kɛ Mawu ma hla níhi a nya; nyagbe ɔ, e maa wo mi nguɔ kɛ̃.

Hiob 9:15

E ngɛ mi kaa i pee we yayami ko lɛɛ, se i be nyɛe nɛ ma ha Mawu heto. Pɛɛ kɛkɛ lɛ ma kpa Mawu, ye kojolɔ ɔ, konɛ e na mi mɔbɔ.

Manyadali 11:27

Lɔ ɔ he ɔ, imi lɛɛ i pee we mo yayami ko; mo mohu lɛ o tɔ ye nɔ kaa o kɛ ta ba tua mi. Yawɛ ji kojolɔ; lɛ nɛ e maa kojo Israel ma a, kɛ Amon ma a kpɛti mwɔnɛ ɔ.”

Yoshua 24:27

E de ma a tsuo ke, “Tɛ nɛ ɔ maa pee odase ha wɔ. E nu munyu ɔmɛ tsuo nɛ Yawɛ kɛ wɔ tu ɔ. Lɔ ɔ he ɔ, ke e ba mi kaa nyɛ tsɔ nyɛ Mawu ɔ hɛ mi atuã a, e maa ye odase kɛ si nyɛ.”

Yoshua 24:23

Yoshua kɛ fɔ a hɛ mi ke, “Ke jã a, lɛɛ nyɛ je ma se mawu ɔmɛ ngɔ hɛ pue he, nɛ nyɛɛ wo si kaa nyɛ maa ye Yawɛ, Israel Mawu ɔ anɔkuale.”

Mose V, 17:9

Nyɛɛ ngɔ nyɛ sane ɔ kɛ ya pue osɔfo ɔmɛ nɛ ji Levi bi ɔmɛ, kɛ kojolɔ nɛ ngɛ ní tsue jamɛ a be ɔ mi ɔ a hɛ mi, konɛ a buá he.

Mose I, 18:25

Dɛbi, e ko ba mi kaa o maa pee nɔ́ nɛ ɔ, kaa o maa gbe dali kɛ nimli yayamihi kɛ bla. Ke o pee ja a, kɛkɛ o gbla dali kɛ nimli yayamihi tsuo a tue kɛ bla. Dɛbi, e ko ba mi ja; je ɔ tsuo kojolɔ ɔ, e sa kaa e yeɔ dami sane.”

Yuda 1:4

I ngɛ enɛ ɔ dee, ejakaa ni komɛ nɛ li Mawu ju si ba sɛ wa kpɛti. Sɛ gbi nɛ kɔɔ dloomi nɛ Mawu dloo wɔ ɔ he ɔ, nimli nɛ ɔmɛ plɛ hɛ mi ngɔ bu si, bɔ nɛ pee nɛ a kɛ laa a yakayaka ní peemi ɔmɛ a nɔ. Yesu Kristo, wa Tsɔɔlɔ, kɛ wa Nyɔmtsɛ kake too ɔ hu a kua lɛ. Blema lokoo lɛ ngmami ɔmɛ de to kaa a ma kpata nimli nɛ ɔmɛ a hɛ mi.

1 Yohane 2:23

Ejakaa nɔ tsuaa nɔ nɛ ma kua Bi ɔ, e kua Tsɛ ɔ hulɔ. Se nɔ nɛ ma he Bi ɔ, e he Tsɛ ɔ hulɔ.

2 Petro 2:1

Lakpa gbali te si ngɛ ma a mi be ko nɛ be ɔ, nɛ ja nɔuu lakpa tsɔɔli maa te si ngɛ nyɛ hu nyɛ kpɛti. A kɛ lakpa tsɔɔmihi nɛ kpataa nɔ hɛ mi maa ba ngɛ laami mi. Tsɔɔlɔ ɔ nitsɛ nɛ kpɔ mɛ ɔ po a ma kua lɛ, nɛ nɔ́ nɛ ɔ ma ha nɛ a ma kpata mɛ nitsɛmɛ a hɛ mi si kake too.

Hebribi 12:23

Nyɛ ba sɛ bitɛtehi nɛ a ngma a biɛ ngɛ hiɔwe ɔ a kpɛti. Mawu nɛ ji adesahi tsuo a kojolɔ ɔ, kɛ mumihi nɛ hɛɛ nihi nɛ peeɔ nɔ́ nɛ da, nɛ a ha a hi kɛ pi si ɔ, a hɛ mi nyɛ ba nɛ ɔ nɛ.

Tito 1:16

A deɔ ke a le Mawu, se a ní peepee tsɔɔ we jã. Yakayaka nimli, kɛ atuã tsɔli ji mɛ; a tsu we nɔ́ kpakpa ko gblee.

Abɛ Womi 30:9

Ke i na ní kpɔtɔɔ ɔ, ma kua mo, nɛ ma de ke, “Mɛnɔ kulaa ji Yawɛ nɛ ɔ?” Jã kɛ̃, ke i ye ohia a, ma ju, nɛ ma wo ye Mawu ɔ he mu.

Samuel II, 3:32

Benɛ a ya pu Abner ngɛ Hebron ɔ, matsɛ ɔ fo ya yuuyuuyuu ngɛ yɔkɔ ɔ he; nɛ ma a tsuo wo yana kɛ piɛ e he.

Hiob 31:27

Nɔ́ ko mlɔɔ we mi hyɛ kaa ma fiɔ ye nine he kɛ wo a hɛ mi nyami.

Yesaya 59:13

Wa tɔ o nɔ; wa wa nihi yi mi, nɛ wa kua mo. Wa ja we mo hu. Ni yayahi a he wa susuɔ, nɛ lakpa pɛ wa yeɔ.