Hiob 31:26 - BAIBLO ALOO NGMAMI KLƆUKLƆU Ɔ

²⁶ Pu nɛ tsoɔ saminyayoo, kɛ nyɔhiɔ nɛ kpɛɔ saminyayoo nɛ ɔ, i ja we mɛ hyɛ.

Hiob 31:26 ပူးပေါင်းရင်းမြစ်များ

Matsɛmɛ II, 23:11

Jehanɛ, okpɔngɔhi nɛ Yuda matsɛmɛ ɔmɛ hla ngɔ to kɛ ha pu jami ɔ, e je mɛ kɛ je Yawɛ we ɔ agbo ɔ nya; nɛ e sã zugba lɛhi nɛ a kɛ jaa kikɛmɛ a jami nɛ ɔ. A toɔ ní nɛ ɔmɛ ngɛ Yawɛ we ɔ agbo ɔ nya, ngɛ tsɔlɔ nɔkɔtɔma Natan Melek we ɔ kasa nya.

Matsɛmɛ II, 23:5

Osɔfohi nɛ Yuda matsɛmɛ ɔmɛ wo nɛ a sãã tsopa kɛ e he via ngɛ jami he ɔmɛ, ngɛ Yuda ma amɛ a mi, kɛ hehi nɛ bɔle Yerusalem kɛ kpe ɔ, Yosia kpa mɛ tsuo pɛpɛɛpɛ. Ni nɛmɛ nɛ sãã tsopa kɛ e he via kɛ haa Baal, pu, hlami, huɛhi, kɛ dodoehi hu e pee mɛ ja nɔuu.

Hiob 25:5

Nyɔhiɔ tete kpɛ we ha Mawu, nɛ dodoehi po a hɛ mi tsɔ we ha lɛ.

Hiob 31:27

Nɔ́ ko mlɔɔ we mi hyɛ kaa ma fiɔ ye nine he kɛ wo a hɛ mi nyami.

Lahi 6:10

Mɛnɔ nɛ ma hleii kikɛ nɛ ɔ kaa mɔtu pu nɛ gbaa? E ngɛ fɛu kaa nyɔhiɔ, nɛ e ngɛ kpɛe kaa pu. E nu ye tsui kaa nɔ́ nɛ aflaangaa ngɛ tabo yi.

Yeremia 44:17

Níhi tsuo nɛ wa de ke wa maa pee ɔ, lɔ ɔmɛ wa maa pee. Wa maa sã tsopa kɛ e he via kɛ ha wa yo mawu ɔ nɛ ji hiɔwe manyɛ ɔ, nɛ wa maa sã wai bɔ ha lɛ kaa bɔ nɛ waa kɛ wa nɛmɛ ɔmɛ, wa matsɛ ɔ, kɛ wa ma nimeli ɔmɛ pee be ko ngɛ Yuda ma amɛ a mi, kɛ Yerusalem gbɛjegbɛ ɔmɛ a nɔ ɔ. Jamɛ a be ɔ mi ɔ, wa ngɛ niye ní babauu; wa plɔke, nɛ haomi ko be wa nɔ.

Yeremia 8:2

A be wu nɛ ɔmɛ a nya buae, nɛ a be mɛ pue hulɔ; wu ɔmɛ maa pee kaa kuku ngɛ zugba a nɔ. A ma ka wu ɔmɛ ngɔ ha pu kɛ nyɔhiɔ kɛ dodoehi. Ní nɛ ɔmɛ ji níhi nɛ ma a suɔ saminya; ma a sɔmɔ mɛ, nɛ a bi ní ngɛ a ngɔ, nɛ a ja mɛ hulɔ.

Ezekiel 8:16

Lɔ ɔ he ɔ, e kɛ mi ba Yawɛ we ɔ kue ɔ nɛ ngɛ mi mi je ɔ mi. Nyumuhi maa pee nyingmi enyɔ kɛ enuɔ daa si ngɛ kue ɔ, kɛ bɔ sami la tɛ ɔ a kpɛti. A plɛ a se kɛ wo Yawɛ we ɔ; a ngɔ a hɛ mi kɛ kpee beleku je, nɛ a ngɛ pu nɛ te si kɛ ma a jae.

Mose V, 11:16

Nyɛɛ hyɛ nɛ hi kɛkɛ, konɛ a ko mlɔɔ nyɛ kɛ je Yawɛ he kɛ ya ja mawu kpahi, nɛ nyɛ sɔmɔ mɛ.

Mose V, 17:3

lɔ ɔ ji kaa e ya ja mawu kpahi, pu, nyɔhiɔ kɛ dodoehi, nɛ e sɔmɔ mɛ, nɛ e kɛ tɔ̃ Yawɛ mlaa a nɔ.

Mose V, 4:19

Nyɛ ko ha níhi nɛ nyɛ ngɛ hyɛe ngɛ hiɔwe ɔ, pu, nyɔhiɔ, kɛ dodoehi babauu nɛ ha si ngɛ hiɔwe nɛ ɔ nɛ gbla nyɛ juɛmi kɛ ya ja mɛ, nɛ nyɛ sɔmɔ mɛ. Ejakaa Yawɛ, nyɛ Mawu ɔ ngɔ mɛ ngɔ ha ma amɛ tsuo nɛ ngɛ je ɔ mi ɔ.