Hiob 31:25 - BAIBLO ALOO NGMAMI KLƆUKLƆU Ɔ

²⁵ Ní babauu nɛ i na a, i fĩa we ngɔ fɔ nɔ.

Hiob 31:25 ပူးပေါင်းရင်းမြစ်များ

Ester 5:11

E fĩa kɛ tsɔɔ mɛ bɔ nɛ e na ní kpɔtɔɔ ha, binyumuhi abɔ nɛ e ngɛ, bɔ nɛ matsɛ ɔ wó e nɔ gojoo ngɛ nɔ yemi he ɔ, kɛ bɔ nɛ e he hia pe matsɛ ɔ ganɔ ɔmɛ, kɛ tsɔli kpa amɛ tsuo.

Hiob 1:10

O baa Hiob yi, kɛ e we mi bimɛ, kɛ nɔ́ tsuaa nɔ́ nɛ e ngɛ, nɛ nɔ́ ko hia we lɛ. O gbaa e ní tsumi, nɛ o wo lɛ ní babauu ngɛ zugba a nɔ.

Hiob 1:3

kɛ tsɔli babauu. E ngɛ lohwe nɛ ɔmɛ hulɔ: to akpe kpaago, afukpɔngɔ akpe etɛ, na akpe, kɛ teji yo lafa enuɔ. Lɛ ji nɔmlɔ ngua pe kulaa ngɛ beleku je ma amɛ a mi.

Hiob 22:24

Mo sake o sika tsu ngɔ fɔ he; o sika tsu kpakpa a, hɛɛ ngɔ pue pa mi, ngɛ tɛhi a kpɛ.

La 62:10

Nyɛ ko ngɔ nyɛ hɛ kɛ fɔ amimi yemi nɔ; nyɛ ko hyɛ blɔ kaa nyɛ ma na nɔ́ kpakpa ko kɛ je ojo fiami mi. Ke nyɛ ba na ní babauu po, nyɛ ko ngɔ nyɛ hɛ kɛ fɔ nɔ.

Abɛ Womi 23:5

Hɛngmɛfia pɛ sika a ma nyɛ laa mo; e maa pee kɔɔhiɔ nɛ e maa laa tlukaa kaa kɔle tee kɛ yaa hiɔwe.

Yesaya 39:2

Matsɛ Hezekia he tsɔli ɔmɛ atuu, nɛ e ngɔ matsɛ mɔ ɔ mi ní kpakpa nɛ ɔmɛ tsuo kɛ tsɔɔ mɛ: sika tsu, sika hiɔ, tsopa kɛ e he via, nu kpakpa, e ta níhi tsuo, kɛ níhi tsuo nɛ ngɛ nito he ɔmɛ. Nɔ́ ko nɔ́ ko be e we ɔ mi, loo e nɔ yemi he nito he tsu ɔmɛ a mi nɛ e kɛ tsɔɔ we mɛ.

Yeremia 9:23

Yawɛ ke, “Ní lelɔ nɛ ko fĩa kɛ fɔ e nile nɔ, nɔ nɛ ngɛ he wami ɔ, e ko fĩa kɛ fɔ e he wami nɔ, niatsɛ nɛ ko fĩa kɛ fɔ e níhi a nɔ.

Ezekiel 28:5

O ngɛ jua yemi he juɛmi saminya, nɛ o ná ní babauu. Lɔ ɔ he ɔ, o wo o he nɔ gojoo ke niatsɛ ji mo!

Daniel 4:30

e de ke, “Nyɛɛ hyɛ bɔ nɛ Babilon kle agbo ha! Imi nitsɛ lɛ i po Babilon, nɛ i kɛ lɛ pee ye matsɛ ma, konɛ ma kɛ tsɔɔ ye he wami kpetekpleenyɛ ye biɛ, ye hɛ mi nyami, kɛ ye agboje.”

Hosea 12:8

Bɔ nɛ Israel ma a deɔ ji, ‘Niatsɛmɛ ji wɔ. Wa ná ní babauu.’ Se ní nɛ a na babauu ɔ tsuo be nyɛe ma je a he yayami ɔ.

Habakuk 1:16

A jaa a ya amɛ, nɛ a sãã bɔhi haa mɛ, ejakaa a ya amɛ haa mɛ ní kpakpahi.

Luka 12:19

Kɛkɛ ɔ, ma de ye klaa ke, o he ngɛ ní loo! O ngɛ ní babauu nɛ a ngɔ to ha mo jehahi fuu. Fiɛ o yi nɔ bɔɔ! Yé ní, nɛ o nu ní, nɛ o na bua jɔmi!’

Luka 16:19

“Nyumu niatsɛ ko hi si. E woɔ kploba tade nɛ ngɛ fɛu, nɛ he jua wa; nɛ daa nɛ ɔ, e yeɔ ní kpakpa, nɛ e naa bua jɔmi.

Luka 16:25

“Se Abraham de lɛ ke, ‘Ye bi, kai kaa o wami be mi ɔ, o na ní kpakpahi babauu, be mi nɛ Lazaro lɛɛ e na ní yayahi sɔuu. Se piɔ lɛɛ e na bua jɔmi, nɛ moo lɛɛ o ngɛ nɔ́ nae.

Samuel I, 10:7

Ke ní nɛ ɔmɛ tsuo ba mi ɔ, nɔ́ tsuaa nɔ́ nɛ Mawu ma de mo ke o pee ɔ, moo pee; ejakaa e kɛ mo ngɛ.