Hiob 31:17 - BAIBLO ALOO NGMAMI KLƆUKLƆU Ɔ

¹⁷ Ke i ngɛ ní yee ɔ, i ha we nɛ hwɔ yeɔ awusahi.

Hiob 31:17 ပူးပေါင်းရင်းမြစ်များ

Nehemia 8:10

Mohu nyɛɛ ya nyɛ we ɔmɛ a mi, nɛ nyɛ ya ye ní kpakpa, nɛ nyɛɛ nu wai ngɔngɔɛ. Nyɛ nyɛmimɛ ɔmɛ nɛ a be eko ɔ, nyɛ ha mɛ eko. Mwɔnɛ ligbi nɛ ɔ ji ligbi klɔuklɔu ha Yawɛ nyɛ Mawu ɔ, lɔ ɔ he ɔ, nyɛ ko pee mɔbɔmɔbɔ. Bua jɔmi nɛ Yawɛ ngɛ nyɛ hae ɔ ma ha nɛ nyɛ ma na he wami.”

Ester 2:7

Mordekai tsɛ nyɛminyumu ngɛ bi yiheyo ko nɛ a tsɛɛ lɛ Ester; e Hebri biɛ ji Hadasa. E ji yiheyo nɛ he ngɛ fɛu, nɛ zangma pue e nɔ. Benɛ e tsɛ kɛ e nyɛ gbo ɔ, Mordekai ngɔ lɛ kaa lɛ nitsɛ e bi nɛ e hyɛ lɛ.

Hiob 22:7

Nihi nɛ pɔ tɔ mɛ ɔ, o ha we mɛ nyu nɛ a nu; ni nɛmɛ nɛ hwɔ ngɛ mɛ yee ɔ, o ha we mɛ ní nɛ a ye.

Hiob 31:18

I hyɛɔ awusahi a nɔ kaa a tsɛ ye wami be ɔ tsuo. I ye bua yalɔyihi kɛ je ye nihe mi.

Hiob 31:21

Ke i ya ye awusa ko amimi, ejakaa i le kaa bɔ tsuaa bɔ nɛ pee ɔ, a maa wo mi nguɔ ngɛ kojomi he ɔ,

Ezekiel 18:16

E wɛ nɔ ko yi mi, e fiɛ ojo. Ke nɔ ko kɛ nɔ́ ko ba to lɛ awaba a, e kpaleɔ nɔ́ nɛ a kɛ ba to awaba a kɛ haa nɔtsɛ. Jehanɛ hu, ke hwɔ ngɛ nɔ ko yee ɔ, e haa lɛ niye ní, nɛ ke nɔ ko hɛɛ e he gu ɔ, e haa lɛ heha nɔ́.

Ezekiel 18:7

E wɛ nɔ ko yi mi. Ke nɔ ko kɛ nɔ́ ko ba to lɛ awaba a, e kpaleɔ kɛ haa lɛ. Ke hwɔ ngɛ nɔ ko yee ɔ, e haa lɛ niye ní; nɛ ke nɔ ko hɛɛ e he gu ɔ, e haa lɛ he ha nɔ́.

Luka 11:41

Mohu ɔ, nyɛɛ ngɔ níhi nɛ ngɛ nyɛ kplu ɔmɛ, kɛ nyɛ kã amɛ a mi ngɔ ha ohiatsɛmɛ, nɛ nɔ́ tsuaa nɔ́ nɛ nyɛ ngɛ ɔ he ma tsɔ ha nyɛ.

Yohane 13:29

Akɛnɛ Yuda nɛ hɛɛɔ sika kpɛɛ ɔ, kaseli ɔmɛ ekomɛ susu kaa alini Yesu tsɔ lɛ ke e ya he ní nɛ hia nɛ a kɛ maa ye nyami be ɔ, aloo e ngɔ nɔ́ ko ya ha ohiatsɛmɛ.

Ni Tsumi 4:32

Nihi babauu nɛ he Yesu ye ɔ tsuo hɛɛ juɛmi kake, kɛ mumi kake. Nɛ a ti nɔ ko nɔ ko tsɛ we e níhi nɛ e ngɛ ɔ mi eko ke lɛ nitsɛ e nɔ́, se mohu, nɔ́ nɛ nɔ ko ngɛ ɔ peeɔ ma tsuo nɔ́.

Romabi 12:13

Ni klɔuklɔu ɔmɛ nɛ e fi mɛ ɔ, nyɛɛ ye bua mɛ; nɛ nyɛɛ bɔ nibwɔ peemi he mɔde.

Mose V, 15:11

Be tsuaa be ɔ, ohiatsɛmɛ komɛ maa hi nyɛ nyɛmimɛ Israel fɔfɔɛ ɔmɛ a kpɛti nɛ e fi mɛ kɛ̃; lɔ ɔ he ɔ, i ngɛ mo fae ke o bli o dɛ mi ha mɛ.

Mose V, 15:14

Ngɔɔ níhi nɛ Yawɛ, o Mawu ɔ kɛ gbaa mo ɔ, to, blɛfo, kɛ wai ɔ eko kɛ ha lɛ faa, nɛ o kɛ wo lɛ blɔ.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.

1 Yohane 3:17

Ke nɔ ko ngɛ je nɛ ɔ mi ní, nɛ e na e nyɛmi nɛ e fi lɛ, se e mi mi sãã we lɛ ngɛ e nyɛmi ɔ he nɛ e ye bua lɛ ɔ, anɛ e ma nyɛ de ke e suɔ Mawu lo?