Hiob 30:26 - BAIBLO ALOO NGMAMI KLƆUKLƆU Ɔ

²⁶ Se benɛ i ngɛ nɔ́ kpakpa blɔ hyɛe ɔ, nɔ́ yayami mohu lɛ ba na mi. Benɛ i ngɛ la blɔ hyɛe ɔ, diblii mohu lɛ ba.

Hiob 30:26 ပူးပေါင်းရင်းမြစ်များ

Yeremia 8:15

Wa hyɛ tue mi jɔmi blɔ, se tue mi jɔmi bɛ; wa hyɛ tsami be blɔ, se gbeye mohu ji nɔ́ nɛ ba.

Yeremia 14:19

Yawɛ, anɛ o kua Yuda kulaa lo? Anɛ o ngɛ Zion bi ɔmɛ hiee lo? Mɛni he je mɔ lɛ o plaa wɔ kikɛ nɛ ɔ nɛ e hi tsami ɔ? Wa hyɛ blɔ kaa tue mi jɔmi maa ba, se nɔ́ kpakpa ko ji mi kɛ bɛ; wa hyɛ blɔ kaa be maa ba nɛ a ma tsa wɔ, se haomi kɛ gbeye sɔuu lɛ bɔle wɔ.

Mika 1:12

Marot bi ɔmɛ ngɛ blɔ hyɛe kaa a ma ba kpɔ mɛ, se Yawɛ ngɔ haomi kɛ ba su Yerusalem agbo ɔ nya haa.

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

La 97:11

La kpɛɔ kɛ haa dali; nihi nɛ peeɔ nɔ́ nɛ da a, a naa bua jɔmi.

Yeremia 15:18

Mɛni he je i ngɛ nɔ́ nae kɛ mwɔɔ? Mɛni he je ye pa amɛ be tsa ba a? Mɛni he je a gbo we ɔ? Anɛ o ngɛ hlae nɛ o sisi mi kaa pa nɛ gbli latsa be mi lo?”

Hiob 29:18

I hyɛ blɔ kaa ye wami ligbi ɔmɛ maa hiɛ babauu kaa zia, nɛ ma gbo ngɛ we, ngɛ he jɔmi mi.

Hiob 23:17

Ejakaa diblii bɔle mi kɛ kpe; diblii kpii ha ye hɛ mi.

Hiob 19:8

Mawu tsi mi blɔ nɛ i nyɛ we ma be; e ha nɛ diblii wo ngɛ ye blɔ nɔ.

Hiob 18:18

A maa fie lɛ kɛ je je ɔ mi, kɛ je la he kɛ ya diblii mi.

Hiob 18:6

E kane ɔ ma gbo ngɛ e kasa nya, nɛ e bo tsu ɔ mi maa wo diblii.

Kɔmɔ Yemi 3:2

E tsɛ̃ mi ngɔ wo diblii kpii mi, nɛ la ko la ko be lejɛ ɔ.

Yesaya 59:9

Bɔ nɛ ma a ngɛ dee ji nɛ ɔ nɛ: “Jehanɛ lɛɛ wa na le nɔ́ he je nɛ Mawu je we wɔ kɛ ji nihi nɛ ngɛ wɔ yi mi wae ɔ a dɛ mi. Wa hyɛɛ blɔ kaa wa ma na la kɛ nyɛɛ, se wa ná we; diblii kpii mi mohu wa nyɛɛɔ;