Hiob 30:25 - BAIBLO ALOO NGMAMI KLƆUKLƆU Ɔ

²⁵ Anɛ i fo we ya ha nihi nɛ ngɛ haomi mi lo? Anɛ ohiatsɛmɛ a sane pee we mi mɔbɔ lo?

Hiob 30:25 ပူးပေါင်းရင်းမြစ်များ

Romabi 12:15

Nihi nɛ ngɛ nyae ɔ, nyɛɛ kɛ mɛ nɛ nya; nɛ nihi nɛ ngɛ ya foe ɔ, nyɛɛ kɛ mɛ nɛ fo.

Yeremia 13:17

Se ke nyɛ bui tue kɛ mwɔɔ ɔ, lɛɛ ma fo ya ngɛ laami mi ngɛ nyɛ he nɔ womi ɔ he. Ma fo ya hluu kɛ yaa si ye hɛngmɛ maa tɔ nyu, ejakaa a nuu Yawɛ ma mi bi ɔmɛ nyɔguɛ kɛ je.

2 Korintobi 9:9

Kaa bɔ nɛ ngmami ɔ deɔ ɔ, “E haa ohiatsɛmɛ ní babauu; e mɔbɔ nami ɔ ngɛ kɛ yaa neneene.”

Yohane 11:35

Yesu fo ya.

Luka 19:41

Jehanɛ ɔ, Yesu su ma a he haa, nɛ benɛ e na ma a, e fo ya pue e nɔ,

Daniel 4:27

Lɔ ɔ he ɔ, nɛnɛ, moo bu ye ga womi tue. Kpa yayami peemi; moo pee nɔ́ nɛ da, nɛ o na ohiatsɛmɛ mɔbɔ. Ke o pee ja a, o maa ya nɔ ma plɔke.”

Yeremia 18:20

Anɛ e sa kaa a kɛ yayami nɛ to kpakpa nane mi lo? Se mɛɛ lɛɛ a tsua muɔ ha mi nɛ ma nɔ mi. Kai kaa i ba o ngɔ nɛ i ba tu a he munyu kpakpa ha mo, bɔ nɛ pee nɛ o kɛ mɛ ko ye ngɛ o mi mi fumi ɔ nya.

Abɛ Womi 28:8

Nɔ nɛ paa sika ha nɔ nɛ e heɔ hekpa babauu ɔ, pe e ngɛ e juetli ɔ nya buae kɛ ha nɔ nɛ naa ohiatsɛmɛ mɔbɔ.

Abɛ Womi 19:17

Ke o na ohiatsɛ mɔbɔ ɔ, e ngɛ kaa o pa nɔ́ ko ha Yawɛ; nɛ nɔ́ nɛ o pee ɔ, e maa to nane mi ha mo.

Abɛ Womi 17:5

Nɔ nɛ yeɔ ohiatsɛ he fɛu ɔ, ohiatsɛ ɔ bɔlɔ e ngɛ jɛe ɔ nɛ. Nɔ nɛ bua jɔɔ nɔ ko amanehlu he ɔ, e be e he yee.

Abɛ Womi 14:31

Nɔ nɛ waa ohiatsɛ yi mi ɔ, Mawu ɔ nɛ bɔ ohiatsɛ ɔ e ngɛ jɛe ɔ nɛ. Se nɔ nɛ naa ni nɛmɛ nɛ e fi mɛ mɔbɔ ɔ, e ngɛ Mawu hɛ mi nyami woe.

Abɛ Womi 14:21

Nɔ nɛ gbeɔ e nyɛmi he guɛ ɔ, yayami e ngɛ pee ɔ nɛ. Se nɔ nɛ naa ohiatsɛ mɔbɔ ɔ, a gbaa lɛ.

La 12:1

Yawɛ, moo piɛ wa he, ejakaa nɔmlɔ kpakpa be hu; anɔkualetsɛmɛ ta zugba a nɔ.

Hiob 24:4

A fieɔ ohiatsɛmɛ kɛ jeɔ a blɔ nɔ, nɛ ohiatsɛmɛ ɔmɛ ya buaa a he nya nɛ a laa a he.

Hiob 29:12

Ejakaa ke ohiatsɛmɛ kpa ngmlaa kɛ tsɛ balɔ ɔ, i jeɔ mɛ; awusahi hu i piɛɔ a he ja nɔuu.

Hiob 29:16

I pee kaa tsɛ kɛ ha dɛgutsɛmɛ, nɛ nihi nɛ i li mɛ po, i ye a sane ha mɛ.

Hiob 31:31

Nihi tsuo nɛ tsuɔ ní ha mi ɔ le kaa hwɔ yi a ti nɔ ko hyɛ.