Hiob 30:16 - BAIBLO ALOO NGMAMI KLƆUKLƆU Ɔ

¹⁶ Amlɔ nɛ ɔ, ye gbenɔ be su ta; jehanɛ lɛɛ, ye haomi ɔ nya ba wa tsɔ.

Hiob 30:16 ပူးပေါင်းရင်းမြစ်များ

Hiob 3:24

I haoɔ loko i yeɔ ní, nɛ ke i ngɛ kɛmɛe ɔ, e ngɛ kaa nyu nɛ a kpa pue si.

La 22:14

Ye he wami ta kaa nyu nɛ kpa pue si. Ye wuhi je a blɔ hehi, nɛ ye tsui pee kaa hwo gbaku nɛ sile.

La 22:15

Ye kuɔ si gbli kaa ngɛyu kokoe mi, nɛ ye lilɛ mɛtɛ ye nya mi. O si mi ngɛ tabo zu mi kaa nɔ nɛ gbo.

La 40:12

Haomi babauu nɛ hí kaiemi bɔle mi kɛ kpe. Ye yayami ɔmɛ ba pe mi, nɛ i pa hyɛ we nɔ́ hu. Ye yayami ɔmɛ hiɛ kulaa pe ye yi bwɔmi; ye mumi nya ta!

La 42:4

Ke i kai bɔ nɛ nyami be ɔmɛ a mi ɔ, i nyɛɛɔ nihi babauu a hɛ kɛ poo si kɛ yaa Mawu we ɔ, nɛ i kɛ ma kpekpemi ɔ tsuo wa hwɔɔ lele, nɛ wa laa sina lahi kɛ jeɔ mo Mawu, o yi ɔ, ye tsui yeɔ wawɛɛ.

Yesaya 53:12

Enɛ ɔ he je ɔ, ma ha lɛ blɔ nya nguaa ko ngɛ ni nguanguahi a kpɛti. E kɛ mɛ maa dla ta yibu ní ɔ. Ejakaa e ngɔ e wami ngɔ ha ngɛ yayami peeli babauu a nane mi; nɛ e kpa pɛɛ nɛ a ngɔ a he yayami kɛ pa mɛ.”

Kɔmɔ Yemi 2:12

Benɛ a ngɛ awe nyae, nɛ a ngɛ a nyɛmɛ bie ke, “Jije wa ma na abolo ngɛ; jije wa ma na wai ngɛ ɔ” ɔ, a hɛliɔ kaa nihi nɛ plaa ngɛ ma a mi gbɛjegbɛ ɔmɛ a nɔ; nɛ a gboɔ ngɛ a nyɛmɛ a gugue mi.

Samuel I, 1:15

Se Hana he nɔ ke, “Dɛbi, ye nyɔmtsɛ, i nui wai, loo dã ko nɛ nya wa. Yo nɛ e haomi kle ji mi, nɛ i kɛ ye haomi ɔ ba pue Yawɛ hɛ mi kɛ kue fami.