Hiob 30:1 - BAIBLO ALOO NGMAMI KLƆUKLƆU Ɔ

¹ Se mwɔnɛ ɔ, nihi nɛ i wa pe mɛ po ngɛ mi muɔe. Nimli nɛ ɔmɛ a tsɛmɛ nɛ fɔ mɛ ɔ, i bui mɛ fɛɛ; gbehi nɛ buu ye tohi a he pohu i kɛ mɛ be gbe ɔmɛ futue.

Hiob 30:1 ပူးပေါင်းရင်းမြစ်များ

Matsɛmɛ II, 2:23

Elisha je Yeriko kɛ ho Betel ya. Benɛ e ngɛ blɔ ɔ nɔ kɛ yaa a, jokuɛwi nyumuwi komɛ je ma a mi ba ye e he fɛu. A ye e he fɛu, nɛ a de ke, “Yi kpɛti kpalokpalotsɛ, moo kuɔ kɛ ba!”

Hiob 12:4

I plɛ pee muɔ nɔ́ kɛ ha ye huɛmɛ; a ngɛ mi muɔe, pohu dalɔ ji mi; tɔmi be ye he. Be ko nɛ be ɔ, ke i fa kue ha Mawu ɔ, e buɔ mi tue.

Hiob 30:2

Nimli nɛ a he wami tsuo ta nɛ ɔ, mɛni se ma na ngɛ a he?

La 119:51

Nihi nɛ woɔ a he nɔ ye ye he fɛu hluu, se kɛ̃ ɔ, i ngmɛɛ we o mlaa a he.

La 69:12

Nihi nɛ hii si ngɛ agbo nya a, ye he munyu sɔuu a hii tue, nɛ dã deli ɔmɛ hu imi la a hii woe.

Yesaya 3:5

A maa wa a sibi yi mi. Nihewi maa hyɛ nikɔtɔma hɛ mi, nɛ nihi nɛ bu be a he maa wo a he ha nihi nɛ a hɛ mi ngɛ nyami.

Marko 14:65

A ti ni komɛ su lada pue Yesu nɔ; a kɛ bo fi e hɛ mi, nɛ a bɔni lɛ kongomi; nɛ a bi lɛ ke, “Mɛnɔ gba mo ma a?” Tsɔɔ wɔ. Buli ɔmɛ bu pue e nɔ nɛ a bɔni lɛ ma gbami kpoto kpoto.

Luka 23:14

nɛ e de mɛ ke, “Nyɛɛ kɛ nyumu nɛ ɔ ba ye ngɔ, nɛ nyɛ ba po e nya ke e ngɛ ma mi bi ɔmɛ a tue puɛe. Amlɔ nɛ ɔ, i hla e sane ɔ mi ngɛ nyɛ hɛ mi, se i nɛ kaa e yeɔ fɔ ngɛ sanehi nɛ nyɛ kɛ ba po e nya a ekoeko mi.

Luka 23:18

Se mɛ tsuo a kpa ngmlaa ke, “Gbee lɛ, nɛ o ngmɛɛ Baraba he ha wɔ!”

Luka 23:35

Ma mi bi ɔmɛ daa si ngɛ lejɛ ɔ ngɛ hyɛe, be mi nɛ ma nimeli ɔmɛ lɛɛ a ngɛ e he fɛu yee ngɛ dee ke, “Tse o he ni komɛ a yi wami! Yoo, ke mo ji Kristo ɔ, nɔ nɛ Mawu hla a, he mo nitsɛ o yi wami koo!”

Luka 23:39

Yayami peeli nɛ a sɛu ɔ, mɛ hu a ti nɔ kake fia Yesu lilɛ saminya. E de lɛ ke, “Pi mo ji Kristo ɔ? He mo nitsɛ o yi wami, konɛ o he wɔ hu wa yi wami!”

Ni Tsumi 17:5

Se Yuda bi ɔmɛ je nɔ́ nɛ ɔ he hunga, nɛ a ya ngɔ yakayaka nimli dikali komɛ ngɔ piɛ a he. Benɛ a nya ba bua fuu ɔ, a ha ma a mi tsuo pee hliihlii. A ya tua nyumu ko nɛ a tsɛɛ Yason e we ɔ kaa a maa ngɔ Paulo kɛ Sila ya ha ma a.

Tito 1:12

Kreta fɔfɔɛ, nɛ ji mɛ nitsɛmɛ a gbalɔ ko lɛ de ke, “Daa nɛ ɔ, Kreta bi ngɛ lakpa yee; a ngɛ kaa lohwe awi yeli pɛ! Daa nɛ ɔ, hejɔ peemi, kɛ a ye nɛ a tɔ pɛ ji a ní tsumi.”