Hiob 3:23 - BAIBLO ALOO NGMAMI KLƆUKLƆU Ɔ

²³ Mɛni he je e sa kaa a fɔ nɔ ko nɛ e ba na nɔ́ yaka, be mi nɛ níhi nɛ maa ba e nɔ hwɔɔ se ɔ, Mawu ngɔ kɛ laa lɛ?

Hiob 3:23 ပူးပေါင်းရင်းမြစ်များ

Hiob 19:8

Mawu tsi mi blɔ nɛ i nyɛ we ma be; e ha nɛ diblii wo ngɛ ye blɔ nɔ.

Kɔmɔ Yemi 3:7

E bɔ mi pã; e po piɛ kɛ wo ye he, konɛ ma ko na blɔ nɛ ma tu fo kɛ je.

Yesaya 40:27

Israel, lɛɛ mɛni he je o ngɛ dee ke Yawɛ li kaa o ngɛ nɔ́ nae, nɛ e bui kaa a ngɛ mo amimi yee ɔ?

Hosea 2:6

Lɔ ɔ he ɔ, ma ngɔ mio tso kɛ tsi lɛ blɔ; ma fia gli kɛ wo e he kɛ tsi lɛ blɔ.

Kɔmɔ Yemi 3:9

E ngɔ tɛ agbohi kɛ fɔ blɔ mi ha mi, nɛ e ha nɛ ye blɔ ɔ kpɛ̃.

La 88:8

O ha nɛ ye huɛmɛ kua mi; o ha nɛ ye he tsɛ̃ mɛ. I pee kaa nɔ ko nɛ a sa e yi, nɛ e li he nɛ e maa ya.

La 31:8

O ngɔɛ mi kɛ wui he nyɛli a dɛ mi; o ha mi he jɔmi, nɛ i yaa he tsuaa he nɛ i suɔ.

Hiob 19:12

E ta buli babauu ba tua mi; a bɔle mi kɛ kpe, nɛ a sa ye yi kɛ wo ye sihi he ɔ.

Hiob 12:14

Ke Mawu ku nɔ́ ko kɛ pue si ɔ, mɛnɔ ma nyɛ maa ma ekohu? Ke e nga nɔ ko yi kɛ wo tsu mi ɔ, mɛnɔ ma nyɛ ma bli lɛ?

Hiob 19:6

Se nyɛ li kaa Mawu lɛ pee nɔ́ nɛ ɔ lo? Lɛ nɛ tsɔ klama kɛ bɔle mi kɛ kpe.

Hiob 3:22

Ja a gbo nɛ a pu mɛ, loko a naa bua jɔmi.

Hiob 13:27

O ngɔ ye nanehi kɛ wo pã mi. Nɔ́ tsuaa nɔ́ nɛ i ngɛ pee ɔ, o ngɛ hyɛe; ye nane nya po o hyɛɛ fitsofitso.

La 88:9

Aywilɛho sɔuu ha nɛ ye hɛngmɛ nɔ ha. Yawɛ, i tsɛɔ mo daa nɛ; i woɔ ye nine nɔ, nɛ i faa kue kɛ haa mo daa.