Hiob 3:17 - BAIBLO ALOO NGMAMI KLƆUKLƆU Ɔ

¹⁷ Ngɛ gbeje ɔ, yiwutsotsɛmɛ jɔɔ nɔ haomi, nɛ nihi nɛ pɔ tɔ mɛ ɔ, jɔɔ a he.

Hiob 3:17 ပူးပေါင်းရင်းမြစ်များ

Kpojemi 14:13

Nɛ i nu gbi ko kɛ je hiɔwe nɛ ngɛ dee ke, “Ngmaa: A gbaa gbogboehi nɛ gboɔ ngɛ Nyɔmtsɛ ɔ mi kɛ je mwɔnɛ ɔ kɛ yaa nɛ ɔ.” “Ee!” Mumi ɔ ngɛ dee ke, “A maa jɔɔ a he kɛ je a dengme gbomi ɔ mi; se a ní tsumi ɔmɛ nyɛɛɔ a se.”

Hiob 17:16

Anɛ hɛ nɔ kami kɛ mi maa ya gbeje lo? Anɛ e kɛ mi maa ya zu mi lo?

Hebribi 4:11

Lɔ ɔ he ɔ, nyɛ ha nɛ waa bɔ mɔde, konɛ wa nine nɛ su he jɔɔmi nɛ ɔ nɔ, nɛ nɔ ko kó gbo tue kaa mɛ, nɛ e ba laa blɔ.

Hebribi 4:9

Lɔ ɔ he ɔ, e fɔɔ si paa kaa he jɔɔmi be ko ngɛ ha Mawu ma a nɛ a maa ye.

Hiob 14:13

I na nɛ o ngɔ mi ya laa ngɛ gbeje kɛ yaa si o mi mi fumi ɔ se maa po; nɛ lɔ ɔ se ɔ, o maa to be nɛ a kɛ ma kai mi.

Luka 12:4

“Ye huɛmɛ, i ngɛ nyɛ dee ke, nihi nɛ gbeɔ nɔmlɔ tso ɔ, nɛ lɔ ɔ se ɔ, a nyɛ we nɛ a peeɔ nɔ́ ko hu ɔ, nyɛ ko ye mɛ gbeye.

Mateo 10:28

Nihi nɛ gbeɔ nɔmlɔ tso ɔ, se klaa a lɛɛ a nyɛ we lɛ gbemi ɔ, nyɛ ko ye mɛ gbeye. Mawu nɛ nyɛɔ kpataa nɔmlɔ tso ɔ, kɛ klaa a tsuo a hɛ mi ngɛ Abosiami a je la a mi ɔ, lɛ mohu nyɛɛ ye gbeye.

2 Petro 2:8

Benɛ nɔmlɔ kpakpa nɛ ɔ ngɛ a kpɛti ɔ, daa nɛ ɔ, e naa, nɛ e nuɔ ní yayamihi nɛ a ngɛ pee ɔ a he; nɛ nɔ́ nɛ ɔ hao e tsui.

Samuel I, 28:19

Jehanɛ se hu, Yawɛ maa ngɔ mo, kɛ Israel tsuo kɛ wo Filisti bi ɔmɛ a dɛ mi; nɛ hwɔɔmɛ a je hwɔɔ ɔ, o kɛ o binyumu ɔmɛ ma ba piɛ ye he. Israel tabo ɔ hu Yawɛ maa ngɔ mɛ kɛ wo Filisti bi ɔmɛ a dɛ mi.”

Hiob 3:16

Mɛni he je i gbo we ngɛ muɔ nɔ, nɛ i ko nɛ́ pu la a?

Hiob 3:18

Lejɛ ɔ, pamitsɛmɛ po naa he jɔmi; nɔ ko tu we mɛ munyu basabasa hu; nɔ ko ke we a yi hulɔ.

Fiɛlɔ 4:2

I susu kaa nihi nɛ gbo ɔ, a nɔ́ hi pe ni nɛmɛ nɛ a hɛ ngɛ ɔ.

Fiɛlɔ 9:6

A gbo kɛ a suɔmi, ninyɛ, kɛ hɛkɔ ɔ tsuo. Níhi nɛ yaa nɔ ngɛ je nɛ ɔ mi ɔ, mɛɛ lɛɛ a pa be mi nɛ a peeɔ hu.