Hiob 3:14 - BAIBLO ALOO NGMAMI KLƆUKLƆU Ɔ

¹⁴ Jinɛ i kɛ matsɛmɛ, kɛ nɔ yeli nɛ ma mɔhi blema ko ɔ hwɔɔ si mwɔnɛ ɔ.

Hiob 3:14 ပူးပေါင်းရင်းမြစ်များ

Matsɛmɛ I, 11:43

Salomo ba gbo nɛ a pu lɛ ngɛ e tsɛ David ma a mi, nɛ e binyumu Rehoboam ba ye tsɛ ngɛ e se.

Matsɛmɛ I, 2:10

David ba gbo, nɛ a pu lɛ ngɛ David ma a mi.

Hiob 12:17

E kpɔɔ nile ngɛ ga woli a dɛ, nɛ e haa kojoli plɛɔ peeɔ kuasiahi.

Hiob 12:18

E kpaa matsɛmɛ, nɛ e haa nɛ a plɛɔ peeɔ pamitsɛmɛ.

Hiob 15:28

Jamɛ a nɔmlɔ ɔ ya ngɔ mahi, kɛ wehi nɛ nɔtsɛmɛ tu fo kɛ je a mi. Se a de to kaa ta ma kpata jamɛ a ma amɛ, kɛ we ɔmɛ a hɛ mi.

Hiob 30:23

Niinɛ, i le kaa o ngɔ mi kɛ yaa gbeje, he nɛ a to kɛ ha nɔ́ tsuaa nɔ́ nɛ hɛ ngɛ ɔ.

La 49:14

a ma gbo kaa to gboɔ; gbenɔ maa ngɔ mɛ kɛ ya gbeje tɔɔ. Se ni nɛmɛ nɛ peeɔ nɔ nɛ da a maa ye yayami peeli a nɔ; yayami peeli a nɔmlɔ tso ɔ ma puɛ kulaa, nɛ gbeje maa pee a hi he.

La 89:48

Te nɔmlɔ nɛ ngɛ je mi, nɛ lɛɛ e be gboe? Mɛnɔ ma nyɛ ma je e he kɛ je gbenɔ dɛ mi?

Fiɛlɔ 8:8

Nɔmlɔ adesa be he wami ngɛ e mumi nɔ; nɛ e be he wami ngɛ e gbenɔ be nɔ. Gbenɔ ngɛ kaa ta; nɔ ko be nyɛe maa tu nya fo. Yi wu tso ní peemi be nyɛe ma he nɔ ko yi wami.

Yesaya 14:18

Je ma amɛ a matsɛmɛ ɔmɛ tsuo hwɔɔ si kɛ hɛ mi nyami ngɛ yɔkɔ agbohi a mi,

Yesaya 22:16

“Kɛ o susuu ngɛ o he kɛɛ? Mɛnɔ ji mo? Mɛnɔ ha mo he blɔ kaa o kpɛ yɔkɔ ha o he ngɛ tɛ sa mi ngɛ yoku nɛ ɔ he?

Yesaya 5:8

Musu tloo nyɛ! Wehi babauu, kɛ zugbahi nyɛ ngɛ hee kɛ ngɛ ní nɛmɛ nɛ nyɛ ngɛ momo ɔ a he piɛe. E be kɛe kulaa nɛ nɔ kpa ko be he ko nae maa hi hu, nɛ e maa piɛ nyɛ pɛ ngɛ zugba a nɔ.

Yesaya 58:12

Nyɛ maa fia gbogbo he ngɛ blema tsu kokoe ɔmɛ a nane mi. A maa fia kɛ ma sisi tomi momo ɔmɛ a nɔ. Sisi tomi ɔmɛ nɛ a to blema a, nyɛ ma tle mɛ si kɛ ma si ekohu. Lɔ ɔ he ɔ, a ma tsɛ nyɛ ke nihi nɛ ba fia gbogbo ɔmɛ ekohu, nihi nɛ ba dla ma doku ɔmɛ.”

Ezekiel 26:20

O ma kple si kɛ ya su gbeje nitsɛ, he nɛ blematsɛmɛ ɔmɛ nɛ a be je mi hu ɔ ngɛ ɔ. Lejɛ ɔ o kɛ mɛ maa hi ngɛ blema níhi nɛ a kpata a hɛ mi ɔ a mi ngɛ je ɔ sisi tɔɔ. Kɛkɛ ɔ, o be nyɛe maa pee ma nɛ nɔmlɔ adesa maa hi mi ngɛ je nɛ ɔ mi hu!