Hiob 29:12 - BAIBLO ALOO NGMAMI KLƆUKLƆU Ɔ

¹² Ejakaa ke ohiatsɛmɛ kpa ngmlaa kɛ tsɛ balɔ ɔ, i jeɔ mɛ; awusahi hu i piɛɔ a he ja nɔuu.

Hiob 29:12 ပူးပေါင်းရင်းမြစ်များ

Hiob 24:4

A fieɔ ohiatsɛmɛ kɛ jeɔ a blɔ nɔ, nɛ ohiatsɛmɛ ɔmɛ ya buaa a he nya nɛ a laa a he.

Hiob 24:9

Nimli yayami komɛ kpɔɔ bimwɔwi nɛ be tsɛmɛ pani nya ngɛ a nyɛmɛ a nyɔ nya. A kɛ bimwɔwi nɛ ɔmɛ toɔ a tsɛmɛ ɔmɛ a hiɔhi a nya.

Hiob 30:25

Anɛ i fo we ya ha nihi nɛ ngɛ haomi mi lo? Anɛ ohiatsɛmɛ a sane pee we mi mɔbɔ lo?

Hiob 31:17

Ke i ngɛ ní yee ɔ, i ha we nɛ hwɔ yeɔ awusahi.

Hiob 31:18

I hyɛɔ awusahi a nɔ kaa a tsɛ ye wami be ɔ tsuo. I ye bua yalɔyihi kɛ je ye nihe mi.

Hiob 31:21

Ke i ya ye awusa ko amimi, ejakaa i le kaa bɔ tsuaa bɔ nɛ pee ɔ, a maa wo mi nguɔ ngɛ kojomi he ɔ,

Hiob 34:28

A ha nɛ ohiatsɛmɛ kpa ngmlaa kɛ ba Mawu yemi kɛ buami, nɛ Mawu nu nɔ́ nali ɔmɛ a kue fami ɔ.

La 68:5

Awusahi a tsɛ, kɛ yalɔyihi a he bulɔ ɔ, lɛ ji Mawu nɛ ngɛ e he klɔuklɔu ɔ nɛ.

La 72:12

Ke ohiatsɛ, loo nɔ nɛ e fi lɛ, loo nɔ nɛ be nɔ ko tsɛ lɛ ɔ, e buɔ lɛ tue.

La 88:4

A bu mi ngɔ piɛ nihi tsuo nɛ a miɔ nɛ a ma gbo ɔ a he. Ye he wami ta.

Abɛ Womi 21:13

Nɔ nɛ tsiɔ e tue, konɛ e ko nu ohiatsɛ ngmlaa a, lɛ hu ke e kpa ngmlaa a, a be lɛ tue bue.

Abɛ Womi 31:8

“Tu munyu kɛ fa mumui he; ye awusahi tsuo a sane ha mɛ.

Yeremia 22:16

E ye ohiatsɛmɛ, kɛ nɔ́ nali a sane ha mɛ, nɛ e nɔ́ tsuaa nɔ́ ya nɔ bɔ nɛ sa. Anɛ pi enɛ ɔ peemi ji Yawɛ lemi lo?

Mose V, 10:18

E hyɛɛ kaa a ye awusahi, kɛ yalɔyihi a sane pɛpɛɛpɛ ha mɛ. E suɔ nihi nɛ ba to wɔ nibwɔ ɔ, nɛ e haa mɛ a niye ní, kɛ a heha ní.

Yakobo 1:27

Bɔ nɛ nɔ ko ma ja Mawu nɛ maa sa Tsɛ Mawu ɔ nitsɛ hɛ mi ji nɛ ɔ nɛ: awusahi kɛ yalɔyihi nɛ e fi mɛ ɔ, e hyɛ a nɔ. Jehanɛ e hyɛ lɛ nitsɛ e he nɔ saminya, konɛ je mi akɔnɔ yaya ko tɔtɔ e nane.