Hiob 28:28 - BAIBLO ALOO NGMAMI KLƆUKLƆU Ɔ

²⁸ Mawu de nɔmlɔ ke, “Nyɔmtsɛ ɔ gbeye yemi ɔ, lɔ ɔ ji nile; yayami he jemi ɔ, lɔ ɔ ji juɛmi.”

Hiob 28:28 ပူးပေါင်းရင်းမြစ်များ

La 111:10

Ke o ngɛ hlae nɛ o na nile ɔ, ye Yawɛ gbeye. Nihi tsuo nɛ peeɔ ja a, a nuɔ nɔ́ sisi saminya. A je Yawɛ yi daa!

Abɛ Womi 1:7

Loko o ma na nile ɔ, ja o ye Yawɛ gbeye. Kuasiahi bui nile, nɛ slɔmi gbi hu a sume.

Abɛ Womi 9:10

Loko o ma na nile ɔ, ja o ye Yawɛ gbeye; ke o na le Nɔ Klɔuklɔu ɔ pɛ o na juɛmi.

Abɛ Womi 3:7

Koo bu o he ní lelɔ; moo ye Yawɛ gbeye, nɛ o tu yayami nya fo.

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

Mose V, 4:6

Nyɛɛ ye a nɔ pɛpɛɛpɛ, konɛ ma amɛ tsuo nɛ maa nu blɔ nya tomi nɛ ɔmɛ tsuo a he ɔ, a de ke, ‘Niinɛ, ma kpetekpleenyɛ nɛ le ní, nɛ ngɛ juɛmi saminya ji nɛ ɔ nɛ!’

La 34:14

Jɔɔ yayami peemi, nɛ o pee kpakpa. Hla tue mi jɔmi, nɛ o nyɛɛ se.

Abɛ Womi 16:17

Blɔ nɛ kɛ nɔ yɛ yayami mi ɔ, lɔ ɔ nɔ nimli kpakpahi nyɛɛɔ. Nɔ nɛ hyɛɛ e he nɔ saminya a, e he lo yi lɛ e ngɛ baae ɔ nɛ.

Abɛ Womi 13:14

Ní leli a tsɔɔmi ngɛ kaa nyu vu nɛ haa nɔ wami. E ma ha nɛ o maa na gbenɔ nɛ ma, konɛ o tu nya fo.

Mose V, 29:29

“Laami ní komɛ ngɛ nɛ Yawɛ, wa Mawu ɔ je we kpo ngɔ tsɔɔ wɔ, se e je e mlaa a kpo ngɔ ha wɔ kɛ wa nina, bɔ nɛ pee nɛ waa ye nɔ kɛ ya neneene.

2 Timoteo 2:19

Se tsu sisi tomi tɛ nɛ Mawu ngɔ kɛ ma si ha hemi kɛ yemi ɔ he wa, nɛ e be mimiɛe. Munyu nɛ a kɛ sɔu tɛ ɔ nya ji, “Nyɔmtsɛ ɔ le lɛ nitsɛ e nihi.” Ekpa hu deɔ ke, “Nɔ tsuaa nɔ nɛ deɔ ke Mawu nɔ́ ji lɛ ɔ, é kpa yayami peemi.”

Yesaya 1:16

Nyɛɛ du nyɛ he, konɛ nyɛ he nɛ tsɔ. Nyɛ kpa yayami nɛ nyɛ ngɛ pee nɛ ɔ nɛ ma jɔɔ hyɛmi. Ee, nyɛ kpa yayami peemi,

1 Petro 3:11

E jɔɔ yayami peemi, nɛ e pee kpakpa. E bɔ mɔde wawɛɛ, nɛ e kɛ e nyɛmimɛ nɛ hi si ngɛ he jɔmi mi.

Matsɛmɛ I, 18:3

lɔ ɔ he ɔ, Ahab tsɛ Obadia, matsɛ we ɔ nɔ hyɛlɔ ɔ. (Obadia yeɔ Yawɛ gbeye wawɛɛ nitsɛ.

Hiob 1:1

Nyumu ko hi si ngɛ Uz zugba a nɔ; e biɛ ji Hiob. E jaa Mawu, nɛ e yeɔ lɛ anɔkuale. Nyumu nɛ ɔ, nɔmlɔ kpakpa ji lɛ; e pee we nɔ́ nɛ dɛ blɔ kɔkɔɔkɔ.

Hiob 28:12

Se nile lɛɛ jije a maa na lɛ ngɛ? Juɛmi ɔ, jije e hii?

Hiob 28:20

Lɛɛ jije a naa nile ngɛ mɔ? Jije ji juɛmi hi he?

Hiob 28:27

jamɛ a be ɔ mi nɛ e na nile, nɛ e wo nɔ ta. E hla mi fitsofitso, nɛ e to lɛ sisi.

Abɛ Womi 14:16

Ní lelɔ yeɔ sane gbeye; e hyɛɛ e he nɔ saminya nɛ e ko pee yayami. Kuasia lɛɛ e heɔ e he yeɔ, nɛ e peeɔ e níhi basabasa.

La 94:10

Nɔ nɛ tsɔseɔ je ma amɛ ɔ, anɛ e be a tue gblae lo? Nɔ nɛ tsɔɔ adesahi tsuo ní ɔ, anɛ e be juɛmi lo?

Abɛ Womi 8:13

Ke nɔ ko ke e yeɔ Yawɛ gbeye ɔ, e sa kaa e kua yayami. Hewo, he tsɔɔmi, je mi bami yaya, kɛ lakpa a, i sume.

Abɛ Womi 16:6

Naa mɔbɔ nɛ o ye anɔkuale, kɛkɛ ɔ, Mawu kɛ o he yayami maa pa mo. Ye Yawɛ gbeye, nɛ yayami ko be o he sae.