Hiob 28:24 - BAIBLO ALOO NGMAMI KLƆUKLƆU Ɔ

²⁴ Ejakaa lɛɛ e hɛngmɛ hyɛɛ nɔ́ kɛ yaa je mi nyagbe he ɔmɛ tɔɔ; e naa níhi tsuo nɛ ngɛ hiɔwe sisi.

Hiob 28:24 ပူးပေါင်းရင်းမြစ်များ

Abɛ Womi 15:3

Yawɛ hɛngmɛ ngɛ he tsuaa he; e naa kpakpa peeli, kɛ yayami peeli tsuo.

Zakaria 4:10

Amlɔ nɛ ɔ nɛ ní tsumi ɔ yɛ nɔ kpakpa ko ɔ, nɛ ni ɔmɛ pee kaa nɔ́ nɛ a kɔni mi jɔ̃. Se ke a na Zerubabel nɛ ngɛ Mawu we ɔ mae ekohu ɔ, a bua maa jɔ.”

Kpojemi 5:6

Jehanɛ, i na To bi ko nɛ daa si ngɛ matsɛ sɛ ɔ kɛ hɛ kali eywiɛ ɔmɛ, kɛ nikɔtɔma amɛ a kpɛti. To bi ɔ ngɛ kaa nɔ́ nɛ a gbe. E ngɛ koli kpaago, kɛ hɛngmɛ kpaago. Hɛngmɛ nɛ ɔmɛ ji Mawu mumi slɔɔto kpaago nɛ e tsɔ kɛ ya je ɔ mi tsuo.

Kronika II, 16:9

Yawɛ hɛngmɛ ngɛ je ɔ tsuo he; nihi nɛ yeɔ lɛ anɔkuale ɔ, e woɔ mɛ he wami. O je kuasia. Lɔ ɔ he ɔ, kɛ je mwɔnɛ ɔ kɛ yaa a, ta maa nyɛɛ o se daa nɛ.”

Hiob 10:4

Anɛ nimli adesahi a hɛngmɛ lɛ ngɛ o dɛ? Anɛ o hyɛɛ nɔ́ kaa nɔmlɔ lo?

Hiob 11:11

Mawu le yaka nimli. Ke e na ní yayamihi nɛ a ngɛ pee ɔ, anɛ e be a tue gblae lo?

Hiob 31:4

Mawu le nɔ́ tsuaa nɔ́ nɛ i peeɔ; e le ye blɔ ɔmɛ tsuo.

Hiob 37:3

E haa oslabai gbaa ngɛ hiɔwe, nɛ e kpɛɔ ngɛ je ɔ kɔ nya he tsuaa he.

Hiob 38:13

Anɛ o fa hyɛ ke mɔtu la a nɛ nu je ɔ kɛ yaa si a ma huanya yiwutsotsɛmɛ kɛ je a laami hehi lo?

Hiob 38:18

Anɛ o le je ɔ blimi lo? Ke o le ɔ, ha mi heto.

Hiob 41:11

Mɛnɔ lɛ e kɛ nyaka ya kpe kunɔ hyɛ nɛ e he je mi? Dɛbi! Je ɔ mi tsuo ɔ, nɔ ko nɔ ko be!

La 11:4

Yawɛ ngɛ e we klɔuklɔu ɔ; e matsɛ sɛ ɔ, hiɔwe lɛ e ngɛ. E hɛngmɛ ngɛ nimli adesahi hyɛe ngɛ he tsuaa he; e le níhi nɛ a ngɛ pee.

La 66:7

E ngɛ tsɛ yee kɛ he wami kɛ yaa neneene. E hɛngmɛ ngɛ je ma amɛ a he; atuã tsɔli kó wo a he nɔ.

La 113:6

nɛ e ma e yi si kɛ ngɛ hiɔwe, kɛ zugba tsuo hyɛe ɔ.