Hiob 28:2 - BAIBLO ALOO NGMAMI KLƆUKLƆU Ɔ

² A tsuaa dade ngɛ zu mi, nɛ a sileɔ tɛ, nɛ a jeɔ akɔblee kɛ jeɔ mi.

Hiob 28:2 ပူးပေါင်းရင်းမြစ်များ

Mose I, 4:22

Zila hu fɔ binyumu; e biɛ ji Tubal Kain. Lɛɛ e kɛ akɔblee kɛ dade sɔɔ níhi. Tubal Kain nyɛmiyo ji Naama.

Kronika I, 22:14

I gbo dengme bua ní nɛ ɔmɛ a nya kɛ to, konɛ a kɛ po Yawɛ we ɔ: sika tsu nɛ jiɔmi ji tɔn akpe etɛ kɛ lafa eywiɛ, sika hiɔ nɛ jiɔmi ji tɔn akpe nyingmi etɛ kɛ eywiɛ, akɔblee kɛ dade babauu nɛ a li nya, tso, kɛ tɛ. Bɔɔ mɔde nɛ mo hu o na eko kɛ piɛ he.

Hiob 28:1

Niinɛ, muɔhi ngɛ nɛ a tsuaa sika hiɔ ngɛ a mi. Sika tsu he tsumi hehi hu ngɛ.

Hiob 28:3

Nihi suɔ kane ngɛ diblii mi, nɛ a kɛ hlaa tɛ kpakpahi ngɛ zugba a sisi hehi nɛ wo diblii kpii, kɛ hehi nɛ ngɛ gbeye.

Mose IV, 31:22

Níhi tsuo nɛ la be nyɛe maa sã, kaa sika tsu, sika hiɔ, akɔblee, dade, sanyla, loo sumui ɔ, nyɛɛ ngɔ kɛ wo la mi, konɛ a he nɛ tsɔ. Lɔ ɔ se ɔ, nyɛɛ ngɔ yayami fɔmi nyu ɔ kɛ fɔ a he. Se nɔ́ tsuaa nɔ́ nɛ kɛ la yi ɔ, lɛɛ nyɛɛ kɛ yayami fɔmi nyu ɔ nɛ fɔ he.

Mose V, 8:9

Hwɔ be nyɛ yee, nɛ nɔ́ ko nɔ́ ko be nyɛ hiae. Tɛ nɛ ngɛ zugba a mi ɔ, dade ngɛ mi. Yo ɔmɛ a mi hu akɔblee ngɛ nɛ nyɛ ma nyɛ maa tsua.