Hiob 27:5 - BAIBLO ALOO NGMAMI KLƆUKLƆU Ɔ

⁵ I be kplɛɛe kɔkɔɔkɔ kaa nɔ́ nɛ nyɛ ngɛ dee ɔ ngɛ mi; kɛ yaa si ye gbenɔ ligbi ɔ, nɔ́ nɛ i ngɛ dee kɛkɛ ji i yi fɔ.

Hiob 27:5 ပူးပေါင်းရင်းမြစ်များ

Hiob 13:15

Bɔ tsuaa bɔ nɛ pee ɔ, e maa gbe mi sa; i be hɛ nɔ kami ko. Se kɛ̃ ɔ, ma fa ye he ngɛ e hɛ mi.

Hiob 17:9

Se bɔ tsuaa bɔ nɛ pee ɔ, dalɔ hii e blɔ nɔ kɛ̃. Nɔmlɔ nɛ yayami ko be e he ɔ, e naa he wami he ekohu.

Hiob 2:3

Yawɛ bi lɛ ke, “Anɛ o to ye tsɔlɔ Hiob he hɛ kaa nɔ ko be je ɔ mi nɛ da, nɛ yeɔ anɔkuale kɛ lɛ sɔ lo? E jaa mi, nɛ e pee we nɔ́ nɛ dɛ blɔ kɔkɔɔkɔ. O ba nyɛ ye nɔ ke ma ha mo blɔ nɛ o ya hao lɛ, be mi nɛ e pee we yayami ko kulaa. Se kɛ ba si piɔ ɔ, Hiob ngɛ anɔkuale yee kɛ mwɔɔ.”

Hiob 2:9

Jehanɛ, e yo ɔ de lɛ ke, “Tse o ngɛ anɔkuale ɔ yee kɛ mwɔɔ! Gbiɛ Mawu, nɛ o gbo!”

Hiob 29:14

Be tsuaa be ɔ, i yeɔ dami sane, nɛ i peeɔ nɔ́ nɛ da.

Hiob 31:6

Mawu nɛ́ ngmɛ mi ngɛ sɛni nɛ da nɔ, nɛ e maa na kaa i pee we yayami ko.

Hiob 31:7

Ke i je blɔ kpakpa a nɔ kɛ ya nyɛɛ níhi nɛ ye tsui suɔ a se, nɛ i kɛ nɔ́ nɛ ɔ peemi ble ye he ɔ,

Hiob 32:1

Jehanɛ lɛɛ nyumuhi etɛ nɛ ɔmɛ ha we Hiob e munyu ɔmɛ a heto hu, ejakaa a na kaa e buu e he kaa nɔmlɔ nɛ da.

Hiob 32:2

Kɛkɛ nɛ Elihu mi mi fu Hiob wawɛɛ nitsɛ kaa e pia Mawu, nɛ e wo lɛ nitsɛ e he nguɔ. (Elihu nɛ ɔ, Buz no ɔ nɛ a tsɛɛ lɛ Barakel ɔ binyumu ji lɛ. E je Ram weku ɔ mi, nɛ lɛɛ e bee ngɛ lejɛ ɔ kɛkɛ.)

Hiob 32:3

Elihu mi mi fu Hiob huɛmɛ etɛ ɔmɛ hulɔ, ejakaa a bu Hiob fɔ, be mi nɛ mɛ nitsɛmɛ a nɛ heto kpakpa ko nɛ a ha lɛ.

Hiob 33:9

“Ye he tsɔ; i pee we nɔ́ ko nɛ dɛ blɔ. I yeɔ nguɔ; yayami ko be ye he.

Hiob 42:7

Benɛ Yawɛ kɛ Hiob tu munyu ta a, Yawɛ de Elifaz, Teman no ɔ ke, “Ye mi mi fu o kɛ o huɛmɛ enyɔ ɔmɛ tsuo; ejakaa nyɛ tu we ye he anɔkuale munyu kaa bɔ nɛ ye tsɔlɔ Hiob pee ɔ.

Hiob 6:29

Lɔ ɔ he ɔ, i kpa nyɛ pɛɛ, nyɛ ko susu nɔ́ yayami ha mi kɛ ya tsitsaa. Nyɛ ko bu mi fɔ; i yeɔ nguɔ.

Abɛ Womi 17:15

Nɔ nɛ woɔ yayami peelɔ nguɔ, kɛ nɔ nɛ buɔ dalɔ fɔ ɔ, Yawɛ hiɔ mɛ tsuo.

2 Korintobi 1:12

Nɔ́ kake nɛ wa fĩaa ngɔ fɔɔ nɔ, nɛ wa he nile hu yeɔ he odase ji kaa wa baa wa je mi saminya ngɛ he tsuaa he, titli ngɛ waa kɛ nyɛ wa bɔmi mi kaa bɔ nɛ Mawu ngɛ hlae ɔ. Wa yeɔ anɔkuale nɛ mu ko mu ko be wa he. Pi wɔ nitsɛmɛ wa nile nɛ waa kɛ peeɔ enɛ ɔ, se mohu Mawu dloomi ɔ nya.

Galatabi 2:11

Benɛ Petro ba Antiokia a, i ka e hɛ mi ngɛ ma hɛ mi; ejakaa nɔ́ nɛ e pee ɔ dɛ kulaa.

Mose V, 25:1

“Waa ngɔ lɛ kaa Israel bi enyɔ ngɛ pɛe, nɛ a ba kojomi he ɔ, konɛ a hyɛ a sane ɔ mi ha mɛ. Nɔ nɛ nɔ́ dɛ ɔ, á bu lɛ fɔ; nɔ nɛ nɔ́ da a, á wo lɛ nguɔ.