Hiob 27:22 - BAIBLO ALOO NGMAMI KLƆUKLƆU Ɔ

²² Mawu ma ha nɛ beleku kɔɔhiɔ maa fia lɛ wawɛɛ nitsɛ; nɛ e be lɛ mɔbɔ nae kulaa, be mi nɛ e ngɛ mɔde bɔe kaa e maa tu fo kɛ je nya.

Hiob 27:22 ပူးပေါင်းရင်းမြစ်များ

Hiob 10:7

O le kaa i yi fɔ, nɛ nɔ ko hu be nɛ ma kpɔ mi kɛ je o dɛ mi.

Hiob 11:20

Se yayami peeli lɛɛ a maa na kaa a yi ta pɛ; he ko he ko be nɛ a maa tu fo kɛ ya. Nɔ́ nɛ blɔ nɛ a maa hyɛ kɛkɛ ji gbenɔ.

Hiob 20:24

Ke e ka kaa e maa tu fo kɛ je dade nya a, a ma tsɛ̃ lɛ akɔblee kɛ̃ɛ̃ kɛ fɔ si.

La 11:6

Yawɛ ma ha la nɛ ngɛ tsoe gegeege maa je hiɔwe ba pue yayami peeli a nɔ; nɛ kɔɔhiɔ nɛ mi dɔ la maa fia kɛ wo mɛ.

Mose II, 9:14

Jehanɛ ɔ lɛɛ i be o tsɔli ɔmɛ, kɛ o ma a kɛkɛ tue gblae; se mohu ma ha nɛ nɔ́ nami ɔ maa sa mo nitsɛ hu o he, konɛ o le kaa nɔ ko nɔ ko be nɛ e kɛ mi sɔ ngɛ je ɔ mi tsuo.

Yesaya 10:3

Ke Mawu bɔni nyɛ tue gblami ɔ, kɛ nyɛ maa pee kɛɛ? Ke e ngɔ haomi kɛ je ma se kɛ ba na nyɛ ɔ, kɛ nyɛ maa pee kɛɛ? Mɛnɔ ngɔ nyɛ ma sa fo kɛ ya ya hla yemi kɛ buami? Jije nyɛ maa ngɔ nyɛ juetli kɛ to?

Yeremia 13:14

Lɔ ɔ se ɔ, ma nuu tsɛmɛ kɛ bimɛ ngɔ fia a sibi, nɛ a ma gbo ngɔ pue si kaa tɔ nɛ ywia. Ma kpata a hɛ mi; ye tsui mi be mi sãe ngɛ a he, nɛ i be mɛ mɔbɔ nae.”

Ezekiel 24:14

Imi, Yawɛ nitsɛ lɛ i de. Be ɔ su jehanɛ; bɔ nɛ i de ɔ, ja ma pee. I be ye nya se kpalee; i be mɔbɔ nae, nɛ i be ye he piae hulɔ. Yayamihi nɛ o pee ɔ a he ɔ, ma gbla o tue bɔ nɛ sa mo.” Nyɔmtsɛ Yawɛ lɛ de.

Ezekiel 5:11

“Lɔ ɔ he ɔ, be a bɔ nɛ imi Nyɔmtsɛ Yawɛ, i ngɛ nɛ ɔ, akɛnɛ o ngɔ tai níhi, kɛ níhi nɛ a hiee tsuo kɛ ble ye he klɔuklɔu ɔ, imi Yawɛ hu, i be mo mɔbɔ nae, nɛ i be o yi bae; mohu ma kpata o hɛ mi pɛsɛpɛsɛ.

Amos 2:14

Nyɛ kpɛti nihi nɛ a he sɔɔ po be nyɛe nɛ a tu fo kɛ je. Nihi nɛ a he wa a ma gbɔjɔ; nɛ ta buli ɔmɛ be nyɛe nɛ a he mɛ nitsɛmɛ a yi wami.

Yona 1:10

Nɔ́ nɛ ɔ ha lɛ mi bi ɔmɛ ye gbeye wawɛɛ nitsɛ, nɛ a bi lɛ ke, “Mɛni o pee nɛ ɔ?” Ejakaa a le kaa e tu fo kɛ je Yawɛ hɛ mi.

Romabi 8:32

Mawu nɛ klɔɛ e Bi ɔ he, se mohu e ngɔ lɛ kɛ sã bɔ ngɛ wɔ nimli adesahi tsuo wa he ɔ, anɛ e be níhi tsuo ngɔe kɛ piɛ he ha wɔ lo?

Mose V, 29:20

Yawɛ be nɔ nɛ tue wa nɛ ɔ he yayami ngɔe kɛ pa lɛ. Niinɛ, Yawɛ mi mi ma fu wawɛɛ kɛ wo lɛ, nɛ gbiɛmihi tsuo nɛ a ngma ngɛ womi nɛ ɔ mi ɔ maa ba e nɔ kɛ yaa si Yawɛ ma kpata e hɛ mi kulaa kɛ pi si.

Mose V, 32:23

“ ‘Ma ha haomihi maa ba a nɔ nɔtonɔto; ma tsɛ̃ mɛ ye kɛ̃ɛ̃ ɔmɛ tsuo.

Yoshua 10:11

Be mi nɛ Amor bi ɔmɛ ngɛ fo tue ngɛ Israel bi ɔmɛ a ta a nya kɛ gu yo kpɛ blɔ ɔ kɛ yaa a, Yawɛ ha gbiɛ ngo ngu nguahi je hiɔwe ba nɔɔ a nɔ. Nihi nɛ gbiɛ ngo ngu ɔ gbe ɔ hiɛ kulaa pe nihi nɛ Israel bi ɔmɛ kɛ klaate gbe.

Samuel I, 25:29

Nɛ ke nɔ ko maa te si kɛ wo mo, nɛ e ma hla kaa e gbe mo ɔ, Yawɛ, o Mawu ɔ maa bu o he kaa bɔ nɛ nɔmlɔ adesa buu june nɛ he jua wa he ɔ. Se o he nyɛli ɔmɛ lɛɛ e ma sake mɛ ngɔ fɔ he kaa bɔ nɛ a fɔɔ amlami tɛ ɔ.