Hiob 27:18 - BAIBLO ALOO NGMAMI KLƆUKLƆU Ɔ

¹⁸ Yayami peelɔ we nɛ e po ɔ ngɛ kaa anani ya, aloo tsu wayoo nɛ bulɔ pee.

Hiob 27:18 ပူးပေါင်းရင်းမြစ်များ

Hiob 18:14

E bo tsu ɔ nɛ e ngɔ e hɛ ngɔ fɔ nɔ ɔ, a maa gbla lɛ kɛ je lejɛ ɔ kɛ ba he ko nɛ ngɛ gbeyegbeye.

Yesaya 1:8

A si Yerusalem kɛ fɔ si mɔbɔmɔbɔ kaa ma nɛ ta sá e yi. E ngɛ kaa bulɔ tsu bi ko ngɛ wai ngmɔ mi, loo gba nɛ a ma ngɛ atlɛ ngmɔ mi.

Yesaya 38:12

A po ye wami nɔ kpiti kulaa; ye wami ɔ nya ta. E pee kaa to hyɛlɔ bo tsu nɛ a kpa ngɔ fɔ si, loo kaa bo nɛ bo lolɔ po nɔ ngɛ e bo lomi tso ɔ he. I susu kaa Mawu ha ye wami nyagbe ma amlɔ nɔuu.

Yesaya 51:8

Ejakaa a hɛ mi ma kpata pɛsɛpɛsɛ kaa bo nɛ wɔyewɔye ye, loo kuutu nɛ gɔgɔ ye. Ma ye dami sane ha nyɛ daa, nɛ ma he nyɛ yi wami be tsuaa be; ma ye kunimi ha nyɛ kɛ maa ya neneene.”

Kɔmɔ Yemi 2:6

Mawu we ɔ, he nɛ wa jaa lɛ ngɛ ɔ, e ywia lɛ dukuduku ngɔ pue si. E gu nyami be ɔmɛ, kɛ Hejɔɔmi ligbi ɔ. Abofu nɛ nya wa nɛ ɔ sa matsɛmɛ, kɛ osɔfohi tsuo a he.