Hiob 26:7 - BAIBLO ALOO NGMAMI KLƆUKLƆU Ɔ

⁷ Mawu gbla omleyi je hiɔwe ɔ mi, nɛ e ngɔ je ɔ ngɔ kpla si nɛ nɔ́ ko hɛɛ we lɛ.

Hiob 26:7 ပူးပေါင်းရင်းမြစ်များ

Hiob 38:6

Mɛni nɔ a fia e sisi tomi ɔmɛ kɛ ma? Mɛnɔ lɛ to kɔ nya tɛ ɔ?

Hiob 9:8

Benɛ Mawu maa gbla hiɔwe mi, nɛ e maa naa wo mi lohwe ngua a nɔ ɔ, nɔ ko piɛ we e he.

La 24:2

Lɛ nɛ bɔ je ɔ kɛ fɔ wo ɔ nɔ; lɛ nɛ to je ɔ sisi ngɛ pahi a nɔ.

La 89:12

O bɔ omleyi je, kɛ leneyi je. Tabor yo ɔ, kɛ Hermon yo ɔ ngɛ lae kɛ ngɛ o yi jee.

La 89:13

He walɔ kpetekpleenyɛ ji mo; o he wami ɔ kle!

Yesaya 40:21

Bɔ nɛ a plɛ kɛ to je ɔ sisi ɔ, anɛ nyɛ li lo? Anɛ nyɛ nui hyɛ lo? Anɛ a de we nyɛ enɛ ɔ kɛ je blema lokoo lo?

Yesaya 40:22

Mawu ji nɔ nɛ bɔ je ɔ nɛ; e hii si ngɛ hiɔwe lokoo, nɛ je ɔ fɔɔ si ngɛ e sisi. Nimli adesahi ngɛ kaa angmɛɛtɛ ngɛ je ɔ mi. Mawu bli hiɔwe mi kaa bo, nɛ e pee lɛ kaa bo tsu nɛ a hiɔ mi.

Yesaya 40:26

Nyɛ wo nyɛ yi nɔ nɛ nyɛɛ hyɛ hiɔwe! Mɛnɔ lɛ bɔ dodoe ɔmɛ nɛ nyɛ ngɛ hyɛe ɔ? Nɔ nɛ jeɔ mɛ kpo kaa ta buli babauu, nɛ e kɛ eko tsuaa eko biɛ tsɛɔ lɛ ɔ! E he wami, kɛ nyɛmi kpetekpleenyɛ ɔ nya a, kake ngmelu po laa we.

Yesaya 42:5

Yawɛ Mawu ɔ, lɛ nɛ bɔ hiɔwe, nɛ e bli mi gbajaa. Lɛ nɛ bɔ zugba a, kɛ níhi tsuo nɛ ngɛ zugba a nɔ ɔ. Lɛ nɔ nɛ ha nimli adesahi tsuo wami kɛ mumi ɔ, bɔ nɛ e ngɛ e tsɔlɔ ɔ dee ji nɛ ɔ nɛ:

Zakaria 12:1

Sɛ gbi nɛ je Yawɛ ngɔ nɛ kɔɔ Israel he ji nɛ ɔ nɛ. Yawɛ ji nɔ nɛ bɔ hiɔwe kɛ zugba; lɛ nɛ ha nɔmlɔ adesa wami. Yawɛ ke,