Hiob 26:6 - BAIBLO ALOO NGMAMI KLƆUKLƆU Ɔ

⁶ Gbeje fɔɔ si paa ngɛ Mawu hɛ mi. He hami nɔ́ be he nɛ maa tsi lɛ blɔ.

Hiob 26:6 ပူးပေါင်းရင်းမြစ်များ

Hiob 11:8

Mawu ngɛ hiɔwe se lokoo, se moo lɛɛ hiɔwe ɔ po o juɛmi sui he. Mawu le gbogboehi a je, se moo lɛɛ o li lejɛ ɔ.

Hiob 28:22

Gbenɔ kɛ hɛ mi kpatami po de ke, “Oo, e biɛ kɛkɛ lɛ wa nu kɛ wa tue.”

Hiob 3:13

I gbo kpoo jamɛ a be ɔ mi, jinɛ amlɔ nɛ ɔ, ye he mi jɔ mi.

Hiob 31:12

E ngɛ kaa la nɛ sãã nɔ́ kɛ yaa tsitsaa; e ma kpata ye nɔ́ tsuaa nɔ́ hɛ mi.

Hiob 38:17

Agbohi nɛ ngɛ ni gbogboehi a je, he nɛ wo diblii kpii ɔ, anɛ nɔ ko bli nya kɛ tsɔɔ mo hyɛ lo?

Hiob 41:11

Mɛnɔ lɛ e kɛ nyaka ya kpe kunɔ hyɛ nɛ e he je mi? Dɛbi! Je ɔ mi tsuo ɔ, nɔ ko nɔ ko be!

Hiob 9:5

E hiaa yohi tlukaa nɛ e wui nɔ ko si; nɛ ke e mi mi fu ɔ, e kpataa a hɛ mi.

La 139:11

Ke i de ke diblii ba ha ye nɔ, loo pu la nɛ bɔle mi ɔ nɛ plɛ pee diblii ɔ,

La 139:8

Ke i kuɔ kɛ ya hiɔwe ɔ, ne mo ngɛ lejɛ ɔ; nɛ ke i ya hwɔ si ngɛ gbeje hu ne mo ngɛ lejɛ ɔ.

La 88:10

Anɛ ni gbogboehi lɛ o peeɔ nyakpɛ ni kɛ haa lo? Anɛ gbogboehi maa te si, nɛ a ma je o yi lo?

Abɛ Womi 15:11

Gbeje kɛ e muɔ voo ɔ po fɔɔ si paa ngɛ Yawɛ hɛ mi; nɛ nɔmlɔ adesa tsui mi lɛɛ e be nae lo?

Abɛ Womi 27:20

Nɔmlɔ adesa hɛngmɛ tɔɛ gblee kɛ nɔ́ hyɛmi, kaa bɔ nɛ gbenɔ hii nɔ hɛ mi kpatae kpamisa nɛ e kpa we ɔ.

Yesaya 14:9

“Babilonia matsɛ, gbeje pee klaalo nɛ e ma he mo atuu. Ni nguahi nɛ hi je mi hyɛ ɔ a kpade ɔmɛ ngɛ si poe. Matsɛmɛ ɔmɛ a kpade ɔmɛ ngɛ si tee ngɛ a matsɛ sɛ ɔmɛ a nɔ.

Daniel 2:22

Níhi nɛ a ngɔ kɛ laa, nɛ nɔmlɔ adesa juɛmi sui he ɔ, Mawu jeɔ mɛ kpo; e le níhi nɛ a ngɔ kɛ laa ngɛ diblii mi; lɛ nitsɛ lɛɛ la bɔle lɛ.

Amos 9:2

Ke a tsua si kɛ ho gbeje ya tete po, ma ya gbla mɛ ngɛ lejɛ ɔ kɛ je kpo. Nɛ ke a kuɔ kɛ ya hiɔwe po, ma ha a ma kple kɛ ba zugba.

Hebribi 4:13

Nɔ́ ko nɔ́ ko be nɛ a kɛ laa Mawu. Nɔ́ tsuaa nɔ́ ngɛ je nɛ ɔ mi fɔɔ si paa ngɛ Mawu hɛ mi. Nɛ nɔ tsuaa nɔ maa bu lɛ nitsɛ e we akɔtaa ngɛ e hɛ mi.

Kpojemi 9:11

Matsɛ nɛ yeɔ a nɔ ji bɔfo ɔ nɛ ngɛ muɔ voo ɔ nya a. Hebri gbi mi ɔ, e biɛ ji Abadon, se Hela gbi mi lɛɛ a tsɛɛ lɛ Apolion.