Hiob 26:12 - BAIBLO ALOO NGMAMI KLƆUKLƆU Ɔ

¹² E kɛ e he wami jɔɔ wo ɔ he, nɛ e kɛ juɛmi kpata wo mi lohwe ɔ nɛ a tsɛɛ Rahab ɔ hɛ mi.

Hiob 26:12 ပူးပေါင်းရင်းမြစ်များ

Hiob 12:13

Se Mawu lɛɛ e nɔ́ ji nile, kɛ he wami; e ngɛ juɛmi, kɛ nɔ́ sisi numi.

Hiob 26:11

Ke e kuɛ́ ɔ, titimahi nɛ hɛɛ hiɔwe ɔ hosoɔ, nɛ a he wami taa.

Hiob 9:13

Mawu mi mi fumi se pui. E he nyɛli ɔmɛ nɛ te si wo lɛ ɔ, e kpata a hɛ mi. Mɛ lɛ a ya piɛ wo mi lohwe ngua a nɛ a tsɛɛ lɛ Rahab ɔ he ɔ nɛ.

La 29:10

Yawɛ ngɛ matsɛ yee ngɛ nyu babauu ɔ nɔ kɛ yaa neneene.

La 74:13

O kɛ o he wami kpetekpleenyɛ ɔ gba wo ɔ mi, nɛ o ywia wo mi lohwe gbeyegbeye ɔmɛ a yi.

Yesaya 2:12

Jamɛ a be ɔ, Yawɛ Tabohiatsɛ ɔ maa ba he walɔ tsuaa he walɔ si; e maa ba he wolɔ kɛ he nɔ wolɔ, tsuo si.

Yesaya 51:15

“Imi ji Yawɛ, o Mawu ɔ nɛ. Imi nɛ i haa wo gliɔ, nɛ oslɔke ɔmɛ peeɔ hoo. Yawɛ Tabohiatsɛ ji ye biɛ!

Yesaya 51:9

Yawɛ, moo te si nɛ o piɛ wa he! Ngɔɔ o he wami ɔ kɛ he wa yi wami kaa bɔ nɛ o pee blema a. Pi mo nɛ o gbɔ Rahab, wo mi lo nguaa a nɔ́, nɛ o poo e mi kpokukpoku ɔ lo?

Yeremia 31:35

Yawɛ lɛ pee pu, konɛ e tso piani. Lɛ nɛ pee nyɔhiɔ kɛ dodoehi konɛ a kpɛ nyɔ mi. Yawɛ lɛ klɛɔ wo mi, nɛ e haa nɛ oslɔke ɔmɛ gliɔ E biɛ ji Yawɛ Tabohiatsɛ.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

Yakobo 4:6

Se mɔbɔ nɛ Mawu naa wɔ ɔ nya wa kulaa pe lɔ ɔ po. Kaa bɔ nɛ ngmami ɔ deɔ ɔ, “Nihi nɛ woɔ a he nɔ ɔ, Mawu baa mɛ si; se ni nɛmɛ nɛ baa a he si ɔ lɛɛ e dlooɔ mɛ.”