Hiob 26:10 - BAIBLO ALOO NGMAMI KLƆUKLƆU Ɔ

¹⁰ E po huzu ngɛ wo hɛ mi kɛ gba piani kɛ nyɔ a kpɛti.

Hiob 26:10 ပူးပေါင်းရင်းမြစ်များ

Abɛ Womi 8:29

Benɛ e fa wo ɔ ke wo nyu ɔ ko be e huzu ɔ he ɔ, i ngɛ lejɛ ɔ. Benɛ e to je ɔ sisi ɔ, jamɛ a be ɔ, i ngɛ lejɛ ɔ.

Yeremia 5:22

Imi ji Yawɛ; mɛni he je lɛ nyɛ yi mi gbeye? Mɛni he je nyɛ he dui blibliibli ngɛ ye hɛ mi? Imi lɛ i ngɔ zia kɛ wo huzu ha wo, huzu nɛ ngɛ daa kɛ daa, nɛ wo be nyɛe maa hane ligbi ko ligbi ko. Ke wo gli kaa mɛni, e be nyɛe maa hane huzu nɛ ɔ. Ke oslɔkehi ngɛ kue nɛ wo ɔ pee hamahama kaa mɛni, e be nyɛe maa be huzu nɛ ɔ he gblegbleegble.

La 33:7

E bua wo nyu ɔ nya glekugleku; nɛ e ngɔ nyu babauu ɔ kɛ to ngɛ nito hehi.

Mose I, 8:22

Ligbi abɔ nɛ je ɔ ngɛ nɛ ɔ, ní dumi kɛ ní kpami be, fĩɛ be kɛ latsa be, gbo kɛ gbiɛ, nyɔ kɛ pia se be poe gblegbleegble.”

Hiob 26:11

Ke e kuɛ́ ɔ, titimahi nɛ hɛɛ hiɔwe ɔ hosoɔ, nɛ a he wami taa.

Hiob 38:1

Kɛkɛ nɛ Yawɛ kɛ Hiob tu munyu kɛ je kɔɔhiɔ nɛ nya wa mi.

Hiob 38:19

Jije a guu kɛ yaa la hi he? Diblii hu jije e hi he ngɛ?

Hiob 38:20

Anɛ o ma nyɛ maa tsɔɔ mɛ a huzu nya, nɛ o kpale mɛ kɛ ba a hi he ekohu lo?

Hiob 38:24

Jije a guu kɛ yaa he nɛ pu jeɔ kɛ baa, aloo he nɛ beleku kɔɔhiɔ fiaa kɛ jeɔ?

Abɛ Womi 8:27

Benɛ e ngɔ hiɔwe kɛ to e blɔ he, nɛ e pee hiɔwe kɛ zugba a kpe he ɔ, jamɛ a be ɔ, i ngɛ lejɛ ɔ.