Hiob 24:9 - BAIBLO ALOO NGMAMI KLƆUKLƆU Ɔ

⁹ Nimli yayami komɛ kpɔɔ bimwɔwi nɛ be tsɛmɛ pani nya ngɛ a nyɛmɛ a nyɔ nya. A kɛ bimwɔwi nɛ ɔmɛ toɔ a tsɛmɛ ɔmɛ a hiɔhi a nya.

Hiob 24:9 ပူးပေါင်းရင်းမြစ်များ

Nehemia 5:5

Waa kɛ Yuda bi ɔmɛ tsuo ɔ, ni kake ji wɔ. Anɛ wa bimɛ tsɔwi ɔmɛ kɛ mɛ hu a bimɛ tsɔwi ɔmɛ sɔɛ lo? Se fimi nya a, e hia kaa waa jua wa bimɛ ɔmɛ kaa nyɔguɛhi. Wa jua wa biyi ɔmɛ ekomɛ momo kaa nyɔguɛhi, nɛ wa be nɔ́ ko nɔ́ ko hu; ejakaa a kpɔ wa zugba amɛ, kɛ wai ngmɔ ɔmɛ ngɛ wa dɛ.”

Matsɛmɛ II, 4:1

Gbali ɔmɛ a kuu ɔ mi no ko e yo ya fa kue ha Elisha, nɛ e de lɛ ke, “O tsɔlɔ, nɛ ji imi lɛɛ ye huno ɔ, e gbo. Nɛ kaa bɔ nɛ o le ɔ, o tsɔlɔ ɔ yeɔ Yawɛ gbeye. Se nyumu ko nɛ e ya pa sika ngɛ e dɛ ɔ ba nu ye binyumuwi enyɔ ɔmɛ kɛ pee e nyɔguɛhi.”

Hiob 6:27

Anɛ nyɛ ma nyɛ maa fɔ awusa bi nɔ sɔ lo? Anɛ nyɛ ma nyɛ maa wo nyɛ huɛ he jua lo?

Hiob 22:6

Ke o nyɛmi hɛɛ mo hiɔ nɛ e nyɛ we nɛ e wo mo ɔ, o kpaa bo ngɛ e he, nɛ o haa nɛ e hɛɛɔ e he gu.

Hiob 24:8

Hiɔmi nɛɛ mɛ ngɛ yo ɔmɛ a nɔ, nɛ a pɔɔ kpanyaa. Akɛnɛ a be hi he ko he je ɔ, a hɔɔ tɛ sahi a kpɛ.

Hiob 24:10

Nimli nɛ ɔmɛ haa nɛ ohiatsɛmɛ ɔmɛ hɛɛɔ a he gu nɛ bo be a he; a haa nɛ a kɛ mi mi hwɔ tsuɔ ní ngɛ ngmɔ nɔ.

Hiob 29:12

Ejakaa ke ohiatsɛmɛ kpa ngmlaa kɛ tsɛ balɔ ɔ, i jeɔ mɛ; awusahi hu i piɛɔ a he ja nɔuu.

Yesaya 3:14

Yawɛ kɛ ma nimeli, kɛ ganɔ ɔmɛ lɛ na sane ɔ nɛ. Munyu nɛ e kɛ ba po a nya ji nɛ ɔ nɛ: “Nyɛ kpata wai ngmɔ ɔmɛ a hɛ mi, nɛ níhi nɛ nyɛ kpɔ ngɛ ohiatsɛmɛ a dɛ ɔ, nyɛ ngɔ kɛ to nyɛ wehi a mi.

Mose V, 24:7

“Nɔ tsuaa nɔ nɛ maa ju e nyɛmi Israel no, nɛ e maa pee lɛ nyɔguɛ, aloo e maa jua lɛ ɔ, á gbe lɛ. Bɔ nɛ o maa pee kɛ je yayami nɛ ɔ kɛ je nyɛ kpɛti ji nɛ ɔ nɛ.