Hiob 24:5 - BAIBLO ALOO NGMAMI KLƆUKLƆU Ɔ

⁵ Enɛ ɔ he je ɔ, ohiatsɛmɛ ɔmɛ ya hlaa niye ní ngɛ nga kplanaa a nɔ kɛ haa a bimɛ, kaa bɔ nɛ nga mi tejihi ya nuɔ lohwe ngɛ pu mi ba haa a bimɛ ɔ.

Hiob 24:5 ပူးပေါင်းရင်းမြစ်များ

Mose I, 16:12

Se o binyumu ɔ lɛɛ e hɛ mi maa hi klamaklama kaa nga mi teji; e kɛ nɔ ko nɔ ko be yee; nɔ tsuaa nɔ kɛ lɛ maa pɛ. Lɛ nɔ kake too e maa hɛɛ e blɔ ngɛ e nyɛmimɛ ɔmɛ tsuo a kpɛti.”

Mose I, 27:40

O klaate nɛ o kɛ ma he o yi wami. O ma sɔmɔ o nyɛminyumu ɔ. Se ke o na blɔ ɔ, O ma tsɔ e hɛ mi atuã, Nɛ o maa ye o he.”

Hiob 12:6

Ojo fiali, kɛ nihi nɛ woɔ Mawu mi mi la a, a ngɛ tue mi jɔmi si himi mi; mɛ po nɛ a he wami ji a mawu ɔ.

Hiob 24:14

Awi yelɔ teɔ si mɔtu kpla konɛ e gbe ohiatsɛ, aloo nɔ nɛ be nɔ́ ko. Nyɔ mi kɛkɛ e pee e he julɔ.

Hiob 24:6

Ke nihi kpa ní ta a, ohiatsɛmɛ ya kukuɔɔ bibliwi ngɛ wai ngmɔ ɔmɛ a nɔ. A ya kukuɔɔ wai yiblii ngɛ yiwutsotsɛmɛ po a wai ngmɔhi a nɔ.

Hiob 5:5

Kuasiahi a ngmɔ ní ɔ, ke mio mi e ngɛ po, nihi nɛ hwɔ ngɛ mɛ yee ma ya ye. A juetli he kuma maa ye nihi.

La 104:23

Kɛkɛ ɔ, nimlihi jeɔ kpo kɛ yaa a ní tsumi hehi ya tsuɔ ní kɛ ya siɔ gbɔkuɛ.

Abɛ Womi 4:16

Ke yiwutsotsɛmɛ pee we nɔ́ yayami ko ɔ, a nyɛ we nɛ a hwɔɔ mahe. Mahe jeɔ a hɛ mi kɛ ya siɔ be nɛ a yeɔ nɔ ko awi loko a hwɔɔ mahe.

Yeremia 2:24

O ngɛ kaa nga mi teji yo nɛ nu nyumu he fu; mɛnɔ ma nyɛ maa tsi e nya? E hia we kaa nyumu nɛ hao e he kɛ ya hla lɛ; ke fiɛmi be ɔ su kɛkɛ o maa na lɛ.

Hosea 7:6

Niinɛ, ke a ngɛ ga yaya amɛ toe ɔ, a mi mi fuɔ kaa flɔɔnɔɔ kɛ e mi la gegeege. Nyɔ mi tsuo ɔ, la a tsoɔ tikɔɔ, se ke je na a, e tsoɔ gegeege.

Hosea 8:9

Israel ma a tue wa kaa nga mi teji nɛ ngɛ si kpae. A ho ya bi Asiria bi yemi kɛ buami, nɛ a ya bɔ ma kpahi hu apaa ke a ba piɛ a he.

Mika 2:1

Musu tloo nihi nɛ soɔ yi wu tso níhi, nɛ a toɔ yayami peemi he ga nyɔ mi ngɛ sa mi. Ke je na nɛ a na he blɔ pɛ, a peeɔ yayami nɛ a to he ga a.

Zefania 3:3

Tsɔli ɔmɛ ngɛ kaa jatahi nɛ ngɛ huãe. Kojoli ɔmɛ hu ngɛ kaa ogbeteehi nɛ hwɔ gbe mɛ; gbɔkuɛ ɔ, a yeɔ ní tsuatsuaatsua, nɛ ke je na a, a si we nɔ́ ko nɔ́ ko.

Yohane 18:28

Jena mɔtu mla a, a ngɔ Yesu kɛ je Kayafa ngɔ, nɛ a kɛ lɛ ya amlaalo ɔ mɔ ɔ mi. Yuda ma nimeli ɔmɛ nitsɛmɛ lɛɛ a sɛ we mi, ejakaa a sume nɛ a ble a he, bɔ nɛ pee nɛ a nyɛ nɛ a ye Hetsɔmi ɔ.

Ni Tsumi 23:12

Benɛ je na a, Yuda bi ɔmɛ a ti ni komɛ ya so. A ka a he kita kaa a be ní yee, nɛ a be nɔ́ ko nue kɛ yaa si a maa gbe Paulo.