Hiob 24:20 - BAIBLO ALOO NGMAMI KLƆUKLƆU Ɔ

²⁰ E nyɛ po hɛ maa je e nɔ. Gɔgɔ maa ye lɛ, nɛ e hɛ mi ma kpata kaa tso nɛ ku pue si. Nɛ nɔ ko nɔ ko be lɛ kaie hu.

Hiob 24:20 ပူးပေါင်းရင်းမြစ်များ

Abɛ Womi 10:7

E ji gbaami kaa a ma kai nimli kpakpahi daa; yayami peeli lɛɛ e kɛ we nɛ hɛ jeɔ a nɔ.

Daniel 4:14

Kɛkɛ nɛ bɔfo ɔ kpa ngmlaa nɛ e de ke, ‘Nyɛɛ hɛ tso ɔ kɛ fɔ si, nɛ́ nyɛ poo tso kɔni ɔmɛ; nyɛ kplɔ ba amɛ, nɛ nyɛ sake tso yiblii ɔmɛ ngɔ pue he. Nyɛɛ fie pu mi lohwe ɔmɛ kɛ je tso ɔ sisi, kɛ lohwe pɛlitsɛmɛ ɔmɛ kɛ je tso kɔni ɔmɛ a nɔ.

Mateo 3:10

Amlɔ nɛ ɔ, gbiɛ ɔ fɔɔ si ngɛ tso sipoku ɔmɛ a nɔ momo; tso tsuaa tso nɛ wui yiblii kpakpa a, a maa po, nɛ a ma sake ngɔ fɔ la mi.

Yesaya 26:14

O ha a gbo pɛsɛɛ, a be je mi hu; a kpadehi tete be si tee, ejakaa o gbla a tue; o kpata a hɛ mi pɛsɛɛ, nɔ ko nɔ ko kaii we mɛ hu.

Fiɛlɔ 8:10

Jehanɛ, i na yayami peeli komɛ nɛ ke pee ɔ, a baa he klɔuklɔu ɔ. Benɛ a gbo nɛ a ya pu mɛ ɔ, a huɛmɛ ɔmɛ a hɛ je a yayami ɔmɛ a nɔ, nɛ a bɔni a yi jemi mohu ngɛ ma mi he nɛ a pee yayami ɔmɛ ngɛ ɔ. Nɔ́ nɛ ɔ hu dɛ.

Hiob 19:26

Ke ye he womi hɛ mi kpata kikɛ nɛ ɔ, nɛ he lo ko be ye he po, ma na Mawu.

Hiob 17:14

Ma tsɛ yɔkɔ ɔ ke tsaatsɛ; gɔgɔhi nɛ maa ye mi ɔ, ma tsɛ mɛ maa, kɛ ye nyɛmiyihi.

Hiob 3:13

I gbo kpoo jamɛ a be ɔ mi, jinɛ amlɔ nɛ ɔ, ye he mi jɔ mi.

Hiob 19:10

E kpata ye hɛ mi, nɛ e kɛ mi gbe nya pɛsɛpɛsɛ. I pee kaa tso nɛ a hia lɛ kɛ e sipoku tsuo; ye hɛ kɛ nɔ fɔmi ta.

Hiob 21:26

Nimli nɛ ɔmɛ tsuo gboɔ, nɛ a puɔ mɛ ngɛ zu mi, nɛ gɔgɔ ba haa mɛ tsuo a nɔ.

La 34:16

Yayami peeli lɛɛ Yawɛ jeɔ e hɛ kɛ piɔ mɛ, nɛ ke a gbo ɔ, e kɛ we kɛkɛ hɛ je a nɔ.

Yesaya 49:15

Lɔ ɔ he ɔ, Yawɛ he nɔ ke, “Anɛ binyɛ hɛ maa je lɛ nitsɛ e bi nɛ ngɛ nyɔ nya nɔ lo? Anɛ e be suɔmi kpo jee kɛ tsɔɔ e bi ɔ lo? Ke binyɛ hɛ maa je e bi nɔ po, imi lɛɛ ye hɛ be o nɔ jee kɔkɔɔkɔ.