Hiob 24:12 - BAIBLO ALOO NGMAMI KLƆUKLƆU Ɔ

¹² O maa nu nɛ nihi ngɛ kɛmɛe ngɛ ma a mi; o maa nu nɛ nihi nɛ plaa a ngɛ ngmlaa kpae, nɛ a ngɛ yemi kɛ buami hlae. Se Mawu bui mɛ tue fɛɛ.

Hiob 24:12 ပူးပေါင်းရင်းမြစ်များ

Fiɛlɔ 4:1

Jehanɛ se hu, i na kaa yi mi sɔuu lɛ a ngɛ wae ngɛ je ɔ mi. Nɔ́ nali ngɛ ya foe, nɛ nɔ ko be nɛ maa jɔɔ a bua. Bua wolɔ ko be mɛ, ejakaa nihi nɛ ngɛ mɛ yi mi wae ɔ, he wami ngɛ a dɛ.

2 Petro 3:15

Nyɛɛ ngɔ Nyɔmtsɛ ɔ tsui si tomi ɔ kaa he blɔ nɛ Mawu ha nyɛ nɛ a kɛ he nyɛ yi wami. Enɛ ɔ nɔuu wa suɔlɔ, kɛ wa nyɛmi Paulo hu ngma nyɛ kɛ nile nɛ Mawu ha lɛ ɔ nɛ.

Malaki 3:15

Amlɔ nɛ ɔ, wa naa paa kaa he woli ji nihi nɛ a gbaa mɛ saminya; yayami peeli ji ni nɛmɛ nɛ ngɛ plɔkee ngɛ je mi; a kaa Mawu, se nɔ́ ko pee we mɛ.’ ”

Malaki 2:17

Nyɛɛ kɛ nyɛ munyu babauu ɔ woɔ Yawɛ pɔtɔ. Se nyɛ biɔ ke, “Kɛ wa peeɔ kɛ woɔ lɛ pɔtɔ kɛɛ?” Ɛ̃ɛ̃, bɔ nɛ nyɛ peeɔ ji kaa nyɛ deɔ ke, “Nɔ tsuaa nɔ nɛ peeɔ yayami ɔ, e hi, nɛ Yawɛ suɔ lɛ.” Jehanɛ hu, nyɛ biɔ ke, “Jije Mawu nɛ yeɔ dami sane ɔ ngɛ?”

Yesaya 52:5

Jehanɛ, ngɛ Babilonia hu, jamɛ a amimi ɔ nɔuu a ye nyɛ; a pee nyɛ nyɔguɛhi nɛ a wui hiɔ ko ngɛ nyɛ he. Nihi nɛ ye nyɛ nɔ ɔ fĩa, nɛ a jɛ nyɛ saminya kɛ gbe ye he guɛ.

La 109:22

Ohiatsɛ ji mi; ye ní ngɛ mɔbɔ, nɛ ye tsui ngɛ mi yee ngɛ ye mi mi tɔɔ.

La 69:26

Ejakaa nihi nɛ o gbla a tue ɔ, a waa mɛ yi mi; nihi nɛ o plaa mɛ ɔ, a pa amɛ a he ní a sɛɛɔ.

La 50:21

O pee ní nɛ ɔmɛ tsuo; se akɛnɛ i de we nɔ́ ko he je ɔ, o susu kaa i ngɛ kaa mo. Jehanɛ lɛɛ i ngɛ o hɛ mi kae; i ngɔ nɔ́ tsuaa nɔ́ kɛ ngɛ o hɛ mi mae paa.

La 12:5

Se Yawɛ ke, “Akɛnɛ a ngɛ ohiatsɛmɛ yi mi wae, nɛ dɛgutsɛmɛ ngɛ kɛmɛe he je ɔ, jehanɛ lɛɛ ma te si, nɛ ma ha mɛ he jɔmi nɛ a ngɛ hlae ɔ.”

Hiob 9:23

Ke nɔ nɛ pee we yayami gbo tlukaa a, Mawu muɔɔ.

Manyadali 10:16

Lɔ ɔ he ɔ, a je mawu kpa amɛ kɛ je a kpɛti, nɛ a sɔmɔ Yawɛ. Amanehlu nɛ Israel bi ɔmɛ ngɛ nae ɔ hao Yawɛ.

Mose II, 22:27

ejakaa lɔ ɔ pɛ ji e heha nɔ́ nɛ e kɛ maa tsi fĩɛ; mɛni hu ngɛ e dɛ nɛ e maa ha kɛ hwɔ si? Ke nyɛ pee we ja, nɛ e fo ya kɛ tsɛ mi ɔ, ma bu lɛ tue; ejakaa mɔbɔ nalɔ ji mi.

Hiob 9:24

Mawu ngɔ je ɔ kɛ wo nimli yayamihi a dɛ mi. E ngɔ nɔ́ ngɔ ha kojoli ɔmɛ a hɛ mi. Ke pi Mawu nɛ pee ɔ, lɛɛ mɛnɔ lɛ pee?

Hiob 24:11

A naa nu kɛ jeɔ oliv tso mi, nɛ a ngaa wai kɛ jeɔ wai yiblii mi. Se mɛ nitsɛmɛ lɛɛ kuma yeɔ mɛ.

Hiob 24:13

Nimli yayamihi ji ni nɛmɛ nɛ kua la a nɛ; a nui la a sisi, nɛ he nɛ la a ngɛ kpɛe ngɛ hu, a be lejɛ ɔ.

Mose I, 4:10

Jehanɛ, Yawɛ bi lɛ ke, “Mɛni ji nɔ́ nɛ o pee nɛ ɔ?” E ya nɔ nɛ e de Kain ke, “O senɔ ɔ muɔ ɔ nɛ ngɛ zugba a mi ɔ, e hia kaa ma ye e he lue.

La 10:13

Mɛni he je yayami peelɔ ma kua Mawu? Mɛni he je lɛ e ma de ngɛ e yi mi ke, “Oo, e tsa be mi nɔ́ ko pee” ɔ?

Yeremia 12:1

Yawɛ, ke i ke i kɛ mo ma hla níhi a nya a, mo lɛ o nɔ́ da. Se kɛ̃ ɔ, i kɛ sane nɛ ɔ maa fɔ o hɛ mi. Mɛni he je lɛ nimli yayamihi yaa nɔ ɔ? Mɛni he je lɛ yiwutsotsɛmɛ a he mi jɔɔ mɛ ɔ?

Yeremia 12:2

O toɔ mɛ si kaa bɔ nɛ a duɔ ní; a tsɛ̃ɛ̃ sipoku, a waa, nɛ a woɔ yiblii. A woɔ o biɛ ta ji nɛ, se a tsui be o he.