Hiob 24:11 - BAIBLO ALOO NGMAMI KLƆUKLƆU Ɔ

¹¹ A naa nu kɛ jeɔ oliv tso mi, nɛ a ngaa wai kɛ jeɔ wai yiblii mi. Se mɛ nitsɛmɛ lɛɛ kuma yeɔ mɛ.

Hiob 24:11 ပူးပေါင်းရင်းမြစ်များ

Yakobo 5:4

Apaa yeli nɛ hu nyɛ ngmɔ ɔmɛ ha nyɛ ɔ, nyɛ wui mɛ hiɔ. Nyɛɛ hyɛ bɔ nɛ a ngɛ ngmlaa kpae boboobo ha! Ní kpali nɛ bua nyɛ ngmɔ ní nya a a ngmlaa a ya su Nyɔmtsɛ Tabohiatsɛ ɔ tue mi tɔɔ.

Yeremia 22:13

Nɔmlɔ nɛ guu blɔ nɛ dɛ nɔ nɛ e kɛ poo we, nɔ nɛ kɛ nɔ sisimi maa mɔ, nɔ nɛ haa nɛ e nyɛmi sɔmɔɔ lɛ yaka nɛ e wui lɛ hiɔ ɔ, musu tloo lɛ!

Mose V, 25:4

“Na nɛ ngɛ ngma gblɛe ha mo ɔ, koo fi e nya.

Hiob 24:10

Nimli nɛ ɔmɛ haa nɛ ohiatsɛmɛ ɔmɛ hɛɛɔ a he gu nɛ bo be a he; a haa nɛ a kɛ mi mi hwɔ tsuɔ ní ngɛ ngmɔ nɔ.

Hiob 24:12

O maa nu nɛ nihi ngɛ kɛmɛe ngɛ ma a mi; o maa nu nɛ nihi nɛ plaa a ngɛ ngmlaa kpae, nɛ a ngɛ yemi kɛ buami hlae. Se Mawu bui mɛ tue fɛɛ.

Hiob 24:18

Yiwutsotsɛ ɔ, pa nɛ hia ba ngɔɔ lɛ kɛ yaa. A gbiɛ e weto ní nɛ ji e zugba a, nɛ e be ní tsue ngɛ e wai ngmɔ ɔ mi hu.

Yesaya 16:10

Jehanɛ lɛɛ nɔ ko nɔ ko bua jɔɛ e he ngɛ ngmɔhi nɛ baa ní saminya a a nɔ hu. Nɔ ko nɔ ko kpa we ngmlaa; nɔ ko nɔ ko la we ngɛ wai ngmɔ ɔmɛ a nɔ, nɛ nɔ ko nɔ ko ngɛ̃ wai kɛ ji wai yiblii mi hu. Lele hwɔmi ngɛ ngmɔ ɔmɛ a nɔ ɔ tsuo se po.