Hiob 24:1 - BAIBLO ALOO NGMAMI KLƆUKLƆU Ɔ

¹ Mɛni he je lɛ Ope ɔ to we be nɛ a kɛ maa kojo nihi? Mɛni he je lɛ e ngɔ be ɔ kɛ laa nihi nɛ sɔmɔɔ lɛ po?

Hiob 24:1 ပူးပေါင်းရင်းမြစ်များ

Mose I, 18:17

Kɛkɛ nɛ Yawɛ de e he ke, “Nɔ́ nɛ i yaa pee nɛ ɔ, i kɛ be Abraham laae.

Mose I, 7:4

Hiɛmɛ nɛ ɔ otsi ɔ, ma ha nɛ hiɔmi maa nɛ ngɛ je ɔ mi nyɔ kɛ pia ligbi nyingmi eywiɛ, nɛ ma kpata níhi tsuo nɛ i bɔ nɛ wami ngɛ a mi ɔ a hɛ mi.”

Hiob 15:20

Yiwutsotsɛ, nɔ nɛ waa nihi yi mi ɔ, e maa na nɔ́ e wami be ɔ tsuo.

La 31:15

I ngɛ o dɛ mi be tsuaa be. Mo je mi kɛ je ye he nyɛli a dɛ mi; mo je mi kɛ je nihi nɛ waa mi yi mi ɔ a dɛ mi.

La 36:10

Nihi nɛ le mo ɔ, naa mɛ mɔbɔ daa. Nihi nɛ peeɔ nɔ́ nɛ da a, mo hu moo pee mɛ kpakpa daa.

La 9:10

Yawɛ, nihi nɛ le mo ɔ, a ngɔɔ a hɛ kɛ fɔɔ o nɔ. Ejakaa ni nɛmɛ nɛ hla o se blɔ ɔ, mo Yawɛ, o kua we mɛ.

Fiɛlɔ 3:17

I de ngɛ ye yi mi ke, “Mawu maa kojo dalɔ kɛ yayami peelɔ tsuo, ejakaa a to be kɛ ha nɔ́ tsuaa nɔ́ peemi.”

Yesaya 2:12

Jamɛ a be ɔ, Yawɛ Tabohiatsɛ ɔ maa ba he walɔ tsuaa he walɔ si; e maa ba he wolɔ kɛ he nɔ wolɔ, tsuo si.

Yesaya 60:22

Wɛtso nyafii pe kulaa ma ba pee ma kpetekpleenyɛ. Ke be ɔ su ɔ, imi nitsɛ ma ha nɔ́ nɛ ɔ maa ba mi oya. Imi ji Yawɛ!”

Yeremia 46:10

Nyɔmtsɛ Yawɛ Tabohiatsɛ ɔ ligbi ɔ ji nɛ ɔ nɛ; mwɔnɛ ligbi nɛ ɔ, Yawɛ maa ye e he lue; mwɔnɛ ligbi nɛ ɔ, e maa gbla e he nyɛli ɔmɛ a tue. Yawɛ klaate ɔ maa pee kaa nɔ ko nɛ ye ní nɛ e tɔ, aloo nɔ ko nɛ nu muɔ nɛ e de kaa dã. Nyɔmtsɛ Yawɛ Tabohiatsɛ ɔ ngɔ e he nyɛli ɔmɛ kɛ ngɛ bɔ sãe ngɛ omleyi je, ngɛ Yufrate pa a tue.

Daniel 2:21

Lɛ nɛ e haa be, kɛ yi nɔhi baa; e woɔ matsɛ, nɛ e kpaa matsɛ; lɛ nɛ e haa nɔ nile kɛ nɔ́ sisi numi.

Obadia 1:15

“Be ɔ su ta nɛ imi Yawɛ, ma kojo je ma amɛ tsuo. Edom, nɔ́ nɛ o pee ɔ, a kɛ maa pee mo. O ní peemi ní ɔmɛ maa kpale ba bu o yi mi.” Mawu lɛ de.

Zefania 1:7

Ligbi ɔ nɛ Yawɛ maa gbla ma a tue ɔ su ta. Lɔ ɔ he ɔ, nyɛɛ pee dii ngɛ e hɛ mi. Yawɛ miɔ nɛ e maa gu Yuda he nyɛli ɔmɛ a nɔ nɛ e kɛ kpata Yuda ma a hɛ mi, kaa bɔ nɛ a gbeɔ lohwehi kɛ sãã bɔ ɔ.

Mateo 24:38

Be mi nɛ nyu kpekpemi ɔ ma ba ha zugba a hɛ mi ɔ, nihi ngɛ ngma yee, nɛ a ngɛ ní nue; nyumuhi ngɛ yihi ngɔe, nɛ yihi hu ngɛ gbae hluu kɛ ya su ligbi ɔ nɛ Noa ya sɛ lɛ ɔ mi.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Ni Tsumi 1:7

Yesu de mɛ ke, “Be nɛ ní nɛ ɔmɛ maa ba mi ɔ, Tsaatsɛ pɛ lɛ to, nɛ e pi nyɛ blɔ nya kaa nyɛ maa le;

Ni Tsumi 17:26

Sisije ɔ, nɔmlɔ kake Mawu bɔ, nɛ kikɛmɛ a nɔ kake nɛ ɔ mi je ɔ mi nimli adesahi tsuo je. Lɛ nitsɛ lɛ e ha nɛ a gbɛ fĩa je ɔ mi he tsuaa he. Be, kɛ he nɛ ní ɔmɛ maa hi, kɛ a huzu nya a, lɛ nitsɛ lɛ e to pɛpɛɛpɛ loko e bɔ je ɔ.

Romabi 2:5

Se akɛnɛ o kplii o tsui, nɛ o pia we o he ɔ, kojomi ligbi ɔ nɛ Mawu mi mi ma fu, nɛ e maa kojo kɛ dami sane yemi ɔ, o tue gblami ɔ maa pe nine.

1 Tesalonikabi 5:1

Nyɛmimɛ, be tutuutu nɛ ní nɛ ɔmɛ maa ba mi ɔ, e hia we kaa waa ngma nyɛ.

1 Timoteo 4:1

Mawu mumi ɔ deɔ paa ke, nyagbe ligbi ɔmɛ a mi ɔ, ni komɛ ma kua Kristo, nɔ nɛ a he ye ɔ, nɛ a ma ya nyɛɛ mumi yayamihi mohu a se; a maa bu lakpa munyuhi, kɛ tsɔɔmi yayamihi tue.

1 Timoteo 6:15

Mawu pɛ ji je ɔ tsuo nɔ yelɔ nɛ pe kulaa. Lɛ ji matsɛmɛ a matsɛ, kɛ nyɔmtsɛmɛ tsuo a nyɔmtsɛ. E ma je Kristo kpo kɛ tsɔɔ ngɛ lɛ nitsɛ e be nɛ e to nɛ sa a mi.

2 Petro 2:3

Kikɛmɛ a lakpa tsɔɔli nɛ ɔmɛ maa tu nyɛ munyuhi nɛ a po de, konɛ a kɛ sisi nyɛ nɛ a ná nyɛ he se. Se Mawu bu mɛ fɔ momo be saii ji nɛ, nɛ a hɛ mi kpatami be ɔ hu su ta.