Hiob 22:7 - BAIBLO ALOO NGMAMI KLƆUKLƆU Ɔ

⁷ Nihi nɛ pɔ tɔ mɛ ɔ, o ha we mɛ nyu nɛ a nu; ni nɛmɛ nɛ hwɔ ngɛ mɛ yee ɔ, o ha we mɛ ní nɛ a ye.

Hiob 22:7 ပူးပေါင်းရင်းမြစ်များ

Hiob 31:17

Ke i ngɛ ní yee ɔ, i ha we nɛ hwɔ yeɔ awusahi.

Mateo 25:42

Hwɔ ye mi, se nyɛ ha we mi ní ma ye; kuma ye mi, se nyɛ ha we mi nyu ma nu;

Yesaya 58:7

Nɔ nɛ hwɔ ngɛ lɛ yee ɔ, nyɛ ha lɛ ní nɛ e ye, nɛ nihi nɛ be he ko nɛ a maa hi ɔ, nyɛɛ ngɔ mɛ kɛ ba nyɛ we mi. Ke nyɛ na nɔ ko nɛ hɛɛ e he gu ɔ, nyɛ ha lɛ bo; nyɛ ko pee kpɛle ngɛ nyɛ nitsɛmɛ nyɛ weku li a he.

Ezekiel 18:16

E wɛ nɔ ko yi mi, e fiɛ ojo. Ke nɔ ko kɛ nɔ́ ko ba to lɛ awaba a, e kpaleɔ nɔ́ nɛ a kɛ ba to awaba a kɛ haa nɔtsɛ. Jehanɛ hu, ke hwɔ ngɛ nɔ ko yee ɔ, e haa lɛ niye ní, nɛ ke nɔ ko hɛɛ e he gu ɔ, e haa lɛ heha nɔ́.

Ezekiel 18:7

E wɛ nɔ ko yi mi. Ke nɔ ko kɛ nɔ́ ko ba to lɛ awaba a, e kpaleɔ kɛ haa lɛ. Ke hwɔ ngɛ nɔ ko yee ɔ, e haa lɛ niye ní; nɛ ke nɔ ko hɛɛ e he gu ɔ, e haa lɛ he ha nɔ́.

Romabi 12:20

Kaa bɔ nɛ ngmami ɔ ya nɔ de ɔ, “Ke hwɔ ngɛ o he nyɛlɔ yee ɔ, ha lɛ ní nɛ e ye; nɛ ke kuma ngɛ lɛ yee ɔ, ha lɛ nyu nɛ e nu. Ke o pee jã a, o ma ha zo kpɔtɔɔ maa gbe lɛ.”

Yesaya 58:10

jehanɛ, ke hwɔ ngɛ nɔ ko yee, nɛ nyɛ ha lɛ ní, loo nɔ́ ko hia nɔ ko, nɛ nyɛ ha lɛ ɔ, lɛɛ diblii kpii nɛ bɔle nyɛ ɔ ma plɛ pee la nɛ ngɛ kpɛe hleii kaa piani.

Abɛ Womi 19:17

Ke o na ohiatsɛ mɔbɔ ɔ, e ngɛ kaa o pa nɔ́ ko ha Yawɛ; nɛ nɔ́ nɛ o pee ɔ, e maa to nane mi ha mo.

La 112:9

E keɔ ohiatsɛmɛ ní kɛ jeɔ e tsui mi faa. E naa mɔbɔ daa. E hɛ mi maa ba nyami, nɛ a maa bu lɛ.

Hiob 31:31

Nihi tsuo nɛ tsuɔ ní ha mi ɔ le kaa hwɔ yi a ti nɔ ko hyɛ.

Hiob 31:16

Ke nɔ́ ko hia ohiatsɛ ɔ, i haa lɛ; yalɔyihi hu, i ha we nɛ a hɛngmɛ nɔ daa nyu.