Hiob 22:6 - BAIBLO ALOO NGMAMI KLƆUKLƆU Ɔ

⁶ Ke o nyɛmi hɛɛ mo hiɔ nɛ e nyɛ we nɛ e wo mo ɔ, o kpaa bo ngɛ e he, nɛ o haa nɛ e hɛɛɔ e he gu.

Hiob 22:6 ပူးပေါင်းရင်းမြစ်များ

Mose II, 22:26

Ke nɔ ko ngɔ e bo kɛ ba to mo awaba a, kpale ya ha lɛ loko pu nɛ nɔ si,

Ezekiel 18:16

E wɛ nɔ ko yi mi, e fiɛ ojo. Ke nɔ ko kɛ nɔ́ ko ba to lɛ awaba a, e kpaleɔ nɔ́ nɛ a kɛ ba to awaba a kɛ haa nɔtsɛ. Jehanɛ hu, ke hwɔ ngɛ nɔ ko yee ɔ, e haa lɛ niye ní, nɛ ke nɔ ko hɛɛ e he gu ɔ, e haa lɛ heha nɔ́.

Ezekiel 18:12

e waa ohiatsɛmɛ kɛ dɛgutsɛmɛ yi mi, e fiaa nihi ojo, e kpale we nɔ́ nɛ a kɛ ba to awaba kɛ ha we nɔtsɛ, e jaa amagahi, e peeɔ ní hiemi níhi,

Hiob 24:3

A kpɔɔ awusahi a tejihi ngɛ a dɛ, nɛ yalɔyihi lɛɛ a ngɔɔ a na amɛ kɛ toɔ awaba.

Mose V, 24:6

“Ke o pa nɔ́ ko ha nɔ ko ɔ, koo ngɔ e wɛ, kɛ e wɛ mi bi nɛ e kɛ gblɛɔ blɛfo ɔ kɛ to awaba. Ke o pee ja a, níhi nɛ e kɛ ma na e nya mi ngma nɛ o kpɔ ngɛ e dɛ ɔ nɛ.

Amos 2:8

Ngɛ nyɛ jami he ɔmɛ tsuo ɔ, bohi nɛ ohiatsɛmɛ kɛ ba toɔ nyɛ awaba a, jamɛ a bo ɔmɛ a nɔ nyɛ hwɔɔ. Dã nɛ nyɛ nuɔ ngɛ imi Mawu, ye we ɔ ji dã nɛ nyɛ heɔ ngɛ nihi nɛ nyɛ bu mɛ fɔ ɔ a dɛ.”

Ezekiel 18:7

E wɛ nɔ ko yi mi. Ke nɔ ko kɛ nɔ́ ko ba to lɛ awaba a, e kpaleɔ kɛ haa lɛ. Ke hwɔ ngɛ nɔ ko yee ɔ, e haa lɛ niye ní; nɛ ke nɔ ko hɛɛ e he gu ɔ, e haa lɛ he ha nɔ́.

Hiob 24:7

Nyɔ ɔ mi tsuo a hwɔɔ si kɛ a he gu nɛ bo be a he; fĩɛ be hu nɔ́ ko be nɛ a kɛ maa ha a he.

Hiob 29:12

Ejakaa ke ohiatsɛmɛ kpa ngmlaa kɛ tsɛ balɔ ɔ, i jeɔ mɛ; awusahi hu i piɛɔ a he ja nɔuu.