Hiob 22:5 - BAIBLO ALOO NGMAMI KLƆUKLƆU Ɔ

⁵ Dɛbi, a ngɛ o tue gblae, ejakaa o he yayami ɔmɛ hiɛ tsɔ; o he yayami ɔ, a li nya.

Hiob 22:5 ပူးပေါင်းရင်းမြစ်များ

La 40:12

Haomi babauu nɛ hí kaiemi bɔle mi kɛ kpe. Ye yayami ɔmɛ ba pe mi, nɛ i pa hyɛ we nɔ́ hu. Ye yayami ɔmɛ hiɛ kulaa pe ye yi bwɔmi; ye mumi nya ta!

La 19:12

Mɛnɔ ma nyɛ maa na lɛ nitsɛ e tɔmihi? Yawɛ, tɔmihi nɛ i pee ngɛ laami mi ɔ, ngɔɔ kɛ pa mi!

Hiob 32:3

Elihu mi mi fu Hiob huɛmɛ etɛ ɔmɛ hulɔ, ejakaa a bu Hiob fɔ, be mi nɛ mɛ nitsɛmɛ a nɛ heto kpakpa ko nɛ a ha lɛ.

Hiob 21:27

Hyɛ, i le nyɛ juɛmi ɔmɛ! Ga nɛ nyɛ to nɛ nyɛɛ kɛ maa wa mi yi mi ɔ, i le.

Hiob 11:14

Mo nitsɛ mo kpa yayami peemi, nɛ o hyɛ nɛ a ko pee yi wu tso ní ngɛ o we ɔ mi.

Hiob 11:6

Jinɛ Mawu maa tu mo nile mi laami munyuhi; e ma de mo ke níhi babauu ngɛ je mi nɛ nɔmlɔ adesa juɛmi sui he. Na nɛ o le kaa Mawu gbla we o tue bɔ nɛ sa mo; o yayami ɔmɛ hiɛ kulaa pe tue gblami ɔ.

Hiob 36:17

Se, jehanɛ lɛɛ a ngɛ o tue gblae bɔ nɛ sa mo.

Hiob 32:1

Jehanɛ lɛɛ nyumuhi etɛ nɛ ɔmɛ ha we Hiob e munyu ɔmɛ a heto hu, ejakaa a na kaa e buu e he kaa nɔmlɔ nɛ da.

Hiob 32:2

Kɛkɛ nɛ Elihu mi mi fu Hiob wawɛɛ nitsɛ kaa e pia Mawu, nɛ e wo lɛ nitsɛ e he nguɔ. (Elihu nɛ ɔ, Buz no ɔ nɛ a tsɛɛ lɛ Barakel ɔ binyumu ji lɛ. E je Ram weku ɔ mi, nɛ lɛɛ e bee ngɛ lejɛ ɔ kɛkɛ.)