Hiob 22:3 - BAIBLO ALOO NGMAMI KLƆUKLƆU Ɔ

³ Ke o peeɔ nɔ́ nɛ da a, anɛ Ope ɔ naa bua jɔmi ko ngɛ lɔ ɔ he lo? Ke sé ko be o he ɔ, anɛ Mawu naa nɔ́ ko ngɛ mi lo?

Hiob 22:3 ပူးပေါင်းရင်းမြစ်များ

2 Korintobi 7:1

Siwohi nɛ wa na kɛ je Mawu dɛ mi ji nɛ ɔmɛ nɛ. Lɔ ɔ he ɔ, ye nyɛmimɛ nyɛ ha wa je níhi tsuo nɛ woɔ wa nɔmlɔ tso, kɛ mumi he mu kɛ ya se, konɛ wa he nɛ tsɔ kulaa kɛ hi si ngɛ Mawu gbeye yemi nya.

Ni Tsumi 24:16

Lɔ ɔ he ɔ, i bɔɔ mɔde kaa daa nɛ ɔ ma pee nɔ́ nɛ maa sa Mawu, kɛ adesahi tsuo a hɛ mi, nɛ ye he nile be mi fɔ bue.

Malaki 2:17

Nyɛɛ kɛ nyɛ munyu babauu ɔ woɔ Yawɛ pɔtɔ. Se nyɛ biɔ ke, “Kɛ wa peeɔ kɛ woɔ lɛ pɔtɔ kɛɛ?” Ɛ̃ɛ̃, bɔ nɛ nyɛ peeɔ ji kaa nyɛ deɔ ke, “Nɔ tsuaa nɔ nɛ peeɔ yayami ɔ, e hi, nɛ Yawɛ suɔ lɛ.” Jehanɛ hu, nyɛ biɔ ke, “Jije Mawu nɛ yeɔ dami sane ɔ ngɛ?”

Abɛ Womi 15:8

Yayami peelɔ bɔ sami ɔ, Yawɛ sume kulaa; se ke nɔmlɔ kpakpa fa kue ɔ, e naa he bua jɔmi.

Abɛ Womi 12:22

Yawɛ hiee lakpatsɛmɛ. Se nihi nɛ yeɔ anɔkuale ɔ, mɛɛ lɛɛ e naa a he bua jɔmi.

Abɛ Womi 11:20

Nihi nɛ a juɛmi mi hyi tɔ kɛ yayami ɔ, Yawɛ sume mɛ saasaa; nihi nɛ e suɔ ji ni nɛmɛ nɛ peeɔ nɔ́ nɛ da.

Abɛ Womi 11:1

Susumi ní yayahi nɛ a kɛ sisiɔ nɔ ɔ, Yawɛ sume. Nɔ́ nɛ e suɔ ji nɔ́ susumi ní kpakpahi.

La 119:59

I susu ye je mi bami he, nɛ i ngɛ si woe ke ma ye o mlaa amɛ a nɔ.

La 39:1

I de ke, “Ma hyɛ ye he nɔ saminya, konɛ i kɛ ye lilɛ ko pee yayami. Be abɔ nɛ i ngɛ yayami peeli a kpɛti ɔ, ma ma ye nya.”

Kronika I, 29:17

Ye Mawu, i le kaa moo lɛɛ o hyɛɛ nɔ tsui mi nɛ o kɛ leɔ ni nɛmɛ nɛ hi, ejakaa o naa ni kpakpahi a he bua jɔmi. I ngɔ ní nɛ ɔmɛ tsuo ngɔ ke mo kɛ je ye tsui mi faa, nɛ i na kaa o ma nɛ ba pue si ngɛ hiɛmɛ nɛ ɔ, mɛ hu a je a tsui mi faa ba ke mo ní.

Filipibi 4:18

Níhi tsuo nɛ nyɛ mane ɔ ba su mi; a hiɛ kulaa pe bɔ nɛ i susu! Epafrodito ngɔ nyɛ manemi ɔmɛ tsuo kɛ ba, nɛ nɔ́ ko nɔ́ ko hia we mi hu. Nike ní nɛ ɔmɛ ngɛ kaa bɔ ko nɛ a sã ha Mawu. Bɔ kaa kikɛ nɛ ɔ jeɔ via liliili; e saa Mawu hɛ mi, nɛ e naa he bua jɔmi.

Hiob 22:4

O susu kaa Mawu gbeye nɛ o yeɔ ɔ, lɔ ɔ he lɛ e ngɛ o hɛ mi kae, nɛ e ngɛ o tue gblae ɔ lo?

Hiob 35:7

Ke o pee nɔ́ nɛ da a, mɛni ji nɔ́ nɛ o pee kɛ ha Mawu? Mɛni ji nɔ́ nɛ Mawu ma na ngɛ o dɛ?

Hiob 21:15

A biɔ ke, “Mɛnɔ ji Ope ɔ nɛ saa kaa wa sɔmɔɔ lɛ ɔ? Ke wa fa kue ha lɛ ɔ, mɛni se wa ma na?”

Hiob 34:9

E deɔ ke e he be se nami kaa nɔ ko nɛ pee Mawu suɔmi nya ní.

Abɛ Womi 9:12

Ke o le ní ɔ, o le ha o he. Nɛ ke o sake nile ngɔ fɔ he ɔ, mo nitsɛ lɛ o maa na nɔ́.