Hiob 22:25 - BAIBLO ALOO NGMAMI KLƆUKLƆU Ɔ

²⁵ Ha nɛ Mawu Ope ɔ nɛ pee o sika tsu; ha nɛ e pee o sika hiɔ kpakpa.

Hiob 22:25 ပူးပေါင်းရင်းမြစ်များ

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Hiob 22:24

Mo sake o sika tsu ngɔ fɔ he; o sika tsu kpakpa a, hɛɛ ngɔ pue pa mi, ngɛ tɛhi a kpɛ.

Hiob 22:26

Ngɔɔ o hɛ kɛ fɔ Mawu Ope ɔ nɔ daa, nɛ o maa na kaa e ma ha mo bua jɔmi.

Hiob 3:15

Jinɛ i kɛ ganɔhi nɛ bua sika tsu kɛ sika hiɔ nya tɔtɔɔtɔ ngɛ a wehi a mi ɔ hwɔɔ si mwɔnɛ ɔ.

La 18:2

Yawɛ ji nɔ nɛ heɔ ye yi wami; ye tɛ sa, kɛ ye mɔ nguaa. Lɛ ji ye Mawu, kɛ ye wesa he. Yawɛ ngɛ kaa tsɛ̃i kɛ ha mi; e buɔ ye he, nɛ e haa nɛ i yeɔ ye he.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Yesaya 33:6

nɛ ma a maa ya nɔ saminya. E buu e ma a he be tsuaa be; nɛ e haa ma mi bi ɔmɛ juɛmi kɛ nile. Yawɛ gbeye yemi ji nɔ́ ko nɛ he jua wa saminya kaa juetli agbo ha mɛ.

Yesaya 41:10

Koo ye gbeye. I kɛ mo ngɛ! Ko ha nɛ nɔ́ ko nɛ wo o he gbeye. Imi ji o Mawu ɔ nɛ! Ma wo mo he wami; ma piɛ o he; Ma bu o he, nɛ ma baa o yi.

Kɔmɔ Yemi 3:24

Yawɛ ji ye nɔ́ tsuaa nɔ́; lɔ ɔ he ɔ, i ngɔ ye hɛ kɛ fɔ e nɔ.

Romabi 8:31

Lɛɛ kɛ wa ma de kɛɛ ngɛ ní nɛ ɔmɛ a he mɔ? Ke Mawu ngɛ wa se ɔ, mɛnɔ maa te si ngɔ wo wɔ?

2 Korintobi 6:10

A naa wɔ kaa kɔmɔ yeli, se daa nɛ ɔ, wa bua jɔ; wa ngɛ kaa ohiatsɛmɛ, se wa haa nɛ nihi babauu peeɔ niatsɛmɛ; wa ngɛ kaa dɛgutsɛmɛ, se wa ngɛ nɔ́ tsuaa nɔ́.

Yakobo 2:5

Ye nyɛmimɛ nɛ i suɔ, nyɛɛ bu tue. Tse nyɛ le kaa nihi nɛ je ɔ buu mɛ ohiatsɛmɛ ɔ, mɛ Mawu hla a. Akɛnɛ a heɔ Yesu yeɔ ɔ, nimli nɛ ɔmɛ ba pee mumi mi niatsɛmɛ, nɛ matsɛ yemi ɔ nɛ Mawu wo si ha nihi nɛ suɔ lɛ ɔ ba pee a nɔ.