Hiob 22:21 - BAIBLO ALOO NGMAMI KLƆUKLƆU Ɔ

²¹ Lɔ ɔ he ɔ, Hiob, yaa nɛ o kɛ Mawu ya pee kake nɛ o na tue mi jɔmi. Blɔ nɔ nɛ o maa gu nɛ e maa hi ha mo ji nɛ ɔ nɛ.

Hiob 22:21 ပူးပေါင်းရင်းမြစ်များ

Kronika I, 28:9

Jehanɛ, David de Salomo ke, “Ye bi Salomo, i ngɛ mo dee ke ó le o tsɛ e Mawu ɔ, nɛ o sɔmɔ lɛ kɛ o tsui tsuo, kɛ o juɛmi tsuo; ejakaa Yawɛ le wa susumi ɔmɛ, kɛ wa suɔmi nya ní ɔmɛ tsuo. Ke o hla e se blɔ ɔ, e ma he mo; se ke o kua lɛ ɔ, lɛ hu e maa je o se kɛ maa ya neneene.

La 34:10

Jata bihi po e fiɔ mɛ nɛ hwɔ yee mɛ. Se nihi nɛ hlaa Yawɛ se blɔ ɔ, nɔ́ ko nɔ́ ko hia we mɛ.

Yesaya 27:5

Se ke ye ma a a he nyɛli ngɛ hlae kaa ma bu a he ɔ, lɛɛ a kɛ mi nɛ ba kpata lolo. Niinɛ, e hia kaa a kɛ mi nɛ ba kpata.”

Mateo 5:25

“Ke nɔ ko sama mo, nɛ nyɛ ngɛ blɔ ɔ nɔ kɛ yaa kojomi he ɔ, o kɛ lɛ nɛ tsa mla. Ke pi ja a, o pɛbilɔ ɔ maa ngɔ mo ya wo kojolɔ ɔ dɛ mi; kojolɔ hu maa ngɔ mo ya wo tsɔlɔ ɔ dɛ mi, nɛ a maa wo mo tsu.

Yohane 17:3

Ke a na le kaa mo ji anɔkuale Mawu ɔ, nɛ a le Yesu Kristo, nɔ nɛ o tsɔ ɔ, a ma na neneene wami.

Ni Tsumi 10:36

Mawu tsɔ nɛ a kɛ munyu ɔ ya ha Israel bi ɔmɛ, nɛ a gu Yesu Kristo nɔ kɛ jaje sane kpakpa a nɛ kɛ tue mi jɔmi baa a ngɔ tsɔɔ mɛ. Lɛ, Yesu Kristo ɔ ji nimli adesahi tsuo a Nyɔmtsɛ.

2 Korintobi 4:6

Mawu lɛ de ke, “La nɛ tso kɛ je diblii mi.” Lɛ Mawu ɔ nɔuu lɛ haa la kpɛɔ ngɛ wa tsui mi. Nɛ la nɛ ɔ haa wa leɔ Mawu hɛ mi nyami nɛ kpɛɔ ngɛ Kristo hɛ mi ɔ.

2 Korintobi 5:20

Lɔ ɔ he ɔ, wa ji bɔfohi ngɛ Kristo biɛ mi ejakaa Mawu gu wa nɔ nɛ e kɛ nihi ngɛ munyu tue. Waa kɛ Kristo biɛ ngɛ nyɛ pɛɛ kpae ke nyɛ ha nɛ a dla nyɛɛ kɛ Mawu nyɛ kpɛti.

Filipibi 4:7

Nɛ Mawu he jɔmi nɛ pã adesa juɛmi tsuo ɔ maa bu nyɛ tsui, kɛ nyɛ juɛmi he ngɛ Kristo Yesu mi.